வீரமரணம் அடைந்த பழனி உடல் ராணுவ மரியாதையுடன் நல்லடக்கம்| Havildar K Palani's body laid to rest with military honors | Dinamalar

பொது செய்தி

தமிழ்நாடு

வீரமரணம் அடைந்த பழனி உடல் ராணுவ மரியாதையுடன் நல்லடக்கம்

Updated : ஜூன் 18, 2020 | Added : ஜூன் 18, 2020 | கருத்துகள் (22)
Share
palani, Madurai airport, ramanathapuram news, tamil nadu news,  Indian Army soldier Palani, Galwan Valley, india china border dispute, பழனி, ராணுவவீரர், வீரமரணம், ராமநாதபுரம், ராணுவம், நல்லடக்கம்,

ராமநாதபுரம்: சீன ராணுவத்தின் தாக்குதலால் வீரமரணம் அடைந்த ராணுவ வீரர் பழனி உடல், அவரது சொந்த ஊரில் நல்லடக்கம் செய்யப்பட்டது.

இந்திய - சீன எல்லையில் இந்திய, சீன ராணுவத்தினரிடையே திடீரென மோதல் ஏற்பட்டது. இதில் 20 இந்திய ராணுவ வீரர்கள் வீர மரணம் அடைந்ததாக நமது ராணுவம் தரப்பில் தெரிவிக்கப்பட்டுள்ளது. அவர்களில் ஒருவரான ராமநாதபுரத்தைச் சேர்ந்த பழனியும் பழனியின் உடல், ராணுவ விமானம் மூலம் மதுரை வந்தடைந்தது. மதுரை மாவட்ட கலெக்டர் வினய் மலரஞ்சலி செலுத்தினார். பின்னர் அங்கிருந்து வாகனம் மூலம் சொந்த ஊரான ராமநாதபுரம் மாவட்டம் கடுக்கலூர் எடுத்து செல்லப்பட்டது.


latest tamil news


கிராம எல்லையில் இருந்து சுமார் 2 கி.மீ தூரத்திற்கு அவரது உடல் ராணுவ வாகனத்தில் மாற்றப்பட்டு ராணுவ மரியாதையுடன் ஊர்வலமாக கொண்டு வரப்பட்டது. தேசிய கொடி போர்த்திய பழனியின் உடலை பார்த்து குடும்பத்தினர் மற்றும் உறவினர்கள் கண்ணீர் விட்டு அஞ்சலி செலுத்தினர். அவரது குடும்பத்துக்கு ராமநாதபுரம் கலெக்டர் வீரராகவ ராவ் நேரில் சென்று ஆறுதல் தெரிவித்தார். பழனியின் உடல் துப்பாக்கி குண்டுகள் முழங்க ராணுவ மரியாதையுடன் நல்லடக்கம் செய்யப்பட்டது. அவரது சொந்த கிராமம் பெரும் சோகத்தில் மூழ்கியது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X