முத்தலாக்: காங்., மீது பா.ஜ., புகார்

Updated : ஆக 02, 2020 | Added : ஜூலை 31, 2020 | கருத்துகள் (8)
Share
Advertisement
triple talaq, talaq, BJP, congress, முத்தலாக், காங்கிரஸ், பாஜ

புதுடில்லி : 'முத்தலாக் தடை சட்டத்தை, 1980ம் ஆண்டுகளிலேயே, அப்போதைய காங்கிரஸ் தலைமையிலான அரசு நிறைவேற்றியிருக்க வேண்டும். ஓட்டு வங்கி அரசியலுக்காக, அதை செய்ய தவறி விட்டது' என, காங்கிரஸ் மீது, மத்திய அமைச்சர்கள் குற்றம் சாட்டியுள்ளனர்.

முஸ்லிம்களில், மூன்று முறை, 'தலாக்' கூறி, மனைவி யிடம் இருந்து, கணவர் விவாகரத்து பெறும் நடைமுறைக்கு தடை விதிக்கும் வகையில், முத்தலாக் தடை சட்டத்தை, பிரதமர் மோடி தலைமையிலான அரசு கடந்தாண்டு நிறைவேற்றியது.

இந்த சட்டம் நிறைவேற்றப்பட்டதன் முதலாமாண்டு தினத்தையொட்டி, 'வீடியோ கான்பரன்ஸ்' வாயிலாக நேற்று நடந்த நிகழ்ச்சியில், மத்திய சிறுபான்மை நலத் துறை அமைச்சர் முக்தார் அப்பாஸ் நக்வி பேசியதாவது: கடந்த, 1980களில், ஷா பானு வழக்கில் உச்ச நீதிமன்றம் தீர்ப்பளித்த போதே, பார்லிமென்டில் முத்தலாக் தடை சட்டத்தை, அப்போதைய காங்கிரஸ் அரசு நிறைவேற்றியிருக்க வேண்டும்.

ராஜிவ் தலைமையிலான காங்கிரஸ் அரசுக்கு, லோக்சபாவில், 400 உறுப்பினர்களும், ராஜ்யசபாவில், 150 உறுப்பினர்களும் இருந்தனர்.அப்போது, எளிதாக இந்த சட்டத்தை நிறைவேற்றி இருக்கலாம். ஆனால், ஓட்டு வங்கி அரசியலுக்காக, காங்கிரஸ் அரசு, அந்த சட்டத்தை நிறைவேற்றவில்லை. இவ்வாறு, அவர் பேசினார்.

மத்திய பெண்கள் மற்றும் குழந்தைகள் நல மேம்பாட்டு துறை அமைச்சர் ஸ்மிருதி இரானி பேசுகையில், ''காங்கிரஸ் கட்சியினருக்கு, முஸ்லிம் பெண்களின் நலனை விட, ஓட்டு வங்கி அரசியல் தான் முக்கியமாக உள்ளது. ''அதனால் தான், பார்லிமென்டில் பெரும்பான்மை இருந்தபோதும், முத்தலாக் தடை சட்டத்தை, காங்கிரஸ் அரசு நிறைவேற்றவில்லை,'' என்றார்.

Advertisement




வாசகர் கருத்து (8)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
unmaitamil - seoul,தென் கொரியா
02-ஆக-202000:07:01 IST Report Abuse
unmaitamil பெண்ணுக்கு தாலி மற்றுமொரு அணிகலன். கிருத்துவர்களும், முஸ்லிம்களும் எல்லோரும் அணிகின்றனர். ஆனால் வேகாத வெயிலுள்ள கருப்பு துணில ஓடம்பு முழுவதற்கும், பர்தா என்ற உரையை மாட்டிகிட்டு அலையுறது பெண் வன்கொடுமை. அத சரிபன்னீட்டு, அப்பறம் தாலிய பத்தி பேசலாம்.
Rate this:
Cancel
மனுநீதி-என் சொந்த பெயர் ராஜா பொது சட்டம் ஒன்றே நிரந்தர தீர்வு. இந்துக்களுக்கும் வேண்டாம், இஸ்லாமியருக்கும் வேண்டாம் இல்லை கிருத்தவர்களுக்கும் வேண்டாம்.இந்தியர்களுக்கு என்று மட்டும் இனிமேல் சட்டம் இயற்றுங்கள்.
Rate this:
Cancel
Sami Sam - chidambaram ,இந்தியா
01-ஆக-202012:21:49 IST Report Abuse
Sami Sam இந்திய மக்கள் அனைவருக்குமான பொது சிவில் சட்டம் தேவை
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X