பொது செய்தி

இந்தியா

ஸ்வப்னாவுடன் தொடர்பு: ஐ.ஏ.எஸ்., அதிகாரி ஒப்புதல்

Updated : ஜூலை 16, 2020 | Added : ஜூலை 16, 2020 | கருத்துகள் (71)
Share
Advertisement
Former Principal Secretary Sivasankar, swapna suresh, Kerala gold smuggling case, ஸ்வப்னா, ஐஏஎஸ், சிவசங்கர், தொடர்பு, ஒப்புதல், தங்கக்கடத்தல், கேரளா

திருவனந்தபுரம்: கேரளாவில் நடந்துள்ள தங்கக் கடத்தல் வழக்கில் தொடர்புடைய, மூத்த ஐ.ஏ.எஸ்., அதிகாரி சிவசங்கரிடம், சுங்க வரித் துறையினர், ஒன்பது மணி நேரம் விசாரணை நடத்தினர். அப்போது, வழக்கில் கைது செய்யப்பட்டுள்ள ஸ்வப்னா உள்ளிட்டோருடன் நட்பு இருந்ததை, அவர் ஒப்புக் கொண்டுள்ளார்.


கடத்தலில் தொடர்பு

திருவனந்தபுரத்தில் உள்ள, யு.ஏ.இ., எனப்படும் ஐக்கிய அரபு எமிரேட்ஸ் தூதரகத்துக்கு வந்த பார்சலில், 15 கோடி ரூபாய் மதிப்புள்ள, 30 கிலோ தங்கம் கடத்தப்பட்டது தெரிய வந்தது. இது தொடர்பாக, தூதரக ஊழியர் சரித், தூதரகத்தில் முன்பு பணியாற்றிய, ஸ்வப்னா சுரேஷ், அவருடைய கூட்டாளி சந்தீப் உள்ளிட்டோர் கைது செய்யப்பட்டுள்ளனர். முதல்வர் பினராயி விஜயனின் முதன்மை செயலர், எம்.சிவசங்கருக்கும் இந்தக் கடத்தலில் தொடர்பு உள்ளதாக தகவல் வெளியானது. அதையடுத்து, முதன்மை செயலர் மற்றும் தகவல் தொழில்நுட்ப துறை செயலர் பதவிகளில் இருந்து அவர் நீக்கப்பட்டார்.


latest tamil news


தற்போது, சிவசங்கர் ஓராண்டு விடுமுறையில் சென்றுள்ளார். கேரள அரசியலில் பெரும் பரபரப்பை ஏற்படுத்தியுள்ள இந்த வழக்கு தொடர்பான விசாரணைக்கு ஆஜராகும்படி, மூத்த ஐ.ஏ.எஸ்., அதிகாரியான சிவசங்கருக்கு, சுங்கத் துறை உத்தரவிட்டிருந்தது. அதன்படி, நேற்று முன்தினம் மாலை, 5:15 மணிக்கு துவங்கிய விசாரணை, நேற்று அதிகாலை, 2:15 மணி வரை நடந்தது. தொடர்ந்து, ஒன்பது மணி நேரம் நடந்த விசாரணையின்போது, அவர் கூறியது குறித்து, அதிகாரிகள் தெரிவித்துள்ளதாவது:


latest tamil news



பல்வேறு கேள்விகள்

தங்கக் கடத்தலில் கைது செய்யப்பட்டுள்ள, ஸ்வப்னா உள்ளிட்டோருடன் தனக்கு நெருங்கிய தொடர்பு இருந்ததை, சிவசங்கர் ஒப்புக் கொண்டார். தகவல் தொழில்நுட்ப துறையில், ஸ்வப்னா பணியாற்றியுள்ளார். அப்போது, அலுவலக பணி தொடர்பாக, சிவசங்கருடன் பழகும் வாய்ப்பு அவருக்கு கிடைத்துள்ளது. இந்தத் தொடர்பு, நட்பாக மாறியுள்ளது. அதன்பிறகே, சரித், சந்தீப் உள்ளிட்டோரையும், சிவசங்கருக்கு அறிமுகம் செய்து வைத்துள்ளார். அவர்களுக்குள் இடையே உள்ள தொடர்பு குறித்து, பல்வேறு கேள்விகள் கேட்கப்பட்டன. பல, 'சிசிடிவி' பதிவுகளைக் காட்டி, அவரிடம் விளக்கம் கேட்கப்பட்டது. இவ்வாறு அவர்கள் கூறினர்.


latest tamil news



இந்த விசாரணையில், திருவனந்தபுரத்தில் உள்ள அடுக்குமாடி குடியிருப்பில், ஸ்வப்னாவுக்காக சிவசங்கர் வீடு வாடகைக்கு எடுத்து கொடுத்தது உறுதியாகியுள்ளது. தனக்கு கீழ் பணிபுரியும் அருண் பாலசந்திரன் மூலம், தன் உறவினருக்காக என்று கூறி வீடு எடுத்துள்ளார். கடும் நடவடிக்கை இந்த வீட்டில் ஸ்வப்னா அடிக்கடி வந்து தங்கி சென்றுள்ளார். இதன் அடிப்படையில், சிவசங்கர் கைது செய்யப்படலாம் அல்லது 'சஸ்பெண்ட்' செய்யப்படலாம் என்றும் சொல்லப்படுகிறது.

இந்நிலையில், முதல்வர் பினராயி விஜயன் கூறியதாவது: கடத்தல் விவகாரத்தில், சிவசங்கருக்கு உள்ள தொடர்பு குறித்து விசாரிக்க, தலைமைச் செயலர் விஷ்வாஸ் மேத்தாவுக்கு உத்தரவிடப்பட்டுள்ளது. தற்போதைக்கு, அவர் வகித்து வந்த இரண்டு பதவிகளில் இருந்து நீக்கப்பட்டுள்ளார். குற்றம் நிரூபிக்கப்பட்டால், கடும் நடவடிக்கை எடுக்கப்படும். இவ்வாறு அவர் கூறியுள்ளார்.

Advertisement




வாசகர் கருத்து (71)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Covaxin - Bharat Hindustan,இந்தியா
18-ஜூலை-202018:30:11 IST Report Abuse
Covaxin அநீதி மய்ய காமகாசனை விசாரணை பண்ணினா எல்லா உண்மையும் வெளியே வரும்...
Rate this:
Cancel
விமர்சகன் - kovai,இந்தியா
18-ஜூலை-202012:26:43 IST Report Abuse
விமர்சகன் ஒன்று நன்றாக தெரிகிறது ஓரளவுக்கு மக்களுக்கு நன்றாக வேலை செய்யும் முதல்வர்களை சரிதா நாயர் ஸ்வப்னா கொண்டு வீட்டுக்கு அனுப்ப முயல்கிறார்கள் திமுகவை டுஜி கொண்டு வெளியேற்றினார்கள்.ஆனால் அந்த வழக்கு என்ன ஆனதே தெரியவில்லை.குற்றம் செய்திருந்தால் தண்டனை வாங்கி கொடுத்து உள்ளே தள்ள வேண்டியதுதானே ஆனால் அதை செய்வது இல்லை.அரசியல் எதிரிகளை பழி வாங்க மட்டும் ஆளும்கட்சி துட்கிக்கிறது. பொள்ளாச்சி பாலியல் வழக்கு என்ன ஆனது தெரியவில்லை. இங்கு கூட பல அமைச்சர்கள் மேல் ஏகப்பட்ட வழக்கு இருந்தும் எந்த நடவடிக்கையும் வேகமும் இல்லை ஒருவேளை வரும் சட்டசபை தேர்தல் சமயத்தில் இதை காட்டி பேரம் பேசுவார்களோ என்னமோ. அனால் சேகர் ரெட்டி மிக வேகமாக வெளியே வந்துவிட்டார். .குட்கா ஊழல் வழக்கு, ஒரு பெண் எஸ்பிக்கு தொல்லை கொடுத்த உயர் அதிகாரி வழக்கு,முன்னால் உச்ச நீதிமன்ற நீதிபதிகல் மீது (கங்குலி swadhendra குமார் ரஞ்சன் கோகை ) பெண்கள் கொடுத்த வழக்கு புகார் இது போன்று பல சம்பவங்கள் சத்தம் இல்லாமல் கடந்து சென்று விடுகிறது. சிலரை மட்டும் பழிவாங்க அரசு எந்திரம் புலனாய்வு அமைப்புகள் வேகமாக செயல்படுகின்றன.
Rate this:
Cancel
Sampath Kumar - chennai,இந்தியா
18-ஜூலை-202009:09:04 IST Report Abuse
Sampath Kumar ஏவாள் இந்து தீவிரவாதி தான் ஏவல் கணவன் அவனும் சேர்ந்து சாதி செயலில் ஈடுபட்டு இருக்கலாம் என்று இனி ஒரு செய்தி வரும் பாருங்க
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X