பொது செய்தி

தமிழ்நாடு

இறந்த மயிலுக்கு தேசியக் கொடி; விசாரிக்க போலீஸ் கமிஷனர் உத்தரவு

Updated : ஜூலை 05, 2020 | Added : ஜூலை 05, 2020 | கருத்துகள் (20)
Share
Advertisement
கோவை: உயிரிழந்த மயிலுக்கு தேசியக் கொடி போர்த்திய விவகாரம் குறித்து விசாரிக்க உத்தரவிடப்பட்டுள்ளது. கோவை எஸ்.ஐ.எச்.எஸ்., காலனி பிரதான ரோட்டில் உள்ள டிரான்ஸ்பார்மரில், நேற்று, 3 வயது மதிக்கத்தக்க பெண் மயில், சிக்கி உயிரிழந்தது. இதுகுறித்து சிங்காநல்லுார் போலீசாருக்கு தகவல் தெரிவிக்கப்பட்டது.அங்கு சென்ற போலீஸ் ஒருவர் தன்னார்வலர்களுடன் இணைந்து, உயிரிழந்த மயிலின்

கோவை: உயிரிழந்த மயிலுக்கு தேசியக் கொடி போர்த்திய விவகாரம் குறித்து விசாரிக்க உத்தரவிடப்பட்டுள்ளது.



latest tamil news




கோவை எஸ்.ஐ.எச்.எஸ்., காலனி பிரதான ரோட்டில் உள்ள டிரான்ஸ்பார்மரில், நேற்று, 3 வயது மதிக்கத்தக்க பெண் மயில், சிக்கி உயிரிழந்தது. இதுகுறித்து சிங்காநல்லுார் போலீசாருக்கு தகவல் தெரிவிக்கப்பட்டது.

அங்கு சென்ற போலீஸ் ஒருவர் தன்னார்வலர்களுடன் இணைந்து, உயிரிழந்த மயிலின் சடலத்தை மீட்டு, ரோட்டோரத்தில் வைத்து, அதன் மீது தேசியக் கொடியை போர்த்தி அஞ்சலி செலுத்தினார். பின், உயிரிழந்த மயிலின் சடலத்தை வனத்துறையினரிடம் ஒப்படைத்தனர். இதுகுறித்த படங்களும் வீடியோவும் சமூக ஊடகங்களில் வெளியாகி வைரலானது.
'நாட்டின் தேசியப் பறவை என்றாலும் உயிரிழந்த மயிலுக்கு தேசியக் கொடியை போர்த்தியது தவறு. அதையும் மீறி போர்த்துவது என்றால், முறையாக சடலம் வைக்கப்பட்ட பெட்டியின் மீது தான் போர்த்தியிருக்க வேண்டும். அதை விடுத்து, சாலையில் மயிலின் சடலத்தை வைத்து தேசியக் கொடியை போர்த்தியதும், பின்னர் கொடியோடு உடலை சுற்றி சாக்குப்பையில் போட்டு வனத்துறையிடம் ஒப்படைத்ததும் விதிமீறல். தேசியக் கொடியை அவமதிக்கும் செயல்' என, சர்ச்சை எழுந்தது.


latest tamil news



இவ்விவகாரம் குறித்து விசாரித்து அறிக்கை அளிக்குமாறு, கோவை மாநகர போலீஸ் கமிஷனர் சுமித்சரண் உத்தரவிட்டார். இதையடுத்து இதுகுறித்து சம்மந்தப்பட்ட போலீசாரிடம் விசாரணை நடக்கிறது. இவ்விவகாரம் குறித்து சம்மந்தப்பட்ட போலீஸ் ஸ்டேஷன் அதிகாரிகளிடம் விளக்கம் கேட்கப்பட்டுள்ளதாக தெரிவிக்கப்படுகிறது.

Advertisement




வாசகர் கருத்து (20)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Modikumar - West Mambalam,இந்தியா
06-ஜூலை-202009:20:23 IST Report Abuse
Modikumar கோவை மாநகர போலீஸ் கமிஷனர் சுமித்சரண் அவர்கட்கு, தேசப்பற்று மிக்க காவலர். முதலில் இந்த காவலருக்கு என்னுடைய சலூட். தேசிய பறவை மயில் என்றவுடன் உணச்சிவசப்பட்டு தேசப்பற்றை காண்பிக்க அவர் எடுத்த முயற்சி பாராட்ட தக்கது. தயவு செய்து கோவை மாநகர போலீஸ் கமிஷனர் சுமித்சரண் அவர்கட்கு, இந்த தேச பற்று மிக்க காவலர் மீது எந்த நடவடிக்கயும் எடுக்க வேண்டாம் என வேண்டி கொள்கிறேன். ஒரு நல்ல தேசப்பற்று உள்ள காவலரின் மனதிடத்தை நாம் நொறுக்கி விட வேடம், அவருடைய தேசிய கோடியை கையாளுதல் பற்றிய அறியாமையை போக்க தக்க அறிவுரை வழங்கி எச்சரிக்கை செய்தால் போதுமானது.நன்றி .
Rate this:
Cancel
rajan - erode,இந்தியா
06-ஜூலை-202007:19:45 IST Report Abuse
rajan வெளி நாட்டில் மோடி பங்கேற்ற கூட்டத்தில் இந்தியா தேசிய கொடி தலைகீழாக இருந்ததே - மோடிக்கு தெரியவில்லையா இந்திய தேசிய கொடி எது என்று - செய்தி வெளியான பிறகு நடவடிக்கை என்ன ஆயிற்று - இன்னும் முடிவு தெரியவில்லை - இதைவிட தேசிய கொடி அவமதிப்பு வேறு யார் செய்ய முடியும்
Rate this:
Cancel
Siva Santhanam - Pune,இந்தியா
06-ஜூலை-202006:56:57 IST Report Abuse
Siva Santhanam தேசியக்கொடியை கையாளும் விதிமுறைகள் அனைத்து இந்திய குடிமக்களுக்கும் தெரியுமா என்பது சந்தேகத்திற்குரிய விஷயமாக இருக்கும் என்பதில் ஐயமில்லை. அந்த போலீஸ்காரர் செய்தது தவறாகவே இருந்தாலும் அந்த நேரத்தில் அந்த இடத்தில் அவர் தமது தேசப்பற்றை வெளிப்படுத்திய உணர்வை பாராட்ட வேண்டுமே தவிர அனைத்திலும் குற்றம் கண்டுபிடித்து நேரத்தை வீணடிக்க அவசியமில்லை. மேலும் சுதந்திர தினம் மற்றும் குடியரசு தினம் போன்ற நாட்களில் எத்தனை தேசிய கொடிகள் பள்ளி கல்லூரிகள் மற்றும் ஆட்டோ நிலையங்கள் முன்னாள் சிதறி கிடப்பதையும் அவற்றை மக்கள் செருப்பு கால்களால் மிதித்து செல்வத்தையும் கண்கூடாக காண்கிறோம். இது போன்ற விசயங்களையும் இந்த போலீஸ்காரர்கள் கண்டு கொள்ளாதது ஏன் ?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X