‛பிரதமர் பேச்சை கேட்டதால் கொரோனா கட்டுக்குள் வந்தது | Dinamalar

‛பிரதமர் பேச்சை கேட்டதால் 'கொரோனா' கட்டுக்குள் வந்தது

Updated : மே 22, 2020 | Added : மே 20, 2020 | கருத்துகள் (3)
Share
‛பிரதமர் பேச்சை கேட்டதால் 'கொரோனா' கட்டுக்குள் வந்தது

புதுடில்லி : ‛தொற்றை அடையாளம் காண்பதில் நுண் அறிதலும், மிகப் பெரிய அளவிலான தனிமைபடுத்தலும், உடனடி சிகிச்சை முறைகளுமே, இந்தியாவில் ‛கொரோனா' பலி மற்றும் பரவலை, பெரிதும் கட்டுப்படுத்தியது' என, மத்திய சுகாதாரத்துறை அமைச்சர் ஹர்ஷ் வர்தன் தெரிவித்தார்.

‛நாம்' எனப்படும் அணி சேரா நாடுகள் அமைப்பு, ஐ.நா., போன்று மிகப்பெரிய அமைப்பாகும். இதில் ஆசியா, ஆப்ரிக்கா, லத்தீன் அமெரிக்காவைச் சேர்ந்த, 120 வளர்ந்து வரும் நாடுகள் உறுப்பினர்களாக உள்ளன. இந்த அமைப்பில் உறுப்பினர்களாக உள்ள நாடுகளின், சுகாதாரத்துறை அமைச்சர்கள் பங்கேற்கும் மாநாடு, ‛வீடியோ கான்பரன்ஸ்' வாயிலாக நேற்று நடந்தது.

ஐரோப்பிய நாடான அஸர்பைஜானின் சுகாதாரத்துறை அமைச்சர், ஓக்டேய் ஷிராலியேவ், மாநாட்டுக்கு தலைமை வகித்தார்.

இதில் பங்கேற்ற, மத்திய சுகாதாரத்துறை அமைச்சர், ஹர்ஷ் வர்தன் பேசியதாவது:
‛கொரோனா' வைரசை கட்டுப்படுத்துவதற்காக, பிரதமர் நரேந்திர மோடி அறிவித்த நாடு தழுவிய ஊரடங்குக்கு, 135 கோடி மக்களும் ஆதரவு தெரிவித்து, அந்த உத்தரவை மதித்து நடந்ததால் தான், அந்த கொடிய தொற்றை, இந்த அளவுக்கு எங்களால் கட்டுக்குள் வைத்திருக்க முடிகிறது.
தொற்றை அடையாளம் காண்பதில் நுண் அறிதலும், மிகப் பெரிய அளவிலான தனிமைபடுத்தலும், உடனடி சிகிச்சை முறைகளுமே, கொரோனா பலி மற்றும் பரவலை, இந்தியாவில் கட்டுக்குள் வைத்துள்ளன.இவ்வாறு, அவர் பேசினார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X