பொது செய்தி

தமிழ்நாடு

உயிர் தண்ணீர் வழங்க வேண்டும் :ஆழியாறு விவசாயிகள் கோரிக்கை

Added : மே 22, 2020
Share
Advertisement

ஆனைமலை:பொள்ளாச்சி அடுத்த ஆழியாறு அணையில் இருந்து, புதிய ஆயக்கட்டு பாசனத்துக்கு உயிர் தண்ணீர் வழங்க வேண்டுமென, விவசாயிகள் கோரிக்கை விடுத்துள்ளனர்.பொள்ளாச்சி அடுத்த ஆழியாறு அணையில் இருந்து, புதிய ஆயக்கட்டு பாசனத்துக்கு வழங்கப்படும் நீரை பயன்படுத்தி, 44 ஆயிரம் ஏக்கர் நிலங்கள் பாசன வசதி பெறுகிறது.திட்டத்தில், 'ஏ' மற்றும் 'பி' ஆகிய இரண்டு மண்டலங்களாக பிரிக்கப்பட்டு பாசன நீர் வழங்கப்படுகிறது. கடந்த நவ., 4ம் தேதி ஆழியாறு ஊட்டுக்கால்வாய், பொள்ளாச்சி மற்றும் சேத்துமடை கால்வாய்களுக்கு, 'பி' மண்டலத்துக்கும், வேட்டைக்காரன்புதுார் கால்வாய்க்கு, 'ஏ' மண்டலத்துக்கும் தண்ணீர் திறக்கப்பட்டது.அரசாணைப்படி நீர் வழங்கப்பட்டு மார்ச், 19ம் தேதி தண்ணீர் நிறுத்தப்பட்டது. இந்நிலையில், நீர் பாயாத மடைகளில் உள்ள தென்னை மரங்களை வறட்சியில் இருந்து காக்க, உயிர் தண்ணீர் வழங்க வேண்டுமென, விவசாயிகள் அரசுக்கு கோரிக்கை விடுத்துள்ளனர்.ஆழியாறு புதிய ஆயக்கட்டு பாசன விவசாயிகள் நலச்சங்க செயலாளர் செந்தில் கூறியதாவது:கடந்த முறை, 90 நாட்களுக்கு, 2,450 மில்லியன் கனஅடி நீர் வழங்க கோரிக்கை விடுத்தோம். ஆனால், குறைவான நீர் வழங்கப்பட்டது.தற்போது, பரம்பிக்குளம் அணையில் போதிய அளவு நீர் உள்ளதால், சிறப்பு நனைப்பாக, நீர் பாயாத மடைகளுக்கு, உயிர் தண்ணீர் வழங்க அரசு நடவடிக்கை எடுக்க வேண்டும்.15 நாட்களுக்கு, 500 மில்லியன் கனஅடி நீர் வழங்க வேண்டும். விரைவில் நீர் வழங்கினால்மட்டுமே, கோடையில் பிடியில் சிக்கியுள்ள தென்னை மரங்களை காக்க முடியும்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X