சம்பவம் செய்தி

தமிழ்நாடு

புறம்போக்கு நிலத்தில் உருவானது 'எடப்பாடியார் நகர்': வருவாய்த்துறை மவுனத்தால் இருதரப்பு மோதல் அபாயம்

Added : மே 21, 2020
Share
Advertisement

மேட்டூர்: புறம்போக்கு நிலத்தில் உருவான, 'எடப்பாடியார் நகர்' விவகாரத்தில், வருவாய்த்துறை நடவடிக்கை எடுக்காமல், 'கொரோனா' தடுப்பு பணியில் ஈடுபட்டுள்ளது. இதனால், குறிப்பிட்ட சமூகத்தைச் சேர்ந்த, இரு தரப்பினர் இடையே மோதல் ஏற்படும் அபாயம் உள்ளது.
மேட்டூர், வீரக்கல்புதூர் ஊராட்சி, முதலாவது வார்டில், 50 ஏக்கருக்கு மேற்பட்ட புறம்போக்கு நிலம் உள்ளது. அங்குள்ள, ஒரு பகுதியை, அப்பகுதியைச் சேர்ந்த சிலர் ஆக்கிரமித்து, தங்கள் அனுபவத்தில் வைத்திருந்தனர். அதில், 5 ஏக்கரில், வீரக்கல்புதூர் பேரூராட்சி நிர்வாகம், திடக்கழிவு மேலாண்மை திட்டத்தை நிறைவேற்ற, சமீபத்தில் இடம் தேர்வு செய்தது. அதையறிந்த ஆக்கிரமிப்பாளர்கள், பேரூராட்சியைச் சேர்ந்த, ஒரு குறிப்பிட்ட சமூகத்தைச் சேர்ந்த சிலருக்கு சட்டவிரோதமாக விற்றுள்ளனர். அந்த நிலத்தை வாங்கிய, 12 பேர், குடிசை போட்டு குடியேறியதோடு, தற்காலிக சாலை அமைத்தனர். வருவாய்த்துறையினரை எச்சரிக்க, குடிசைகளை அகற்றாமல் இருக்க, 'எடப்பாடியார் நகர்'என பெயர் பலகை வைத்து விட்டனர். இதையறிந்த, அதே சமூகத்தினரைச் சேர்ந்த, மற்றொரு தரப்பினர், ஒரு வாரத்துக்கு முன், அந்த நிலம் அருகே, மற்றொரு பகுதியை ஆக்கிரமித்து குடிசை போட திட்டமிட்டனர். இதனால், அங்கு சென்ற வருவாய்த்துறையினர், ஆக்கிரமிப்பாளர்களை வெளியேற்றி, அந்த நிலம் அரசுக்கு சொந்தமானது என, பேனர் வைத்தனர். அதேநேரம், 'எடப்பாடியார் நகர்' என, வைத்துள்ள பலகையை அகற்றவில்லை.

இதுகுறித்து, மற்றொரு தரப்பினர் கூறியதாவது: நிலத்தை ஆக்கிரமிக்க முயன்ற எங்களை வெளியேற்றி பேனர் வைத்துள்ளனர். அதுபோல், மற்றவர்கள் போட்ட குடிசைகளையும் அரசு அகற்ற வேண்டும். இல்லையெனில், எங்கள் சமூகத்தை சேர்ந்த அனைவரையும் விசாரித்து, வீடு இல்லாதவர்களுக்கு மட்டும், இலவச வீட்டுமனை வழங்க, அரசு முன்வர வேண்டும். ஒரு தரப்பினருக்கு ஆதரவாக, வருவாய்த்துறையினர் செயல்படுவது வேதனையளிக்கிறது. இவ்வாறு அவர்கள் கூறினர். இதுதொடர்பாக, ஒரு வாரமாக, வருவாய்த்துறையினர் மவுனம் காப்பதால், அரசு நிலத்தை ஆக்கிரமிப்பதில், இருதரப்பினர் இடையே மோதல் ஏற்படும் அபாயம் உள்ளது. வருவாய்த்துறை அலுவலர்கள் கூறுகையில், 'கொரோனா தடுப்பு நடவடிக்கைக்கு முக்கியத்துவம் கொடுக்க வேண்டியுள்ளது. விரைவில், சம்பவம் தொடர்பாக விசாரித்து, உரிய நடவடிக்கை எடுக்கப்படும்' என்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X