பொது செய்தி

தமிழ்நாடு

மகளிர் குழுவுக்கு ரூ.ஒரு லட்சம் கடனுதவி: 6 மாதத்துக்கு பின், தவணை துவங்கும்

Added : மே 23, 2020
Share
Advertisement

திருப்பூர்:மகளிர் குழுக்களுக்கு, முதல் ஆறு மாதங்களுக்கு தவணை விலக்குடன், ஒரு லட்சம் ரூபாய் வரை கடனுதவி வழங்கப்படுகிறது.கொரோனா ஊரடங்கால் பாதித்த மக்களுக்கு, தமிழக அரசு பல்வேறு வகையில், நிவாரண உதவி வழங்கி வருகிறது. மத்திய கூட்டுறவு வங்கிகள் மூலமாக, மகளிர் குழுவினருக்கு சிறப்பு கடனுதவி திட்டமும் அறிவிக்கப்பட்டுள்ளது. மகளிர் குழுவை சேர்ந்த ஒருவருக்கு, 5,000 ரூபாயும், ஒரு குழுவுக்கு, ஒரு லட்சம் ரூபாய் வரையிலும், கடன் உதவி அளிக்கப்படுகிறது.
மாவட்ட மத்திய கூட்டுறவு வங்கி சார்பில் வழங்கப்படும் இக்கடனுக்கு, முதல் ஆறு மாதம் வரை, தவணை மற்றும் வட்டி செலுத்த தேவையில்லை. அதன் பின்னரே, குறைந்த வட்டியுடன் தவணையை திருப்பி செலுத்தலாம்; அதிகபட்சமாக, 34 மாதங்கள் வரை தவணை அவகாசம் வழங்கப்பட உள்ளது.மாவட்டம் தோறும், மாவட்ட மத்திய கூட்டுறவு வங்கிகள் சார்பில், தகுதியான மகளிர் குழுவினரை தேர்வு செய்து வருகின்றனர். மகளிர் குழுவினரும், கடனுதவி கோரி விண்ணப்பித்துள்ளனர்.
ஈரோடு மாவட்ட மத்திய கூட்டுறவு வங்கி சார்பில், தாராபுரம் தாலுகா மகளிர் குழுவினருக்கு நேற்று கடனுதவி வழங்கப்பட்டது.இதில், மொத்தம், 41 குழுக்களை சேர்ந்த, 474 நபர்களுக்கு, 23.70 லட்சம் ரூபாய் கடன் வழங்கப்பட்டது. டி.ஆர்.ஓ., சுகுமார், எம்.எல்.ஏ.,கள் காளிமுத்து, தனியரசு, ஈரோடு மாவட்ட மத்திய கூட்டுறவு வங்கி தலைவர் கிருஷ்ணராஜ், மாவட்ட ஊராட்சி குழு தலைவர் சத்தியபாமா உள்ளிட்டோர் பங்கேற்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X