பொது செய்தி

தமிழ்நாடு

ஜெ.,வீட்டை நினைவு இல்லமாக மாற்ற அவசர சட்டம் பிறப்பிப்பு

Updated : மே 24, 2020 | Added : மே 23, 2020 | கருத்துகள் (12)
Share
Advertisement
ஜெ.,வீட்டை நினைவு இல்லமாக மாற்ற அவசர சட்டம் பிறப்பிப்பு

சென்னை, சென்னை, போயஸ் கார்டனில் உள்ள, மறைந்த முன்னாள் முதல்வர் ஜெயலலிதாவின், 'வேதா நிலையம்' இல்லத்தை, நினைவு இல்லமாக மாற்ற, தமிழக அரசு அவசர சட்டம் பிறப்பித்துள்ளது.

ஜெயலலிதா மறைவுக்கு பின், போயஸ் கார்டனில், அவர் வசித்த வீட்டை, நினைவு இல்லமாக மாற்ற வேண்டும் என, அ.தி.மு.க., வினர் வலியுறுத்தினர்.அதையேற்ற, முதல்வர் இ.பி.எஸ்., 'ஜெ., சாதனைகளை நினைவுபடுத்தும் வகையில், அவர் வசித்த வேதா நிலையம், நினைவு இல்லமாக மாற்றப்பட்டு, பொதுமக்கள் பார்வைக்கு அனுமதிக்கப்படும்' என, 2017 ஆக., 17ல் அறிவித்தார். அதன்படி, நினைவு இல்லத்தை கையகப்படுத்த, தமிழ் வளர்ச்சிமற்றும் செய்தித்துறை, 2017 அக்., 5ல், நிர்வாக ஒப்புதல் வழங்கியது.


கட்டுப்பாடு



அந்த நிலம் மற்றும் இல்லத்தை கையகப்படுத்த, அதிகாரப்பூர்வ முதல்கட்ட அறிவிப்பு, 2019 ஜூன், 28ல் வெளியானது. இதற்கான உறுதி ஆவணம், இம்மாதம், 6ம் தேதி வெளியிடப்பட்டது. ஜெ., இல்லத்தில் உள்ள, அசையும் சொத்துக்களான, மரச்சாமான்கள், புத்தகங்கள், நகைகள் போன்றவை, மூன்று ஆண்டுகளாக பயன்படுத்தப்படாமல் உள்ளன.
எனவே, கையகப்படுத்தும் நடவடிக்கை நிறைவடையும் வரை, அங்குள்ள அனைத்து அசையும் மற்றும் அசையா சொத்துக்களை, அவற்றின் பராமரிப்புக்காக, அரசின் கட்டுப்பாட்டுக்கு மாற்ற முடிவு செய்யப்பட்டது. அதன்படி, அந்த இல்லம் மற்றும் அசையும் சொத்துக்களை, தற்காலிகமாக அரசுடைமையாக்கவும், வேதா நிலையம் இல்லத்தை நினைவு இல்லமாக மாற்றுவதற்கான நடவடிக்கைகளை மேற்கொள்ளவும், 'புரட்சித் தலைவி டாக்டர் ஜெ.ஜெயலலிதா நினைவு அறக்கட்டளை' அமைக்கவும், கவர்னர் பன்வாரிலால் புரோஹித், அவசர சட்டம் பிறப்பித்துள்ளார்.


நடவடிக்கை



அறக்கட்டளை தலைவராக முதல்வர், உறுப்பினர்களாக துணை முதல்வர், செய்தித் துறை அமைச்சர் மற்றும் அதிகாரிகள் இருப்பர். செய்தித் துறை இயக்குனர், உறுப்பினர் செயலராக இருப்பார். இந்த அறக்கட்டளை, வேதா நிலையம் இல்லத்தை பராமரிக்கவும், அங்குள்ள அனைத்து அசையும் சொத்துக்களை பாதுகாக்கவும், அனைத்து விதமான நடவடிக்கைகளையும் மேற்கொள்ளும் என, அறிவிக்கப்பட்டுள்ளது.

Advertisement


வாசகர் கருத்து (12)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Nallavan Nallavan - கோல்கத்தா,இந்தியா
23-மே-202019:26:39 IST Report Abuse
Nallavan Nallavan அங்கு குன்ஹா தீர்ப்பும் வைக்கணும் அப்போ தான் பயம் வரும் இனி சுருட்ட கூடாது என்று
Rate this:
Cancel
Nallavan Nallavan - கோல்கத்தா,இந்தியா
23-மே-202019:22:55 IST Report Abuse
Nallavan Nallavan எல்லாம் சசிகலா பயம் சாரி மயம்
Rate this:
Cancel
தமிழ்வேல் - முகப்பேர் மேற்கு ,இந்தியா
23-மே-202012:49:28 IST Report Abuse
தமிழ்வேல் நம்பர் 1
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X