சர்வதேச விண்வெளி ஆய்வு மையத்தில் கால் பதித்த நாசா விண்வெளி வீரர்கள்

Updated : ஜூன் 02, 2020 | Added : ஜூன் 02, 2020 | கருத்துகள் (1)
Share
Advertisement

வாஷிங்டன்; அமெரிக்காவின், 'ஸ்பேஸ் எக்ஸ்' நிறுவன ராக்கெட்டில் சென்ற, இரண்டு, 'நாசா' விண்வெளி வீரர்களும், சர்வதேச விண்வெளி ஆய்வு மையத்திற்குள் நுழைந்துள்ளனர்.



latest tamil news



அமெரிக்காவில் உள்ள, ஸ்பேஸ் எக்ஸ் நிறுவனம், சர்வதேச விண்வெளி ஆய்வு மையத்திற்கு மனிதர்களை அனுப்பும் திட்டத்திற்காக, 'க்ரூ டிராகன்' விண்கலத்தை ஏந்திச் செல்லும், 'பால்கன் 9' ரக ராக்கெட்டை தயாரித்திருந்தது. புளோரிடாவில் உள்ள கென்னடி விண்வெளி ஆய்வு மையத்தின் ஏவு தளத்தில் இருந்து, இந்திய நேரப்படி, நேற்று முன்தினம் நள்ளிரவு, 12:52 மணிக்கு, பால்கன் 9 ரக ராக்கெட் வெற்றிகரமாக விண்ணில் செலுத்தப்பட்டது.

அந்த விண்கலத்தில், நாசா விண்வெளி வீரர்களான, பாப் பென்கென், 49, மற்றும் டக் ஹர்லி, 53, இருவரும் அனுப்பி வைக்கப்பட்டனர். இந்த விண்கலம், 19 மணி நேர பயணத்திற்குப் பின், நேற்று முன்தினம் இரவு, விண்வெளியில் நிலைகொண்டிருக்கும் சர்வதேச விண்வெளி மையத்துடன் இணைக்கப்பட்டது. இதையடுத்து, வீரர்கள் இருவரும், சர்வதேச விண்வெளி மையத்திற்குள் நுழைந்துள்ளனர். அவர்களை, அங்குள்ள நாசா விண்வெளி வீரர் கிரிஸ் கேசிடி உட்பட, 63வது விண்வெளி ஆய்வு குழுவை சேர்ந்தவர்கள் வரவேற்றனர். இதை, நாசா நேற்று உறுதிபடுத்தியுள்ளது.


latest tamil news



சர்வதேச விண்வெளி மையத்திற்குள், வீரர்கள் நுழையும், 'வீடியோ'வை, நாசா 'டுவிட்டரில்' வெளியிட்டுள்ளது. அத்துடன், நாசா குறிப்பிட்டுள்ளதாவது:வரலாற்றில் முதன் முறையாக, தனியார் ராக்கெட் மூலம், விண்ணிற்கு சென்ற நாசா விண்வெளி வீரர்கள், பாப் பென்கெனும், டக் ஹர்லியும், சர்வதேச விண்வெளி ஆய்வு மையத்திற்குள் நுழைந்து உள்ளனர்.இவ்வாறு, அதில் குறிப்பிடப்பட்டுள்ளது.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sanny - sydney,ஆஸ்திரேலியா
02-ஜூன்-202006:20:08 IST Report Abuse
Sanny என்ன பண்ண, அவங்க விண்வெளி ஆய்வு கூடத்தில் கால் பதித்தாங்க, அமெரிக்க அதிபர் ஒருவர் நேற்று பல தசாப்தங்களுக்கு பின் முதல் முறையாக பங்கருக்குள் கால் பதித்து இருக்கிறார். அமெரிக்காவில் பொலிஸாரால் கொல்லப்பட்டவருக்கு எதிராக நடக்கும் ஆர்ப்பாட்டக்காரர்கள் வெள்ளைமாளிகையை கைப்பற்றும் நோக்கில் நேற்று அதி உச்ச ஆர்ப்பாட்டத்தை நடத்தியதால் அதிபரின் பாதுகாப்பு குழு அதிபரை வெள்ளை மாளிகைக்கு அடியில் இருக்கும் பாதாள பாதுகாப்பு அறைகளில் கொண்டுசெல்லபட்டு வைக்கப்பட்டிருக்கிறார்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X