பொது செய்தி

தமிழ்நாடு

கைது நடவடிக்கைகளில் இயந்திரத்தனம் கூடாது: டி.ஜி.பி., உத்தரவு

Updated : ஆக 01, 2020 | Added : ஜூலை 30, 2020 | கருத்துகள் (4)
Share
Advertisement
DGP, Tripathy, order, arrest, கைது நடவடிக்கை, டிஜிபி, உத்தரவு

சென்னை : 'ஏழு ஆண்டுகள் மற்றும் அதற்கு குறைவான தண்டனைக்குரிய குற்றங்களில் ஈடுபடுவோரை, உரிய விசாரணை இன்றி, இயந்திரத்தனமாக கைது செய்யக் கூடாது' என, போலீசாருக்கு, டி.ஜி.பி., திரிபாதி உத்தரவிட்டு உள்ளார்.

போலீஸ் அதிகாரிகளுக்கு, நேற்று முன்தினம், அவர் அனுப்பி உள்ள சுற்றறிக்கை: ஏழு ஆண்டுகள் மற்றும் அதற்கும் குறைவான தண்டனைக்குரிய குற்றங்களில் ஈடுபடுவோரை கைது செய்வது குறித்து, உச்ச நீதிமன்றம், 2014ல் தீர்ப்பு அளித்து உள்ளது. அதன்படி, எந்த நபரையும், எவ்வித முகாந்திரமும் இன்றி, கைது செய்யக் கூடாது. விசாரணை அதிகாரியாக இருப்பவர், குற்றங்களுக்கான தன்மையை தீர ஆராய்ந்து, கைது செய்வதற்கான அவசியம் ஏற்பட்டால், எழுத்து வாயிலாக பதிவு செய்த பின், கைது நடவடிக்கையில் ஈடுபட வேண்டும்.

இவற்றை முறையாக செய்யாத, விசாரணை அதிகாரிகள் மீது, துறை ரீதியாக நடவடிக்கை எடுக்க வேண்டும். குற்றம் புரிந்தவர்களை, நீதிபதிகள் முன் ஆஜர்படுத்தும் போது, அந்த நபர்கள், எதற்காக கைது செய்யப்பட்டனர் என்ற, முழு விபரத்தையும் தெரிவிக்க வேண்டும்.

'கைது நடவடிக்கையில், உரிய விசாரணை மற்றும் நடைமுறைகளை பின்பற்றாமல், இயந்திரத் தனமாக செயல்படக் கூடாது. 'அவ்வாறு செயல்படும், விசாரணை அதிகாரிகள் மீது, நடவடிக்கை எடுக்க வேண்டும்' என, உச்சநீதிமன்றம் அளித்துள்ள தீர்ப்பில் தெரிவிக்கப்பட்டு உள்ளது. இந்த உத்தரவை, போலீஸ் கமிஷனர்கள், மாவட்ட எஸ்.பி.,க்கள் மற்றும் விசாரணை அதிகாரிகளாக நியமிக்கப்படுவோர் அனைவரும் பின்பற்ற வேண்டும். மீறினால், நீதிமன்ற நடவடிக்கைக்கு ஆளாக நேரிடும். இவ்வாறு, அதில் கூறியுள்ளார்.

Advertisement




வாசகர் கருத்து (4)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
J.Isaac - bangalore,இந்தியா
31-ஜூலை-202021:26:11 IST Report Abuse
J.Isaac மனிதநேயம், மனிதாபிமானம், இல்லாத துறை. நடுத்தர ஏழை மக்கள் நியாயத்தை எதிர்ப்பார்க்க முடியாத துறை. பாதிக்கப்பட்ட மக்களுக்கு மேலும் பாதிப்பை கொடுக்கும் துறை.
Rate this:
Cancel
Dr. Suriya - Adis Ababa,எத்தியோப்பியா
31-ஜூலை-202012:02:41 IST Report Abuse
Dr. Suriya ஆகா இனிமே கற்பழிப்பு குற்றம் புரிந்தால் முதலில் விசாரணை அப்புறம் விசாரணையில் குற்றவாளி என்றால் தான் கைது பேஷ் பேஷ் நன்னா இருக்கு உங்க சட்டம் போங்கோ....
Rate this:
Cancel
Ramachandran Rajagopal - Sundivakkam,இந்தியா
31-ஜூலை-202008:42:30 IST Report Abuse
Ramachandran Rajagopal காவல் துறையினரும் நீதித்துறை நடுவர்களை சட்டங்களையும் உச்சநீதிமன்ற வழிகாட்டுதல்களையும் மதிக்காமல் யார் பணம் கொடுக்கிறார்களோ அவர்களுக்கு எதிரானவர்களை நசுக்குவதை தொழிலாகக் கொண்டு செயல்படுகின்றனர் இந்த நாட்டில்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X