ஜூம் செயலிக்கு பதிலாக ரிலையன்ஸ் நிறுவனத்தின் ஜியோ மீட் அறிமுகம்| Dinamalar

பொது செய்தி

இந்தியா

ஜூம் செயலிக்கு பதிலாக ரிலையன்ஸ் நிறுவனத்தின் 'ஜியோ மீட்' அறிமுகம்

Updated : ஜூலை 04, 2020 | Added : ஜூலை 04, 2020 | கருத்துகள் (6)
Share

புதுடில்லி: ஜூம் செயலிக்கு பதிலாக ரிலையன்ஸ் நிறுவனத்தின் 'ஜியோ மீட்' அறிமுகப்படுத்தப்பட்டுள்ளது.

வாடிக்கையாளர்களின் தகவல் திருட்டு போன்ற பாதுகாப்பின்மை காரணமாக ஜூம் செயலியை பயன்படுத்த வேண்டாம் என்று மத்திய அரசு கேட்டுக் கொண்டது.



latest tamil news




இந்நிலையில் ஜூம் செயலிக்கு பதிலாக 'ஜியோமீட்' என்ற செயலியை ரிலையன்ஸ் நிறுவனம் அறிமுகம் செய்துள்ளது. கூகுள் மீட், மைக்ரோசாஃப்ட் டீம்ஸ் உள்ளிட்ட சேவைகளைப் போலவே ஜியோ மீட் செயலி மூலமாக எச்டி தரத்திலான வீடியோ அழைப்புகளை ஏற்க முடியும். அதேநேரம் ஜூம் செயலி போல இதில் 40 நிமிடம் மட்டும் தான் என்ற நேர வரம்பு இல்லை. 24 மணிநேரமும் நாம் வீடியோ அழைப்புகளை நீட்டிக்கலாம்.

ஜியோமீட் மூலம் மேற்கொள்ளப்படும் அனைதது டிஜிட்டல் சந்திப்புகளுக்கும் பாஸ்வேர்டு மற்றும் என்கிரிப்சன் மூலம் பாதுகாப்பு உறுதி செய்யப்படும் என அதன் இணையதளத்தில் தெரிவிக்கப்பட்டுள்ளது.


latest tamil news



ஜியோ மீட்டை, கூகுள் பிளே ஸ்டோர் மூலம் பதிவிறக்கம் செய்து கொள்ளலாம். ஏற்கனவே இது லட்சம் பதிவிறக்கங்களை கடந்து விட்டது. ஜியோ மீட் மூலம் 'மேட் இன் இந்தியா' என்ற ஹேஷ்டேக் நேற்று சமூக வலைதளங்களில் வைரலானது. ஃபேஸ்புக் மற்றும் இன்டெல் நிறுவனங்களில் முதலீட்டைத் தொடர்ந்து ரிலையன்ஸ் நிறுவனம் டிஜிட்டல் சாம்ராஜியத்தையும் விரிவுபடுத்தி உள்ளது.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X