பொது செய்தி

இந்தியா

தீவிரப் புயலாக மாறும் 'நிசர்கா'

Updated : ஜூன் 02, 2020 | Added : ஜூன் 02, 2020 | கருத்துகள் (1)
Share
Advertisement

மும்பை: அரபிக் கடலில் உருவாகியுள்ள நிசர்கா புயல் அடுத்த 12 மணி நேரத்தில் தீவிரப் புயலாக மாறும் என்று இந்திய வானிலை மையம் அறிவித்துள்ளது.



latest tamil news



தீவிரப் புயலாக மாறும் நிசர்கா என்றும் மஹாராஷ்டிரா மாநிலம் மற்றும் குஜராத் மாநிலம் இடையே மஹா., ராய்காட் மாவட்டம் அலிபாக் அருகே புதன் பிற்பகல் கரையை கடக்கும் என தெரிவிக்கப்பட்டுள்ளது. இது இந்த நுாற்றாண்டில் மும்பையை தாக்கும் முதல் புயல் என அறிவிக்கப்பட்டுள்ளது.

புயல் வடக்கு மஹாராஷ்டிரா மாநிலத்தை கரையை கடக்கும் போது மணிக்கு 120 கி.மீ., வேகத்தில் பலத்த சூறைக்காற்று வீசும். அடுத்த 24 மணி நேரத்தில் கோவா, கர்நாடகா மாநிலத்தில் கடலோர பகுதி மத்திய மஹாராஷ்டிரா, மராத்வாடா ஆகிய பகுதிகளில் பலத்த மழை பெய்யும், மும்பை, பால்கர், தானே, ராய்காட் மாவட்டங்களில் ஒரு சில இடங்களில் மிக கனமழை பெய்யும்.

புயலின் தாக்கத்தால் மும்பை கடல் பகுதியில் வழக்கத்தை விட ஒரு மீட்டர் முதல் 1.5 மீட்டர் வரை உயரத்தில் அலைகள் எழும். இதனால் தாழ்வான பகுதிகளில் தண்ணீர் புக வாய்ப்பு உள்ளது. புயலின் போது மரங்கள் வேருடன் சாயும், மின்கம்பங்கள் சாயும். ஓட்டு வீடுகள், தகரவீடுகள் மிகுந்த சேதமடையும் என எதிர்பார்க்கப்படுகிறது. இவ்வாறு இந்திய வானிலை மையம் அறிவித்துள்ளது


latest tamil news



தேசிய பேரிடர் மீட்புப் படையின் 45 பேர் கொண்ட 30 குழுவினர் மஹாராஷ்டிரா மாநிலம் மற்றும் குஜராத் மாநிலத்தில் பாதிக்கப்பபட கூடிய பகுதிகளில் மீட்புப் பணிக்கு தயாராக உள்ளனர். குஜராத் மாநிலத்தின் கடற்கரைப் பகுதிகளில் வசிக்கும் 20,000க்கும் மேற்பட்டோர் பாதுகாப்பான பகுதிகளுக்கு செல்ல அறிவுறுத்தப்படுவர்.

இந்நிலையில் நிலைமையை உன்னிப்பாக கவனித்து வருவதாகவும், அனைவரின் நலனுக்காக பிரார்த்திப்பதாக பிரதமர் மோடி தெரிவித்துள்ளார். பாதுகாப்பு நடவடிக்கைகளை மேற்கொள்ளுமாறு பொதுமக்களை கேட்டுக் கொண்டுள்ளார்.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
02-ஜூன்-202020:38:38 IST Report Abuse
kulandhai Kannan எங்காவது ஓடிவிடலாமா என்று நினைப்பார் உத்தவ் தாக்கரே
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X