உலக கொரோனா பாதிப்பு 4.8 மில்லியனை கடந்தது ; ஜான்ஸ் ஹாப்கின்ஸ் பல்கலை

Updated : மே 20, 2020 | Added : மே 20, 2020
Share
Advertisement

வாஷிங்டன் : உலகளவில் கொரோனா பாதிப்பு அதிகரித்து 4.8 மில்லியனை தாண்டியதாக ஜான்ஸ் ஹாப்கின்ஸ் பல்கலை தகவல் தெரிவித்துள்ளது.



latest tamil news



கொரோனா வைரசின் தாக்கம் உலகின் பல நாடுகளிலும் பரவி வருகிறது. இந்தியாவிலும் கொரோனா பாதிப்புகள் நாளுக்கு நாள் கூடிக்கொண்டே செல்கிறது. பல நாடுகளிலும் நோய் பரவலை கட்டுக்கும் வைக்க ஊரடங்கு அமல்படுத்தப்பட்டுள்ளது. உலகளாவிய கொரோனா பாதிப்புகள் 4.8 மில்லியனை தாண்டி சென்றது. இதுவரை பலியானவர்களின் விகிதம் 3,23,000 தாண்டியது என ஜான்ஸ் ஹாப்கின்ஸ் பல்கலை தகவல் தெரிவித்துள்ளது. இந்நிலையில் இன்று (மே.,20) காலை நிலவரப்படி, மொத்த கொரோனா பாதிப்புகளின் எண்ணிக்கை 4,897,492 ஆகவும், பலியானவர்களின் எண்ணிக்கை 3,23,285 ஆகவும் அதிகரித்துள்ளது.


latest tamil news



கொரோனா தாக்கம் காரணமாக பாதிக்கப்பட்ட நாடுகளில் அதிக பாதிப்புகளுடன் அமெரிக்கா முன்னிலையில் உள்ளது. இங்கு பாதிக்கப்பட்டவர்களின் எண்ணிக்கை 1,528,568 ஆகவும், பலியானவர்களின் எண்ணிக்கை 91,921, ஆகவும் அதிகரித்தது. அதையொட்டி, அதிக பாதிப்புகளுடன் ரஷ்யா 2 வது இடத்தில் உள்ளது. அங்கு பாதிக்கப்பட்டவர்களின் எண்ணிக்கை 2,99,941 ஆக இருக்கிறது. மேலும் உச்சகட்ட பாதிப்புகளுடன் பிரேசில் 3 வது இடத்திற்கு நகர்ந்துள்ளது. பிரேசில் (2,71,885), பிரிட்டன் (250,138), ஸ்பெயின் (231,606), இத்தாலி (2,32,037), பிரான்ஸ் (180,933), ஜெர்மனி (177,778), துருக்கி (151,615) மற்றும் ஈரான் (124,603) என பல்கலையின் கணினி அறிவியல் மற்றும் பொறியியல் மையம் புள்ளிவிவரங்கள் தெரிவிக்கின்றன.


latest tamil news



இதற்கிடையில் உலகளவில் 2 வதாக பிரிட்டனின் கொரோனாவிற்கான பலி எண்ணிக்கை 35,422 ஆக உள்ளன. தொடர்ந்து, ஐரோப்பிய நாடுகளில், 10,000 க்கும் மேற்பட்ட கொரோனா பலிகளை கொண்ட நாடுகளாக இத்தாலி (32,169), பிரான்ஸ் (28,025), ஸ்பெயின் (27,778), மற்றும் பிரேசில் (16,983) ஆக உள்ளது. இவ்வாறு தெரிவிக்கப்பட்டுள்ளது.

Advertisement




வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X