பொது செய்தி

தமிழ்நாடு

தீவிரம்! மாவட்ட அரசு பள்ளிகள் தயார் செய்வதில்...பொதுத்தேர்வு விடைத்தாள் திருத்த ஏற்பாடு

Added : மே 20, 2020
Share
Advertisement

விழுப்புரம்; விழுப்புரம் மாவட்டத்தில் பிளஸ் 2 பொதுத்தேர்வு விடைத்தாள் திருத்தும் அரசு பள்ளிகள் தயார் செய்யும் பணியில் கல்வி துறை அலுவலர்கள் தீவிரம் காட்டி வருகின்றனர்.தமிழகத்தில் கொரோனா பாதுகாப்பு நடவடிக்கையாக கடந்த மார்ச் 24ம் தேதி முதல் ஊரடங்கு உத்தரவு அமலில் உள்ளது. இதனால், பள்ளி மற்றும் கல்லுாரிகளுக்கு விடுமுறை அளிக்கப்பட்டது. தமிழகத்தில் கடந்த மார்ச் மாதம் நடந்த பிளஸ் 2 பொதுத்தேர்வு விடைத்தாள் திருத்தும் பணிகளும் கிடப்பில் போடப்பட்டது.இந்நிலையில், பிளஸ் 2 பொதுத்தேர்வு விடைத்தாள் திருத்தும் பணிகள் வரும் 27ம் தேதி முதல் துவங்க பள்ளிக்கல்வித்துறையில் உத்தரவிடப்பட்டுள்ளது. இதற்காக, விடைத்தாள் திருத்தும் மையங்களை தயார் நிலையில் வைக்க அரசு அறிவுறுத்தியது.அதன்படி, விழுப்புரம் மாவட்டத்தில் விடைத்தாள் திருத்துவது கட்டுப்பாடுகளுடன் மேற்கொள்ள சி.இ.ஓ. முனுசாமி நடவடிக்கை எடுத்து வருகிறார். இதற்காக, மாவட்ட அரசு பள்ளிகளை தயார் செய்யும் பணிகளில் அலுவலர்கள் ஈடுபட்டு வருகின்றனர்.இப்பணிகள், விழுப்புரம் அரசு மாதிரி பெண்கள் மேல்நிலைப்பள்ளி முதன்மை மையம் மற்றும் துணை மையங்கள் என மொத்தம் 85 அறைகளில் விடைத்தாள் திருத்தும் பணி நடைபெற உள்ளது.இதேபோன்று, திண்டிவனத்தில் ஒரு முதன்மை மையம் மற்றும் துணை மையங்கள் என மொத்தம் 60 அறைகளிலும், செஞ்சியில் ஒரு முதன்மை மையம் மற்றும் துணை மையங்கள் என மொத்தம் 40 அறைகளில் இப்பணிகள் நடைபெற உள்ளது.விழுப்புரம் மாவட்டத்தில் உள்ள அந்தந்த மாவட்ட கல்வி அலுவலர்கள் தலைமையில் முதுகலை ஆசிரியர்கள் விடைத்தாள் திருத்தும் பணிகளில் ஈடுபடவுள்ளனர். இதற்காக, மாவட்டத்தில் உள்ள தேர்வு மையங்களில் அரசு அறிவுறுத்தியபடி, கட்டுப்பாடுகளுடன் விடைத்தாள் திருத்த ஏற்பாடு செய்யப்பட்டு வருகிறது.இந்த மையங்களில் சமூக இடைவெளியை கடைபிடிக்க ஆசிரியர்கள் ஒரு மீட்டர் இடைவெளியுடன் அமர்ந்து இப்பணிகளை மேற்கொள்ள இருக்கின்றனர். அதிகபட்சமாக ஒரு அறைக்கு 8 பேர் மட்டுமே அனுமதிக்கப்பட உள்ளனர். அரசின் கொரோனா கட்டுப்பாடுகளுடன் விடைத்தாள் திருத்தும் பணிகள் மேற்கொள்ளப்படும் என சி.இ.ஓ., முனுசாமி கூறினார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X