வேலூர்: முன்னாள் பிரதமர் ராஜிவ் கொலை வழக்கில், ஆயுள் தண்டனை விதிக்கப்பட்ட முருகன், வேலூர் மத்திய ஆண்கள் சிறையில் அடைக்கப்பட்டுள்ளார். கொரோனா கட்டுப்பாட்டால், சிறையிலுள்ள அவரது மனைவி நளினியை சந்திக்க தடை விதிக்கப்பட்டுள்ளது. இதை கண்டித்து கடந்த, 1 முதல் முருகன் உண்ணாவிரதத்தில் ஈடுபட்டுள்ளார். நேற்று, 11வது நாளாக உண்ணாவிரதத்தை தொடர்ந்தார். இது குறித்து, சிறைத்துறை அதிகாரிகள் கூறியதாவது: தொடர் உண்ணாவிரதத்தால், முருகனின் உடல்நிலை சோர்வடைந்தது. இதனால், அவருக்கு நேற்று முன்தினம் இரண்டு பாட்டில், நேற்று ஒரு பாட்டில் குளுக்கோஸ் ஏற்றப்பட்டது. மருத்துவக்குழுவினர் தொடர்ந்து அவரை கண்காணித்து வருகின்றனர். இவ்வாறு அவர்கள் கூறினர்.