ஜோ பிடனின் வெற்றியே ஜின்பிங்கின் ஆசை: டிரம்ப் கடும் விமர்சனம்| Trump sharpens attack on China on Covid-19 | Dinamalar

'ஜோ பிடனின் வெற்றியே ஜின்பிங்கின் ஆசை': டிரம்ப் கடும் விமர்சனம்

Updated : மே 21, 2020 | Added : மே 21, 2020 | கருத்துகள் (1)
Share

வாஷிங்டன்: 'அமெரிக்க அதிபர் தேர்தலில், ஜோ பிடன் வெற்றி பெற வேண்டும் என்பதே சீனாவின் ஆசையாகவுள்ளது' என, சீனாவை மீண்டும் விமர்சித்துள்ளார் அதிபர் டிரம்ப்.



latest tamil news



உலகிலேயே கொரோனாவின் மையமாக மாறியுள்ள அமெரிக்காவில் இதுவரை, 15.92 லட்சத்துக்கும் அதிகமானோருக்கு வைரஸ் தொற்று உறுதி செய்யப்பட்டுள்ளது; 94,994 பேர் உயிரிழந்துள்ளனர். 'கொரோனாவால் மொத்த உலகமும் கடுமையான பாதிப்புகளைச் சந்தித்திருப்பதற்கு சீனா மட்டுமே காரணம்' என, ஆரம்பம் முதலே அமெரிக்க அதிபர் டிரம்ப் விமர்சித்து வருகிறார்.


latest tamil news



நேற்று தனது டுவிட்டர் பக்கத்தில், 'சீனாவின் செய்தி தொடர்பாளர்கள் அந்நாடு சார்பாக மிகவும் முட்டாள்தனமாகப் பேசுகிறார்கள். சீனாவால் உலகம் முழுவதும் பரவியிருக்கும் வேதனைகளையும் உயிரிழப்புகளையும் திசை திருப்ப முயற்சி செய்கிறார்கள். ஆரம்பத்திலேயே இந்த வைரசை பரவ விடாமல் அவர்களால் எளிதில் தடுத்திருக்க முடியும். ஆனால், அவ்வாறு அவர்கள் செய்யவில்லை' என, கருத்து பதிவிட்டிருந்தார் டிரம்ப்.




latest tamil news




இந்நிலையில் இன்று, 'அமெரிக்க அதிபர் தேர்தலில், தூங்கி வழியும் ஜோ பிடன் தான் வெற்றி பெற வேண்டும் என, சீனா ஆசைப்படுகிறது. அதற்காக, சீனா ஒரு பெரும் பிரசாரத்தில் ஈடுபட்டுள்ளது. இதன் மூலம், அமெரிக்காவை அவர்களால் எளிதில் துண்டிக்க முடியும். நான் பதவிக்கு வருவதற்கு முன்பிலிருந்து பல ஆண்டுகளாக சீனா இதைத்தான் செய்து வருகிறது' எனக் குறிப்பிட்டுள்ளார்.

கொரோனா வைரஸ் பரவல் விவகாரத்தில், டிரம்ப் மற்றும் சீனாவுக்கு இடையேயான பனிப்போர் முடிவடைந்து, வெளிப்படையான வார்த்தைப் போர் உச்சத்தை எட்டி வருவது குறிப்பிடத்தக்கது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X