பி.சி.ஆர்., கருவிகள் கொள்முதல்: ஸ்டாலின் கேள்வி| Dinamalar

அரசியல் செய்தி

தமிழ்நாடு

பி.சி.ஆர்., கருவிகள் கொள்முதல்: ஸ்டாலின் கேள்வி

Updated : ஜூன் 03, 2020 | Added : ஜூன் 01, 2020 | கருத்துகள் (50)
Share
பி.சி.ஆர்., கருவிகள் கொள்முதல்: ஸ்டாலின் கேள்வி

சென்னை : பி.சி.ஆர்., கருவிகள் கொள்முதல் தொடர்பாக, முதல்வர் இ.பி.எஸ்.,சுக்கு, தி.மு.க., தலைவர், ஸ்டாலின் கேள்வி எழுப்பியுள்ளார்.அவரது அறிக்கை:

முதல்வர் வீடியோ கான்பரன்ஸ் வாயிலாக, மே, 29ல், கலெக்டர்களுடன் ஆலோசனை நடத்தினார். அப்போது, 'கொரோனா பரிசோதனைக்காக, 9.14 லட்சம் பி.சி.ஆர்., கருவிகள் வரப்பெற்றன; தற்போது, 1.76 லட்சம் கருவிகள் கையிருப்பு உள்ளது' என, தெரிவித்தார்.

அன்றைய கணக்குப்படி, 4.66 லட்சம் பரிசோதனைகள் தான் நடந்துள்ளன. மீதம், 4.47 லட்சம் கருவிகள் இருக்க வேண்டும். முதல்வரின் கூற்றுப்படி, 1.76 லட்சம் கருவிகள் தான் உள்ளன என்றால், மீதமுள்ள, 2.71 லட்சம் கருவிகள் எங்கே போயின.
கையிருப்பில் உள்ள கருவிகளின் எண்ணிக்கை தவறா அல்லது பரிசோதனை செய்ததாக கொடுக்கப்பட்ட எண்ணிக்கை தவறா.

ஊரடங்கு காலத்தை, தன்னை முன்னிலைப்படுத்திக் கொள்ளும் விளம்பரத்திற்காக வீணடிக்காமல், இந்த ஜூன் மாதத்தையாவது, உண்மையான மக்கள் விசுவாசத்துடன், முறையாக கொரோனாவை கட்டுப்படுத்தி, மக்களை காப்பாற்ற முதல்வர் முயற்சிக்க வேண்டும்.இவ்வாறு, ஸ்டாலின் கூறியுள்ளார்.

Advertisement


We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X