திருவண்ணாமலை : செலவுக்கு பணம் தர மறுத்த தந்தையை, வெட்டி கொன்ற மகனை, போலீசார் கைது செய்தனர்.

திருவண்ணாமலை மாவட்டம், ஆனந்தல்பட்டி கிராமத்தைச் சேர்ந்தவர் மாணிக்கம், 65; விவசாயி. இவரது மகன் சுப்பிரமணி, 32; திருமணமாகி, மனைவி, குழந்தைகள் உள்ளனர். அனைவரும் கூட்டு குடும்பமாக வசித்து வருகின்றனர்.நேற்று முன்தினம் மாலை, 5:00 மணியளவில், விவசாய நிலத்தில் மாணிக்கம் வேலை செய்து கொண்டிருந்தார். அங்கு, மது போதையில் வந்த சுப்பிரமணி, தந்தையிடம் பணம் கேட்டு தகராறில் ஈடுபட்டார்.பணம் இல்லை எனக் கூறியதால் ஆத்திரமடைந்த சுப்பிரமணி, மாணிக்கத்தை கொடுவாளால் வெட்டி கொன்றார். அவரை, மங்கலம் போலீசார் கைது செய்தனர்.