கோவை:கோவையில், கடந்த ஒரு வாரத்தில் மட்டும், 1,454 குடிசைகளில் இருப்போருக்கு சளி, இருமல், காய்சல் இருக்கிறதா என, ஆய்வு செய்யப்பட்டது.கோவையில், மக்கள் நெருக்கமாக வசிக்கும் பகுதிகளில், நேரில் ஆய்வு செய்து, 'கொரோனா' தொற்று பரவியிருக்கிறதா என, பரிசோதனை மேற்கொள்ள, சுகாதாரப் பிரிவினருக்கு உத்தரவிடப்பட்டது. கடந்த ஒரு வாரமாக, மாநகராட்சி சுகாதாரப் பிரிவினர், குடிசை பகுதிகளுக்கு நேரில் சென்று ஆய்வு செய்தனர்.இதுவரை, 1,454 குடிசைகளுக்கு மாநகராட்சி சுகாதாரப் பிரிவினர் சென்று, அங்கு வசிப்போருக்கு சளி, காய்ச்சல், இருமல் இருக்கிறதா என கேட்டறிந்தனர். அதில், யாருக்கும் எவ்வித பாதிப்பு இல்லை என்பது தெரியவந்தது.