சென்னை : குறுவை பருவ நெல் சாகுபடிக்கு தேவையான உர வகைகளை, டெல்டா மாவட்டங்களில் இருப்பு வைக்க, வேளாண் துறை அதிகாரிகளுக்கு உத்தரவிடப்பட்டுள்ளது.

அத்துறை அதிகாரி ஒருவர் கூறியதாவது:தற்போது, டெல்டா மாவட்டங்களில், யூரியா, 18 ஆயிரத்து, 800 டன்; டி.ஏ.பி., 26 ஆயிரத்து, 490 டன்; பொட்டாசியம், 16 ஆயிரத்து, 100 டன்; கூட்டு உரங்கள், 41 ஆயிரத்து, 800 டன் உரங்கள் கையிருப்பில் உள்ளன.காரைக்கால் துறைமுகத்தில் இருந்து, 27 ஆயிரம் டன், யூரியா வந்து கொண்டு இருக்கிறது; துாத்துக்குடி துறைமுகத்திற்கு, 44 ஆயிரம் டன்கள் யூரியா வரவுள்ளது. இவை, ரயில் வாயிலாக டெல்டா மாவட்டங்களுக்கு எடுத்து வரப்பட உள்ளது. இதன் வாயிலாக குறுவை சாகுபடி தேவையை சமாளிக்க முடியும். இவ்வாறு, அவர் கூறினார்.