சம்பவம் செய்தி

தமிழ்நாடு

கள்ள நோட்டு அச்சடிப்பு: திருப்பூரில் 4 பேர் கைது

Added : ஜூன் 27, 2020
Share
Advertisement
 கள்ள நோட்டு அச்சடிப்பு: திருப்பூரில் 4 பேர் கைது

திருப்பூர்:திருப்பூரில், கள்ள நோட்டு அடித்து புழக்கத்தில் விட்ட, நான்கு பேரை போலீசார் கைது செய்தனர். 152 கள்ள நோட்டு, கம்யூட்டர், பிரின்டர் பறிமுதல் செய்யப்பட்டது.ஈரோடு மாவட்டம், நம்பியூர் அருகே குருமந்துார், ஆயிபாளையத்தை சேர்ந்தவர் சிவபிரகாஷ், 24; காய்கறி வியாபாரம் செய்து வருகிறார். கடந்த, 23ம் தேதி, இவரது கடையில், பூண்டு வாங்கிய இருவர், 500 ரூபாய் கொடுத்தனர்.
பணத்தை வாங்கியவுடன், கள்ளநோட்டு என்பது தெரிந்து, சத்தம் போடவே அருகில் இருந்தவர்கள் இருவரையும் பிடித்து, நம்பியூர் போலீசில் ஒப்படைத்தனர்.விசாரணையில், குன்னத்துாரை சேர்ந்த பிரபு, 28, திருப்பூர், பூலுவபட்டியை சேர்ந்த அழகுதுரை, 34 என்பது தெரிந்தது. இருவரையும் கைது செய்த போலீசார், அவர்களிடம் விசாரித்தனர். இதன் அடிப்படையில், பொம்மநாயக்கன்பாளையத்தை சேர்ந்த கன்னியப்பன், 34, வெள்ளி திருப்பூரை சேர்ந்த பாக்கியராஜ், 38 ஆகியோரை போலீசார் கைது செய்தனர்.
கைதான நான்கு பேரிடம் இருந்து, 500 ரூபாய் கள்ள நோட்டு - 152, கம்ப்யூட்டர், லேப்டாப், கள்ள நோட்டு அச்சடிக்கும் பிரின்டர், டூவீலர் பறிமுதல் செய்யப்பட்டது.போலீசார் கூறுகையில், 'திருப்பூர், பூலுவபட்டி, பாலன் நகரில் வாடகைக்கு வீடு எடுத்த கும்பல், கள்ள நோட்டு அச்சடித்தனர். அதை, திருப்பூர், அவிநாசி, நம்பியூர், கோபி, சத்தியமங்கலம்பகுதியில் புழக்கத்தில் விட்டுள்ளனர். எத்தனை நாட்களாக இந்த வேலையில் ஈடுபட்டுள்ளனர்; வேறு யாருக்காவது தொடர்பு இருக்கிறதா என்று, தொடர்ந்து விசாரிக்கிறோம்' என்றனர்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X