மதுராந்தகம் : கொரோனா வைரஸ் காரணமாக, கடந்த நாட்களில், சுங்கச்சாவடிகள் மூடப்பட்டன. இந்நிலையில், சென்னை- - திருச்சி தேசிய நெடுஞ்சாலையில், ஆத்துார் சுங்கச்சாவடி நேற்று திறக்கப்பட்டு, கட்டண வசூல் துவங்கியது.இதனால், காலை முதலே அப்பகுதியில் போக்குவரத்து நெரிசல் அதிகமானது. கார் உள்ளிட்ட வாகனங்களில், இ - பாஸ் உள்ளிட்ட முறையான ஆவணங்கள் உள்ளனவா என, சோதனை செய்யப்பட்ட பிறகே வாகனங்கள் அனுப்பட்டன.இதனால், சுங்கச்சாவடியில் நீண்ட துாரம் வாகனங்கள் நிறுத்தப்பட்டன. போக்குவரத்து நெரிசலால், வெயிலில் நின்ற இருசக்கர வாகன ஓட்டிகள் அவதிக்குள்ளாகினர்.