பொது செய்தி

தமிழ்நாடு

தங்கம் இனி நமக்கு காட்சிப் பொருளே! சவரன் விலை ரூ.41,200

Updated : ஆக 01, 2020 | Added : ஜூலை 31, 2020 | கருத்துகள் (21)
Share
Advertisement
gold, gold jewels, gold price, jewelry, தங்கம்,

சென்னை : தங்கம் இனி நமக்கு காட்சிப் பொருளாக இருக்கும் நிலைமை உருவாகியுள்ளது. சவரன் விலை நேற்று, 41 ஆயிரம் ரூபாயை தாண்டியது. கிராம் விலை, 5,150 ரூபாயாக உயர்ந்துள்ளது. இப்போதைக்கு விலை குறைவதற்கான சாத்தியக் கூறுகள் தென்படவில்லை.

தமிழகத்தில், நடப்பாண்டில் ஏழு மாதங்களில் மட்டும், ஆபரண தங்கம் விலை சவரனுக்கு, 11 ஆயிரத்து, 320 ரூபாய் அதிகரித்துள்ளது. சர்வதேச தங்க சந்தையின் நிலவரத்திற்கு ஏற்ப, உள்நாட்டில் தினமும், தங்கம், வெள்ளி விலை நிர்ணயம் செய்யப்படுகிறது. தமிழகத்தில், நடப்பாண்டு ஜனவரி, 1ல், 22 காரட் ஆபரண தங்கம், கிராம், 3,735 ரூபாய்க்கும்; சவரன், 29 ஆயிரத்து, 880 ரூபாய்க்கும் விற்பனையாகின. கிராம் வெள்ளி, 50.30 ரூபாயாக இருந்தது.


உயர்வு


அமெரிக்கா - சீனா இடையிலான வர்த்தகப் போர், வைரஸ் பாதிப்பு உள்ளிட்ட காரணங்களால், உள்நாட்டில், மார்ச் முதல், தங்கம், வெள்ளி விலை, வரலாறு காணாத வகையில் அதிகரித்து வருகிறது. தமிழகத்தில், நேற்று முன்தினம், கிராம் தங்கம், 5,093 ரூபாய்க்கும்; சவரன், 40 ஆயிரத்து, 744 ரூபாய்க்கும் விற்பனையாகின. கிராம் வெள்ளி, 70.20 ரூபாய்க்கு விற்பனையானது.

நேற்று ஒரே நாளில், தங்கம் கிராமுக்கு, 57 ரூபாய் உயர்ந்து, 5,150 ரூபாய்க்கு விற்கப்பட்டது. சவரனுக்கு, 456 ரூபாய் அதிகரித்து, 41 ஆயிரத்து, 200 ரூபாய்க்கு விற்பனையானது. வெள்ளி கிராமுக்கு, 90 காசுகள் உயர்ந்து, 71.10 ரூபாய்க்கு விற்பனை செய்யப்பட்டது. ஜூலை, 1ல், தங்கம் சவரன் விலை, 37 ஆயிரத்து, 472 ரூபாயாக இருந்தது. அம்மாதத்தில் மட்டும், சவரனுக்கு, 3,728 ரூபாய் உயர்ந்துள்ளது.

நடப்பாண்டில், ஏழு மாதங்களில் தங்கம் விலை கிராமுக்கு, 1,415 ரூபாயும்; சவரனுக்கு, 11 ஆயிரத்து, 320 ரூபாயும் அதிகரித்துள்ளது; வெள்ளி விலை மட்டும் கிராமுக்கு, 20.80 ரூபாய் உயர்ந்துள்ளது.

இது குறித்து, சென்னை தங்கம் மற்றும் வைர நகை வியாபாரிகள் சங்க தலைவர் ஜெயந்திலால் சலானி கூறியதாவது: தங்கத்தின் விலை ஏற்றம், அதில் முதலீடு செய்தால் கிடைக்கும் லாபம், புதிய முதலீட்டாளர் களை ஈர்த்துள்ளது. இதனால், ஏற்கனவே முதலீடு செய்பவர்கள் மட்டும் அல்லாமல், புதிய முதலீட்டாளர்களும், அதிகளவில் தங்கத்தில் முதலீடு செய்ய துவங்கியுள்ளனர்.


முதலீடு


சர்வதேச அளவில், பல நாடுகளில் உள்ள வங்கிகளில், வைப்பு நிதிக்கான வட்டி விகிதம் மிகவும் சரிவடைந்துள்ள நிலையில், பலரும், வைப்பு நிதியில் உள்ள தங்களின் பணத்தை திரும்ப பெற்று, தங்கத்தில் முதலீடு செய்து வருகின்றனர். இதன் காரணமாக, சர்வ தேச சந்தையில், தங்கம் விலை தொடர்ந்து உயர்ந்து வருகிறது.

நேற்று மட்டும், 31 கிராம் எடை உடைய, 1 'அவுன்ஸ்' தங்கம் விலை, 45 டாலர் உயர்ந்து, 1,975 டாலராக, அதாவது, 1 லட்சத்து, 48 ஆயிரத்து, 125 ரூபாயாக அதிகரித்து உள்ளது. இது போன்ற காரணங்களால், உள்நாட்டில், தங்கம் விலை அதிகரித்து வருகிறது. பலரும் வெள்ளியிலும் அதிக முதலீடு செய்வதால், அதன் விலையும் உயர்ந்துள்ளது. இவ்வாறு, அவர் கூறினார்.

Advertisement




வாசகர் கருத்து (21)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
s.rajagopalan - chennai ,இந்தியா
02-ஆக-202015:13:52 IST Report Abuse
s.rajagopalan பெண்கள் உஷாராக இருக்க வேண்டும்.. இனி செயின் பறிப்பு அதிகமாகலாம் வெளியில் தனியாக செல்லும்போது பேசமே ஒரு கிராம சியினை அணிந்துகொள்ளுங்கள்..'வேலாயில்லா திண்டாட்டம் .. என்று வெத்து அரசியல்வாதிகள் இதற்கு சால்ஜாப்பு சொல்லி தப்பிப்பார்கள்.
Rate this:
Cancel
01-ஆக-202021:58:49 IST Report Abuse
சந்திரசேகர் கொரோனா காரணத்தால் வர்த்தகம் மிக கடுமையாக பாதித்துள்ளது. ஆகவே பெரிய பணக்காரர்கள் எல்லாம் பங்கு சந்தையில் தங்கத்தில் முதலீடு செய்ய ஆரம்பித்துள்ளார்கள். இதனால் தான் தங்கம் கடுமையான விலையேற்றத்தை சந்தித்துள்ளது. இனிமேல் நகைக்கடைகளில் வர்த்தகம் குறைவாக நடக்கும். இனிமேல் பணத்தை வேறு முறையில் பத்திரமாக முதலீடு செய்ய பழக வேண்டும். வரதட்சணையை தங்க நகையாக கொடுப்பதிற்கு பதில் fixed depositஆக கொடுக்கலாம். வரதட்சணை என்பது நம் பெண்கள் புகுந்த வீட்டில் நல்லா இருக்கத்தான் கொடுக்கின்றோம்.அதை பணமாக கொடுத்தால் என்ன. சில சம்பிரதாயங்களில் நகை போடும் பழக்கத்தை மாற்ற வேண்டும். நகை வாங்கும்போது செய்கூலி, சேதாரம்,GST வரி எல்லாம் சேர்ந்து வாங்குவோம். ஆனால் விற்கும் போது எல்லாவற்றையும் கழித்து நஷ்டத்தில் தான் விற்க வேண்டிருக்கும். அத்தியாயம் தவிர அதிகமாக தங்கம் வாங்குவது தவிர்ப்பது நல்லது
Rate this:
Cancel
R Ravikumar - chennai ,இந்தியா
01-ஆக-202021:24:15 IST Report Abuse
R Ravikumar தங்க பத்திரம் வாங்குங்கள் ( முதலீடு அடிப்படையில் தேவை பட்டால் ) . தங்க நகை சத்தியமாக வேண்டாம் . கண்ணுக்கு தெரிந்த திருட்டுத்தனம் இதுதான் . வாங்கும் பொழுதே முப்பது சதவீதம் நஷ்டத்துடன் வாங்கும் பொருள் அது . அதையும் வட்டிக்கு பணம் வாங்கி மீட்டால் அது அதை விட நட்டம் . மாப்பிளை விட்டார் தங்க நகை பெண் வீட்டாரிடம் கேட்காதீர்கள் . தேவை பட்டால் பண முதலீடாக வாங்கி கொள்ளுங்கள் . ( வரதட்சணை தவறு தான் இருந்தாலும் மணமக்களின் எதிர்காலம் பொருட்டு கொடுக்க நகை தேவை இல்லை என்பது என் தனிப்பட்ட கருத்து ) .. பெண் வீட்டாரூம் வீம்புக்கு தங்க நகை வாங்கி குவிக்க வேண்டாம் . கேரளா ஸ்வப்னா திருட்டு தங்கம் தான் எல்லா இடத்திலும் நம் நாடு முழுக்க . குருவிகள் தான் வேறு வேறு . நம் நாட்டுக்கும் நஷ்டம் . விலை இப்படி படு பயங்கரமாக ஏறும்பொழுதே தெரிகிறது இதில் பெரு முதலைகள் விளையாடும் இடம் என்று . பொது மக்கள் ஏமாற்ற படுகிறோம் , ஆகவே தங்கம் வாங்காதீர்கள் . தாலி , தோடு , வளையல் , ஒரு செயின் என்று மினிமலிசம் வித் மினிமம் தங்கம் நல்ல விஷயம் . மற்ற பணத்தை mutual fund , அல்லது தங்க பத்திரம் வாங்குவது நல்லது . சுகன்யா சமிதி , NSC , NPS என்று சிந்திக்கலாம் . இது தவிர மற்ற முதலீட்டுக்கு தெரிந்த அனுபவப்பட்ட மக்களிடம் கேட்டு தெளிவு பெறலாம் . நமது சம்பிரதாயங்களில் இருந்து தங்கத்தை நீக்க வேண்டிய நேரம் எப்போதோ வந்து விட்டது . இந்த பலூன் எப்போது வேண்டுமானாலும் சுருங்கும் .
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X