பொது செய்தி

தமிழ்நாடு

தி.மு.க., - பா.ம.க., பெண் கவுன்சிலர்களின் கணவர்கள் 'ஆட்டம்': ஒன்றிய கவுன்சில் ஆலோசனை கூட்டத்தில் பங்கேற்றதால் சர்ச்சை

Added : மே 23, 2020
Share
Advertisement

ஆத்தூர்: ஆத்தூரில் நடந்த ஒன்றிய கவுன்சில் ஆலோசனை கூட்டத்தில், தி.மு.க., - பா.ம.க., பெண் கவுன்சிலர்களின் கணவர்கள் பங்கேற்று, பி.டி.ஓ.,க்களிடம் திட்டப்பணிகள் குறித்து கேள்வி எழுப்பியது சர்ச்சையை ஏற்படுத்தியுள்ளது.
சேலம் மாவட்டம், ஆத்தூர் ஒன்றிய சேர்மன் அறையில் நேற்று, 15வது நிதிக்குழு மானியம் ஒதுக்கீடு, பணிகள் தேர்வு செய்தல் குறித்த ஆலோசனை கூட்டம், சேர்மன் லிங்கம்மாள் தலைமையில் நடந்தது.

இதில், பி.டி.ஓ.,க்கள் சந்திரசேகர், அருள்பாரதி (கிராம ஊராட்சிகள்) ஆகியோர் பேசியதாவது: பதினைந்தாவது நிதிக்குழு மானிய திட்டத்தில், மத்திய அரசு மூலம் ஆத்தூர் ஒன்றியத்துக்கு, 1.18 கோடி ரூபாய் நிதி ஒதுக்கீடு செய்யப்பட்டுள்ளது. இந்த நிதியில், குடிநீர், சாலை சீரமைப்பு, மழை நீர் சேகரிப்பு, கழிப்பறை கட்டுதல், தெருவிளக்கு, சமுதாய கூடம் உள்ளிட்ட பணிகள் மேற்கொள்ளலாம். ஒன்றிய கவுன்சிலர்கள், கட்சி பாகுபாடின்றி இத்திட்ட பணிகளை மேற்கொள்ள ஒத்துழைப்பு தரவேண்டும். இவ்வாறு பேசினர்.

கூட்டத்தில், தி.மு.க., பெண் கவுன்சிலர்கள் கயல்விழி கணவர் அன்பரசு, தனலட்சுமி கணவர் சசிகுமார், பா.ம.க., பெண் கவுன்சிலர் பூவாயி கணவர் பச்சமுத்து ஆகியோர் பங்கேற்று, பி.டி.ஓ.,க்களிடம் திட்டப்பணிகள் குறித்து கேள்வி எழுப்பினர். இது பிற கவுன்சிலர்கள் மத்தியில் அதிர்ச்சியை ஏற்படுத்தியது. சிலர் கூட்டத்தில் இருந்து வெளியேறினர்.

அ.தி.மு.க., கவுன்சிலர் ரவிச்சந்திரன் நிருபர்களிடம் கூறியதாவது: கவுன்சிலர்களுக்கு போடப்பட்ட இருக்கையில், தி.மு.க., பெண் கவுன்சிலர்களின் கணவர்கள், முன்வரிசையில் அமர்ந்து கொண்டனர். கவுன்சிலரான எனக்கு இடம் இல்லாததால், பின்னால் அமர வேண்டிய நிலை ஏற்பட்டதால், எழுந்து வந்து விட்டேன். பெண் கவுன்சிலர்களின் கணவர்கள் கூட்டத்தில் பங்கேற்றதோடு, பி.டி.ஓ.,விடம் திட்டப்பணிகள் தொடர்பாக கேள்வியும் எழுப்பினர். இதுபோன்ற விதிமீறல் தவிர்க்க நடவடிக்கை எடுக்க வேண்டும். இவ்வாறு கூறினார். பி.டி.ஓ.,க்கள் சந்திரசேகர், அருள்பாரதி கூறுகையில், 'நாங்கள் புதிதாக இங்கு வந்துள்ளோம்; பெண் கவுன்சிலரின் கணவர்கள் பங்கேற்றது தெரியவில்லை. இனிமேல் இதுபோன்ற நிகழ்வு ஏற்படாது' என்றனர். சேலம் மாவட்ட ஊரக வளர்ச்சிதுறை, உதவி இயக்குனர் கோபிநாத் கூறுகையில், ''15வது மானிய குழு ஆலோசனை கூட்டத்தை, சமூக இடைவெளியுடன் நடத்தும்படி அறிவுறுத்தப்பட்டது. பெண் கவுன்சிலரின் கணவர்கள் பங்கேற்றது தவறானது. இதுதொடர்பாக, பி.டி.ஓ.,விடம் விளக்கம் கேட்டு நடவடிக்கை எடுக்கப்படும்,'' என்றார்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X