தமிழில் ஊர் பெயர்கள் மாற்றம்; அரசாணை வாபஸ்: அமைச்சர்| Govt withdraws towns, cities name change: Minister Pandiyarajan | Dinamalar

பொது செய்தி

தமிழ்நாடு

தமிழில் ஊர் பெயர்கள் மாற்றம்; அரசாணை வாபஸ்: அமைச்சர்

Updated : ஜூன் 18, 2020 | Added : ஜூன் 18, 2020 | கருத்துகள் (18)
Share

சென்னை:தமிழில் ஊர் பெயர்களின் ஆங்கில உச்சரிப்பு மாற்றம் குறித்த அரசாணை திரும்ப பெறப்பட்டதாக அமைச்சர் மாபா பாண்டியராஜன் தெரிவித்துள்ளார்.



latest tamil news



கடந்த சில தினங்களுக்கு முன்னர் தமிழக அரசு,தமிழை போன்று ஆங்கிலத்திலும் அழைக்க வேண்டும் என தமிழக அரசு அரசாணை வெளியிட்டு இருந்தது. தொடர்ந்து 1,018 ஊர்களின் பெயர்களை மாற்ற, அரசாணை வெளியிடப்பட்டது. உதாரணமாக, 'தொண்டயார்பெட்' என்ற உச்சரிப்புடன் ஆங்கிலத்தில் எழுதப்படுவது, தண்டையார்பேட்டை என, மாற்றப்பட்டது. அதேபோல், புரசைவாக்கம், வ.உ.சி. நகர், அயன்புரம், அமைந்தகரை, உள்ளிட்டவையும் மாற்றப்பட்டன. மேலும் திருவல்லிக்கேணி என்று இருப்பதை triplicane என்று இனிமேல் உச்சரிக்க கூடாது thiruvallikkenni என்றே உச்சரிக்க வேண்டும். எனவும், tuticorin என்பதை thoothukudi என அழைக்க வேண்டும். இவ்வாறு அரசின் செய்தி குறிப்பில் தெரிவிக்கப் பட்டு இருந்தது.

அரசின் இந்த அறிவிப்பு குறித்து பல்வேறு தரப்பினரிடம் இருந்து எதிர்ப்பு கிளம்பியது. இதனையடுத்து தமிழில் ஊர் பெயர்களின் ஆங்கில உச்சரிப்பு மாற்றம் குறித்த அரசாணை திரும்ப பெறப்பட்டதாக அமைச்சர் மாபா பாண்டியராஜன் தெரிவித்துள்ளார்.

இது குறித்து அவர் டுவிட்டரில் பதிவிட்டு இருப்பதாவது:தமிழில் ஊர் பெயர்களின் ஆங்கில உச்சரிப்பு மாற்றம் குறித்த அரசாணை திரும்ப பெறப்பட்டது. அனைத்து தரப்பினரின் கருத்துக்களை கேட்ட பின் புதிய அரசாணை வெளியிடப்படும் என பதிவிட்டு உள்ளார்.


latest tamil news




Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X