அரசியல் செய்தி

தமிழ்நாடு

ஒவ்வொரு குடும்பத்திற்கும் ரூ.5,000 அரசு தரும்படி ஸ்டாலின் வலியுறுத்தல்

Updated : ஜூலை 16, 2020 | Added : ஜூலை 14, 2020 | கருத்துகள் (70)
Share
Advertisement
ஊரடங்கு, ஸ்டாலின், கொரோனா பாதிப்பு, ஊரக வேலை திட்டம், குடும்பம், 5000, வலியுறுத்தல், பொருளாதாரம்

சென்னை: 'திட்டமிடப்படாத ஊரடங்கு அறிவிப்பால், தமிழகம் முழுதும், கொரோனா பாதிப்பு அதிகரித்துள்ளது. கிராமங்களில் பொருளாதாரமே நொறுங்கி, பணப்புழக்கத்தில் கடும் தேக்க நிலைமை ஏற்பட்டுள்ளது' என, தி.மு.க., தலைவர் ஸ்டாலின் விமர்சித்து உள்ளார்.

அவரது அறிக்கை: ஊரடங்கின் கோரப்பிடியில் சிக்கிய அடித்தட்டு மக்கள், ஏழை, எளியவர்கள், எவ்வித வருமானமும் இன்றி, தேவைப்படும் எதையும் வாங்கும் சக்தியை இழந்து தவிக்கின்றனர். கிராமங்களில் பொருளாதாரமே நொறுங்கி, பணப்புழக்கத்தில் கடும் தேக்க நிலைமை ஏற்பட்டிருக்கிறது. தேசிய ஊரக வேலை திட்டமும் உற்ற துணையாக இல்லை. விவசாயிகள், விவசாய தொழிலாளர்கள், கூலி வேலைக்கு போவோர், அமைப்புசாரா தொழிலாளர்கள் எல்லாம், அடுத்த வேளை உணவுக்கே அவதிப்படும் நிலை உள்ளது.

திட்டமிடப்படாத ஊரடங்கு அறிவிப்பால், மாவட்டங்களில் முன்கூட்டியே முன்னெச்சரிக்கை நடவடிக்கைகளை எடுக்காததால், இன்றைக்கு மாவட்டங்களில், கொரோனா கொத்துக் கொத்தாக பாதிப்பை ஏற்படுத்தி வருகிறது. மாவட்டங்களில், வாழ்வாதார பிரச்னை அச்சமூட்டும் வடிவம் எடுத்து, வருமான இழப்பு வரலாறு காணாத வகையில் ஏற்பட்டிருக்கிறது. ஒவ்வொரு குடும்பத்திற்கும், 5,000 ரூபாய் பண உதவி வழங்குவது, கூட்டுறவு சங்கங்களில் உள்ள அனைத்து நகைக் கடன்களையும் ரத்து செய்வது, விவசாயிகளின் கடன் ரத்து போன்ற நடவடிக்கைகள் அவசியம்.

வீட்டு பயன்பாட்டுக்கான மின் கட்டணத்தில் சலுகை அறிவிக்க வேண்டும். சிறு, குறு மற்றும் நடுத்தர தொழில் நிறுவனங்களுக்கும் மின் கட்டண சலுகை அளிக்க வேண்டும். மாணவர்களின் அனைத்து செமஸ்டர் தேர்வுகளையும் ரத்து செய்ய வேண்டும். இந்த கோரிக்கைகள் அனைத்தையும் நிறைவேற்றும் வகையில், முதல்வர் ஆக்கபூர்வமான முடிவெடுக்க வேண்டும்.இவ்வாறு, அவர் கூறியுள்ளார்.


காமராஜருக்கு புகழாரம்:

ஸ்டாலின் அறிக்கை:கல்விக் கண் திறந்த காமராஜர், தமிழகத்தின் வளர்ச்சிக்கான திட்டங்களை சிறப்பாக நிறைவேற்றிய தலைசிறந்த முதல்வர். அரசியல் பொது வாழ்வில், அரிய மாமனிதர். அவரது பிறந்த நாளான இன்று, சென்னை, அறிவாலயத்தில், காமராஜர் படத்திற்கு மரியாதை செலுத்தப்படும். இவ்வாறு, அவர் கூறியுள்ளார்.

Advertisement




வாசகர் கருத்து (70)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
ravi - chennai,இந்தியா
16-ஜூலை-202007:13:47 IST Report Abuse
ravi தொல்லைப்பதியே, உன்னால் பின்வரும் ஆலோசனைகளை சொல்லமுடியுமா: 1. ஊழல் செய்து அதன் மூலம் சம்பாதித்த அல்லது லட்ச கோடிகளை ஆட்டயப்போட்ட அரசியல்வாதிகளின் சொத்துக்களை பறிமுதல் செய்யும் சட்டம் விரைவில் வரவேண்டும். 2. லஞ்சம் வாங்கும் அரசு ஊழியர்களை உடனே நிரந்தர பணிநீக்கம் செய்யவேண்டும் 3. சாராயம் அரசு வியாபாரம் செய்யக்கூடாது - அதற்கு பதில் ஆங்கிலப்பள்ளிகளை ஆரம்பிக்கலாம் 4. அரசியல்வாதிகள் ஆட்சிக்குவந்தவுடன் இலவசங்களை தர அனுமதிக்கக்கூடாது 5. அரசு ஊழியர்களுக்கு அதிகப்படியான ஊதியம் கொடுப்பதா தேர்தல் வாக்குறுதிகளை தர அனுமதிக்கக்கூடாது 6. சரியாக வேலை செய்யாத அரசு ஊழியர்களை பணிநீக்கம் செய்ய சட்டம் வேண்டும். 7 இரண்டு வருடங்களுக்கு ஒரு முறை ஆசிரியர்களுக்கு தேர்வு வைத்து அதில் தோல்வி பெரும் ஆசிரியர்களை வீட்டுக்கு அனுப்ப சட்டம் வேண்டும். 8 இட ஒதுக்கீட்டை வைத்து உழைத்து முன்னேறும் மாணவர்களை அசிங்கம் செய்யக்கூடாது. 9. சமூக நீதி என்பது ஜாதி மதத்தை வைத்து கல்வி வேலைவாய்ப்பில் முன்னுரிமை தரக்கூடாது என்பது தான். ஆனால் அரசியல்வாதிகள் தலைகீழாக திருப்பிவிட்டார்கள். இட ஒதுக்கீட்டில் கல்வி வேலைவாய்ப்பு பெறுபவர்களுக்கு இயற்கையாக அறிவு இல்லையா 10. போக்குவரத்தை தனியாரிடம் கொடுத்து லஞ்சம் வாங்காமல் அரசு அதை கண்காணிக்கலாம்
Rate this:
Cancel
தல புராணம் - மதுரை,இந்தியா
16-ஜூலை-202002:38:24 IST Report Abuse
தல புராணம் பிளாஸ்மா தானம் கொடுத்தால் 5000 ரூபாய். கர்நாடக அரசு அறிவிப்பு.
Rate this:
Cancel
Anand K - chennai,இந்தியா
15-ஜூலை-202022:41:54 IST Report Abuse
Anand K தமிழக மக்கள் அனைவருக்கும் தேவை இல்லை கடந்த ஐந்து மாதகாலமாக யாருக்கும் வருமானம் இல்லாத நபரை கண்டறிந்து கொடுக்கலாம் எப்படி எனில் தமிழக மக்கள் ஆதாரம் எண் மூலம் குடும்பத்தில் வருமானம் ஈட்டும் நபர் அவர்கள் ரேசன் அட்டை smart card number மூலம்
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X