பொது செய்தி

இந்தியா

தெலுங்கானாவில் ரைத்து பந்து அனைவரையும் அடைய வேண்டும் ; முதல்வர் சந்திரசேகர ராவ்

Updated : ஜூலை 12, 2020 | Added : ஜூலை 12, 2020 | கருத்துகள் (1)
Share
Advertisement

ஐதராபாத் : தெலுங்கானாவில் ரைத்து பந்து உள்ளிட்ட விவசாய நலன் சார்ந்த திட்டங்கள் அனைவரையும் சென்றடைய வேண்டும் என முதல்வர் சந்திரசேகர ராவ் தெரிவித்தார்.



latest tamil news



தெலுங்கானாவில் டிஆர்எஸ் அரசின் புரட்சிகரமான நடவடிக்கைகளாலும், வளமான மண் போன்ற சிறந்த காலநிலைகளும் உள்ளதால் நமது மாநிலம் விவசாய மாநிலமாக மாறி வருகிறது. விவசாயிகளின் வாழ்வை வளமாக்குவதும், விவசாயத்தில் முன்னேற்றத்தை அடைவதும் மாநிலத்தின் நோக்கமாகும். இதற்காக ரைத்து பந்து, ரைத்து பீமா உள்ளிட்ட பல்வேறு சிறப்பு திட்டங்களின் கீழ் விவசாயிகளுக்கான உதவிகள் வழங்கப்பட்டு வருகின்றன. தெலுங்கானாவின் நேற்று முதல்வர் சந்திரசேகர ராவ் தலைமையில் சிறப்பு உயர்மட்ட கூட்டம் நடந்தது. இதில் வேளாண்மை மற்றும் விவசாயிகள் நலன் சார்ந்த பல்வேறு பிரச்னைகள் குறித்து ஆலோசனை நடத்தினர். மேலும் ரைத்து பந்துவின் கீழ் நிதி ஊக்கத்தொகை பெறாத விவசாயிகளை உடனடியாக அடையாளம் காணவும், அதை முன்னுரிமை அடிப்படையில் நீட்டிக்கவும் முதல்வர் அதிகாரிகளுக்கு உத்தரவிட்டார்.

இது தொடர்பாக முதல்வர் சந்திரசேகர ராவ் கூறுகையில், தெலுங்கானாவில் விவசாயிகளின் நலனுக்காக அரசு தீவிர கவனம் செலுத்துகிறது. கொரோனா தொற்று அதிகரித்தாலும், விவசாயிகளுக்கான திட்டங்கள் பாதிக்கப்படாது. விவசாயத்தை லாபகரமாக்குவதற்கு வலுவான அடித்தளத்தை அமைத்த மாநிலத்தில் உள்ள விவசாய சமூகத்தை ஆதரிக்க வேண்டியது அவசியமானது. தொடர்ந்து, அரசின் வழிகாட்டுதல்படி, வானகலம் பருவத்தில் ஒழுங்குமுறைப்படுத்தப்பட்ட விவசாயம் மேற்கொள்ளப்படுகிறது. மாநில விதை மேம்பாட்டு கழகம் (TSSDC - Telangana State Seed Development Corporation) உற்பத்தி செய்யும் விதைகளை சேமிக்க மாநில அரசு 25 கோடி ரூபாய்க்கு அதிநவீன குளிர் சேமிப்பு அலகுகளை உருவாக்கும்.


latest tamil news



நோய் தொற்று அதிகமானபோதிலும், விவசாயத்தை மேம்படுத்த ரைத்து பந்து திட்டத்தின் கீழ் நிதி உதவி வழங்கப்படுகிறது. அத்துடன் விவசாய நடவடிக்கையை தொடர சரியான நேரத்தில் ஆதரவையும் அளித்தது. அதிகாரிகள் ஒருங்கிணைந்த முறையில் செயல்பட்டு பண்ணை நடவடிக்கைகளை செயல்படுத்தி வருகின்றனர். சுமார் 99.9 சதவீத பயனாளர்களை இது உள்ளடக்கியது. அனைத்து விவசாயிகளும் பண்ணை உதவியை பெற வேண்டும். நில உரிமையாளர்கள் பிரச்னை போன்ற பல்வேறு பிரச்னைகளை கண்டறிந்து, அதை நிரந்தரமாக தீர்க்க தேவையான நடவடிக்கைகளை எடுக்குமாறு மாவட்ட கலெக்டர்களுக்கு அறிவுறுத்தப்பட்டுள்ளது.
மேட்சலில் அமைச்சர் மல்லாரெட்டியின் முயற்சியால், அதிகாரிகள் முழு கிராமத்தையும் கணக்கெடுத்து நில உரிமையை தீர்மானித்தனர். இதுபோன்ற எல்லா பகுதிகளிலும் இது பெருக்கப்பட வேண்டும். எந்தவொரு சூழ்நிலையிலும் ரைத்து பந்துவுக்கு தேவையான நிதியை மாநில அரசு வெளியிடும் என்றும், தகுதியான ஒவ்வொரு விவசாயியும் தங்கள் பண்ணை ஊக்கத்தைப் பெறும் வரை சமரசம் செய்ய மாட்டேன். மாநிலத்தில் எந்த விவசாயியும் ஊக்கத்தொகை பெறவில்லை என்று புகார் செய்யக்கூடாது. ஊக்கத்தொகை பெற்ற விவசாயிகளின் எண்ணிக்கை குறித்து அதிகாரிகள் விரிவான அறிக்கையை தர வேண்டும். ரைத்து பந்து சமிதிகளிடமிருந்து தனி அறிக்கை அளிக்கப்பட வேண்டும். மாநிலத்தில் விவசாயிகள் பயிரிடும் பயிர்களுக்கு ஊதிய விலையை உறுதி செய்வதற்காக ஒழுங்கு படுத்தப்பட்ட விவசாயம் பரிந்துரைக்கப்பட்டது.


latest tamil news



\ மாநில அரசின் அறிவுறுத்தல்களால் விவசாயிகளிடையே வரவேற்கத்தக்க மாற்றம் இருக்கிறது. விவசாயிகளால் நிரூபிக்கப்பட்ட ஒற்றுமையும் விழிப்புணர்வும் எதிர்காலத்தில் அதிக வெற்றிக்கு வலுவான அடித்தளத்தை அமைக்கும். விவசாயிகளிடமிருந்து வரும் பதில் அரசாங்கத்தின் உத்வேகத்தை அளிக்கிறது, விவசாயிகளின் நலன் மற்றும் விவசாய மேம்பாட்டுக்கு இன்னும் கடுமையாக செயல்பட வேண்டும். இவ்வாறு கூறினார்.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Lion Drsekar - Chennai ,இந்தியா
13-ஜூலை-202006:56:16 IST Report Abuse
Lion Drsekar இவரைக்காணவில்லை என்று நீதிமன்றத்தில் ஆட்கொணர்வு மனு ஒரு புறம் , இந்த செய்தி ஒருபுறம், எது உண்மை, வந்தே மாதரம்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X