பொது செய்தி

இந்தியா

சர்வதேச விமான சேவைக்கு ஜூலை 15 வரை தடை நீட்டிப்பு

Updated : ஜூன் 28, 2020 | Added : ஜூன் 26, 2020 | கருத்துகள் (7)
Share
Advertisement
International Flights, Suspended, July 15, Government, சர்வதேச விமான சேவை, ஜூலை 15,தடை,  நீட்டிப்பு

புதுடில்லி :கொரோனா பரவல் அதிகரித்து வரும் நிலையில், சர்வதேச விமான போக்குவரத்து சேவைக்கு விதிக்கப்பட்ட தடை, அடுத்த மாதம், 15ம் தேதி வரை நீட்டிக்கப்பட்டுள்ளது. எனினும், வெளிநாடுகளுக்கு சரக்கு விமான போக்குவரத்து சேவைகள் தொடரும் என, அறிவிக்கப்பட்டுள்ளது.

கொரோனா பரவலை கட்டுப்படுத்த, நாடு முழுதும், மார்ச், 25ம் தேதி, ஊரடங்கு அமல்படுத்தப்பட்டது. அதற்கு சில நாட்களுக்கு முன், சர்வதேச விமான சேவை தடை செய்யப்பட்டது. மேலும், உள்ளூர் விமான சேவையும் தடை செய்யப்பட்டது. நாடு முழுதும், ரயில் சேவைகளும் நிறுத்தப்பட்டன.

இந்நிலையில், ஊரடங்கு, சில தளர்வுகளுடன், ஐந்தாவது முறையாக, வரும், 30 வரை நீட்டிக்கப்பட்டுள்ளது. இதற்கிடையே, கொரோனா பரவலால், வெளிநாடுகளில் சிக்கியுள்ள இந்தியர்களை தாயகத்திற்கு அழைத்து வர, 'வந்தே பாரத்' திட்டத்தை, மத்திய அரசு, மே, 6ம் தேதி துவக்கியது.




கோரிக்கை


இந்த திட்டத்தின் கீழ், இதுவரை பல நாடுகளில் இருந்து, 3.6 லட்சத்துக்கும் அதிகமான இந்தியர்கள், தாயகம் அழைத்து வரப்பட்டுள்ளனர். இதற்கிடையே, மே, 25ல், உள்ளூர் விமான சேவைகள், குறைந்த அளவில் துவக்கப்பட்டன. கொரோனா பரவல் காரணமாக, பல நாடுகளிலும், சர்வதேச விமான சேவை தடை செய்யப்பட்டுள்ளது. அதனால், 'மற்ற நாடுகளில், சர்வதேச விமான சேவை துவக்கப்பட்டால் தான், இந்தியாவிலும் துவக்க முடியும்' என, சில நாட்களுக்கு முன், விமான போக்குவரத்து அமைச்சர், ஹர்தீப் சிங் பூரி தெரிவித்திருந்தார்.

இந்நிலையில், டி.ஜி.சி.ஏ., எனப்படும், விமான போக்குவரத்து கட்டுப்பாட்டு இயக்குனரகம் வெளியிட்டுள்ள அறிக்கையில் கூறியிருப்பதாவது:சர்வதேச விமான சேவையை துவக்க வேண்டும் என, இயக்குனரகத்துக்கு, பலரும் கோரிக்கை விடுத்துள்ளனர்.


அறிக்கை


இதையடுத்து, சர்வதேச விமான சேவையை துவக்குவதற்கான சூழ்நிலை பற்றி, ஆய்வு செய்யப்பட்டது.பல நாடுகள், கொரோனாவின் பிடியிலிருந்து இன்னும் விடுபடவில்லை. அதனால், சர்வதேச விமான சேவையை துவக்க கூடிய சூழ்நிலை இல்லை.

இதனால், சர்வதேச விமான சேவைக்கு விதிக்கப்பட்ட தடை, ஜூலை, 15ம் தேதி வரை நீட்டிக்கப்பட்டுள்ளது. எனினும் வெளிநாடுகளுக்கு சரக்கு விமானங்கள் சேவைகள் தொடரும். அதே நேரத்தில், வந்தே பாரத் திட்டத்தின் கீழ், குறிப்பிட்ட நாடுகளுக்கு, விமானங்கள் இயக்கப்படும். இவ்வாறு, அந்த அறிக்கையில் கூறப்பட்டு உள்ளது.


நாடு திரும்பிய 3.6 லட்சம் இந்தியர்கள்


'வந்தே பாரத் திட்டத்தின் கீழ், வெளிநாடுகளில் இருந்து, 3.6 லட்சத்திற்கும் மேற்பட்ட இந்தியர்கள், சிறப்பு விமானங்கள் மூலம் இந்தியாவிற்கு அழைத்து வரப்பட்டுள்ளனர்' என, வெளியுறவுத் துறை தெரிவித்துள்ளது.

இது குறித்து, வெளியுறவுத்துறை செய்தித் தொடர்பாளர், அனுராக் ஸ்ரீவஸ்தவா நேற்று கூறியதாவது:வெளிநாடுகளில் உள்ள இந்தியர்களில், ஐந்து லட்சத்து, 13 ஆயிரத்து, 47 பேர், இந்தியாவுக்கு திரும்ப விண்ணப்பித்திருந்தனர். அவர்களில், மூன்று லட்சத்து, 64 ஆயிரத்து, 209 பேர், சிறப்பு விமானங்கள் மூலம், இந்தியாவுக்கு அழைத்து வரப்பட்டுள்ளனர்.

இதற்கிடையே, அண்டை நாடுகளில் சிக்கித் தவிக்கும் இந்தியர்களை, எல்லை வழியாக அழைத்துவரும் பணிகளும் நடந்து வருகின்றன. நேபாளம், பூடான் மற்றும் வங்கதேசத்தில் இருந்து, 84 ஆயிரத்திற்கும் மேற்பட்ட இந்தியர்கள் அழைத்து வரப்பட்டுள்ளனர். இந்த நடவடிக்கைகளில் கடற்படை கப்பல்களும் ஈடுபடுத்தப்பட்டுள்ளன. ஈரானின் பந்தர் அப்பாஸ் துறைமுகத்திற்கு, ஐ.என்.எஸ்., ஜலஷ்வா கப்பல் சென்றடைந்துள்ளது. இந்தக் கப்பல், அங்குள்ள இந்தியர்களுடன், ஜூலை, 2ம் தேதி இந்தியாவுக்கு புறப்படும்.

நான்காம் கட்ட மீட்பு நடவடிக்கை, ஜூலை, 3ம் தேதி துவங்கும். அதில், நாடு திரும்ப ஆர்வம் காட்டும் இந்தியர்கள் அதிகம் இருக்கும் நாடுகள் மீது, கவனம் செலுத்தப்படும். இவ்வாறு, அவர் கூறினார்.இந்தியா திரும்புவோர், இனி ெவளிநாடு செல்லாத பட்சத்தில், அனைவருக்கும் வேலை வாய்ப்பு ஏற்படுத்த வேண்டிய கட்டாயத்தில் மத்திய அரசு உள்ளது.

Advertisement




வாசகர் கருத்து (7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Karthikeyan - Madurai,இந்தியா
27-ஜூன்-202018:27:48 IST Report Abuse
Karthikeyan வேலையில்லாமல், வருமானமின்றி தவிக்கும் தொழிலாளர்களை விமான பயணத்துக்கு இரண்டு மடங்கு பணம் வசூலித்துதான் அழைத்து வருகிறார்கள்.. இங்கு வந்து விமான நிலையத்தில் இருந்து அவர்கள் வீடுகளுக்கு செல்லக்கூட பேருந்தில் இரண்டாயிரம் மூன்றாயிரம் என கொள்ளை வசூல் செய்கிறார்கள். இது இல்லாமல் கொரோன பரிசோதனை, தனிமை படுத்த பதினைந்து நாட்களுக்கு தனி வசூல்.. இதுவா அரசாங்கம்?
Rate this:
Cancel
Perumal - Chennai,இந்தியா
27-ஜூன்-202016:27:07 IST Report Abuse
Perumal Loosu
Rate this:
Cancel
msnarayanan - chennai,இந்தியா
27-ஜூன்-202015:20:18 IST Report Abuse
msnarayanan It is necessary to allow private airlines like Qatar, Emirates and British Airways to operate fights from U.S.,U.K, Dubai and /Doha etc to Tamilnadu particularly to places like Trichy, Coimbatore and Madurai as several Indian citizens had come to these countries on tourists visas before March are also stranded. The present Vanthe Bharat services are inadequate to meet their needs. Further those who came to these countries had to book return flights while booking for onward journeys as a pre-requisite to obtain visa and have purchased return tickets by paying thousands of rupees. So,they can travel without spending additional thousands to book afresh in Vanthe Bhrath. This arrangement for allowing private international flights at least for a week or 10 days as a one-time measure will mitigate the avoidable hardships to these people.(till normalcy is restored to allow regular international flights.) Will Govt. of India consider this.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X