'எல்லை பிரச்னையை உருவாக்க முயற்சி': சீனாவுக்கு பூடான் கண்டனம்

Updated : ஜூலை 06, 2020 | Added : ஜூலை 06, 2020 | கருத்துகள் (3)
Share
Advertisement
Bhutan, China, Border Trouble, பூடான், சீனா, எல்லை, பிரச்னை, கண்டனம்

திம்பு: இந்தியாவுடன் லடாக் எல்லையில் மோதல் போக்கை கடைப்பிடித்து வரும் சீனா, அருணாச்சல் பிரதேசத்தின் எல்லையை ஒட்டியுள்ள பூடானுக்கு சொந்தமான கிழக்கு பகுதியை சர்ச்சைக்குரிய பகுதி என புதிய பிரச்னையை கிளப்பியுள்ளது. கடந்த ஜூன் 2 மற்றும் 3ம் தேதிகளில் நடந்த சர்வதேச சுற்றுச்சூழல் வசதி சபை கூட்டத்தில் பூடானின் சாக்டெங் வனவிலங்கு சரணாலயம் அமைக்கும் திட்டத்திற்கு எதிர்ப்பு தெரிவித்த சீனா, சர்ச்சைக்குரிய பகுதி என கூறியுள்ளது.

சீனாவின் கூற்றை முற்றிலுமாக நிராகரித்துள்ள பூடான், 'சீன கவுன்சில் உறுப்பினர் கூறிய கூற்றை பூட்டான் முற்றிலும் நிராகரிக்கிறது. சாக்டெங் வனவிலங்கு சரணாலயம் பூட்டானின் ஒரு ஒருங்கிணைந்த மற்றும் இறையாண்மை கொண்ட பிரதேசமாகும். பூட்டானுக்கும் சீனாவிற்கும் இடையிலான எல்லை தொடர்பான பேச்சுவார்த்தையின் போது எந்த நேரத்திலும் இது ஒரு சர்ச்சைக்குரிய பகுதியாக இடம்பெறவில்லை' என தெரிவித்துள்ளது.


latest tamil news


கல்வான் பள்ளத்தாக்கு இந்தியாவுக்கு சொந்தமானது என லடாக் எல்லைக்கு சென்ற பிரதமர் மோடி வீரர்கள் மத்தியில் உரையாற்றிய போது ஆணித்தரமாக தெரிவித்தார். அருணாச்சல பிரதேசம் மற்றும் சீனாவின் எல்லையாக இருக்கும் பூடானின் ஒரு மண்டலத்தில் சாக்டெங் அமைந்துள்ளது. இந்த புதிய கூற்று இந்தியாவுடன் மற்றொரு எல்லையில் மோதலை உருவாக்கும் சீனா தந்திரமாக செயல்படுகிறது.

கடந்த மாதம், நேபாள அரசு, சீனா தனது நிலத்தை ஆக்கிரமிக்க திபெத்தில் சாலை கட்டமைப்பை பயன்படுத்தி வருவதாக ஒப்புக் கொண்டது. எதிர்க்கட்சியான நேபாளி காங்கிரஸ் சீனாவுடன் தூதரக ரீதியிலான பேச்சுவார்த்தை மூலம் ஆக்கிரமிக்கப்பட்ட பிரதேசத்தை மீட்குமாறு கே.பி. சர்மா ஒலி அரசை வலியுறுத்தியது. பிரதிநிதிகள் சபையின் செயலாளருக்கு எழுதிய கடிதத்தில், பல்வேறு மாவட்டங்களின் 64 ஹெக்டேருக்கு மேற்பட்ட நிலங்கள் சீனாவால் ஆக்கிரமிக்கப்பட்டுள்ளதாக தெரிவித்திருந்தது.


latest tamil news



சீனாவின் ஐந்து விரல் திட்டம்

சமீபத்தில் நாடு கடத்தப்பட்ட திபெத்திய அரசாங்கத்தின் தலைவர் லோப்சாங் சங்கே கூறுகையில், இமயமலையில் சீனாவின் ஆக்கிரமிப்பு தனது 'ஐந்து விரல்' திட்டத்தை நிறைவேற்றத் திட்டமிட்டுள்ளது என்பதை நிரூபிக்கிறது. 60களில் திபெத்தை ஆக்கிரமித்த பின்னர், சீனாவின் தலைமை, திபெத் பனை மரம் என்றும், லடாக், நேபாளம், பூடான், சிக்கிம் மற்றும் அருணாச்சல பிரதேசம் உள்ளிட்ட 5 விரல்களுக்குசெல்ல வேண்டும் என்பதை தெளிவுபடுத்தியிருந்தது.

கொரோனா வைரஸ் தொற்று முரட்டுத்தனமிக்க சீனாவுக்கு மாறுவேடத்தில் ஒரு ஆசீர்வாதமாக இருந்து வருகிறது. சீனாவில் இருந்து பரப்பிவிடப்பட்ட கொரோனா கொடிய வைரஸை எதிர்த்து உலகம் போராடி வரும் நிலையில், ஜி ஜின்பிங் தனது அண்டை நாடுகளுடன் இமயமலையிலும், தென் சீனக் கடலிலும் பல எல்லை பிரச்னைகள் ஏற்படுத்தி வருகிறார் எனவும் கூறினார்.

Advertisement




வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Mithun - Bengaluru,இந்தியா
06-ஜூலை-202016:25:50 IST Report Abuse
Mithun நல்ல வேலை பாஜக ஆட்சியை கைப்பற்றியது இல்லையென்றால் சீனன் ஐந்து விரல்கள் மட்டுமல்லாமல் இந்தியாவின் தலை முதல் கால் வரை அபகரித்து இருப்பான்.
Rate this:
Cancel
மலரின் மகள் - EDINBURGH,யுனைடெட் கிங்டம்
06-ஜூலை-202013:44:39 IST Report Abuse
மலரின் மகள் மிகசிறிய நிலப்பகுதியை கொண்ட பூடானை அமைதியாக வாழ விடமாட்டார்கள் சீனர்கள். அந்த சிறுபகுதிக்குமா சொந்தம் கொண்டாடுகிறார்கள். மண்ணாசை மிகவும் அதிகமாகத்தான் இருக்கிறது அவர்களுக்கு, சர்வ நாசம் அடைவார்கள் அவர்கள். பூடான் இனியும் தனிநாடாக இருந்து கொண்டு என்ன சாதிக்கப் போகிறார்கள். இந்தியாவுடன் முழுமையாக இணைந்து விடுவது அவர்களுக்கு நல்லது மிக உயர்ந்த வாழ்க்கைக்கு வழி கிடைப்பதுடன் அமைதியாக மிக பரந்த சுதந்திர தேசத்தல் எங்கும் சென்று வந்து வாழலாம். நல்வரவு.
Rate this:
பேப்பர்காரன் - Trichy,இந்தியா
06-ஜூலை-202020:27:11 IST Report Abuse
பேப்பர்காரன்fact...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X