கொரோனாவை காற்றில் பறக்கவிட்டு கூட்டத்தை கூட்டிய சுகாதார அமைச்சர்| Videos show Karnataka minister violating Covid-19 rules: Congress | Dinamalar

கொரோனாவை காற்றில் பறக்கவிட்டு கூட்டத்தை கூட்டிய சுகாதார அமைச்சர்

Updated : ஜூன் 03, 2020 | Added : ஜூன் 03, 2020 | கருத்துகள் (10)
Share
Karnataka minister, Covid-19 rules, Congress, karnataka, bjp, politics, coronavirus, corona, covid-19, corona outbreak, corona update, corona news, covid-19 pandemic, lockdown, bangalore, curfew,

பெங்களூரு: கர்நாடகாவில் அமைச்சரை வரவேற்பதற்காக, ஊரடங்கு விதிகளை மீறியதுடன், சமூக இடைவெளியை பின்பற்றாமல் நடந்த மெகா பேரணி சர்ச்சையை ஏற்படுத்தியுள்ளது.


கர்நாடகாவில் இதுவரை 3,400 பேருக்கு கொரோனா தொற்று கண்டறியப்பட்டுள்ளது. ஜூன் 8 முதல் வழிபாட்டு தலங்களை திறக்க மத்திய அரசு அனுமதி அளித்துள்ளது. இதனையடுத்து பல்வேறு கட்டுப்பாடுகளுடன் வழிபாட்டு தலங்களை திறக்க கர்நாடக அரசு நடவடிக்கை எடுத்து வருகிறது.



latest tamil news




இந்நிலையில் கர்நாடக மாநிலம் சித்ரதுர்கா மாவட்டத்தில் வேதவதி நதிக்கு ஆண்டுதோறும் நடைபெறும் மரியாதை செலுத்தும் நிகழ்ச்சியில் பங்கேற்க சுகாதாரத்துறை அமைச்சர் ஸ்ரீராமுலு சென்றுள்ளார். அப்போது சல்லகரே தாலுகாவுக்கு உட்பட்ட பரசுராமபுரத்தில் சமூக இடைவெளியை பின்பற்றாமலும், முகக்கவசம் அணியாமலும் திரண்டிருந்த மக்கள், கைகளை தட்டியும், மலர்களை தூவியதுடன், மிகப்பெரிய ஆப்பிள் மாலையை அணிவித்து அமைச்சரை ஆரவாரத்துடன் வரவேற்றனர். இது தொடர்பான வீடியோ சமூகவலைதளங்களில் வைரலாக பரவியது.


அமைச்சரே இப்படி செய்யலாமா ?



ஒரு அமைச்சரே இவ்வாறு செய்தால் மக்களை பற்றி என்ன சொல்வது? இது போன்ற நிகழ்வுகளை நிறுத்துவதுடன், இந்த நேரத்தில் மக்களுக்காக வேலை செய்ய வேண்டும்' என முன்னாள் முதல்வரும், மதசார்பற்ற ஜனதா தள தலைவருமான குமாரசாமி வலியுறுத்தியுள்ளார்.


இதனை தொடர்ந்து நிகழ்ச்சியில் பேசிய சுகாதாரத்துறை அமைச்சர் ஸ்ரீராமுலு, 'நீங்கள் வீட்டில் இருந்தாலும், வெளியில் இருந்தாலும் சமூக இடைவெளியை உறுதியாக பின்பற்ற வேண்டும். நாங்கள் உங்களை தடுக்க முடியாது. ஆனால் தயவு செய்து பிரதமர் மோடி, முதல்வர் எடியூரப்பா கூறுவதை கேளுங்கள். மாஸ்க் அணியுங்கள். நீங்கள் வீட்டிற்கு சென்றவுடன் உங்கள் குழந்தைகளை தொடதீர்கள். நன்றாக கைகளை கழுவுங்கள்' என கேட்டுகொண்டார்

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X