பிரசாந்த் பூஷனுக்கு ஒரு ரூபாய் அபராதம் அல்லது மூன்று மாதம் சிறை

Updated : செப் 01, 2020 | Added : ஆக 31, 2020 | கருத்துகள் (60)
Share
Advertisement
புதுடில்லி: நீதிமன்ற அவமதிப்பு வழக்கில் மூத்த வழக்கறிஞர் பிரசாந்த் பூஷனுக்கு ரூ.1 அபராதம் விதித்து உச்சநீதிமன்றம் தீர்ப்பு வழங்கியுள்ளது. செப்.,15க்குள் கட்ட தவறினால் 3 மாதம் சிறை மற்றும் 3 ஆண்டுகள் வழக்கறிஞராக பணியாற்ற தடை விதிக்கப்படும் என தெரிவிக்கப்பட்டுள்ளது.உச்ச நீதிமன்றம் மற்றும் நீதிபதிகளை, 'டுவிட்டரில்' விமர்சனம் செய்தது தொடர்பாக, பிரபல வழக்கறிஞர்
பிரசாந்த் பூஷன், சுப்ரீம் கோர்ட், உச்சநீதிமன்றம், தீர்ப்பு, அபராதம்,

புதுடில்லி: நீதிமன்ற அவமதிப்பு வழக்கில் மூத்த வழக்கறிஞர் பிரசாந்த் பூஷனுக்கு ரூ.1 அபராதம் விதித்து உச்சநீதிமன்றம் தீர்ப்பு வழங்கியுள்ளது. செப்.,15க்குள் கட்ட தவறினால் 3 மாதம் சிறை மற்றும் 3 ஆண்டுகள் வழக்கறிஞராக பணியாற்ற தடை விதிக்கப்படும் என தெரிவிக்கப்பட்டுள்ளது.

உச்ச நீதிமன்றம் மற்றும் நீதிபதிகளை, 'டுவிட்டரில்' விமர்சனம் செய்தது தொடர்பாக, பிரபல வழக்கறிஞர் பிரசாந்த் பூஷன் மீது, நீதிமன்ற அவமதிப்பு வழக்கு தொடரப்பட்டது. இதை விசாரித்த உச்ச நீதிமன்றம், அவரை குற்றவாளி என அறிவித்துள்ளது.இந்த வழக்கில், பிரசாந்த் பூஷனுக்கான தண்டனை குறித்த வாதங்கள், கடந்த வாரம் துவங்கின. அப்போது, டுவிட்டரில் தெரிவித்த கருத்திற்கு, இரண்டு நாட்களுக்குள் மன்னிப்பு கேட்க பிரசாந்த் பூஷனுக்கு, நீதிமன்றம் 3 நாள் அவகாசம் அளித்தது.


latest tamil news


அந்த கால அவகாசமும் முடிந்த நிலையில், 24ம் தேதி பிரசாந்த் பூஷன் தாக்கல் செய்த பதில் மனுவில், 'நான் நம்பும் விஷயங்களை பிரதிபலிக்கும் வகையில் தான் கருத்து தெரிவித்து இருந்தேன். 'அது குறித்து நிபந்தனைகளோடோ, நிபந்தனைகளற்றோ, மன்னிப்பு கோருவது சரியாக இருக்காது. 'அது என் மனசாட்சிக்கு, அவமதிப்பு செய்யும் வகையில் இருக்கும். எனவே, எனக்கு கொடுக்கப்படும் தண்டனையை, ஏற்றுக் கொள்ள தயார்' என, தெரிவித்திருந்தார்.

இதன்பின், நீதிபதி அருண் மிஸ்ரா கூறியதாவது: தவறுகள் செய்வது சகஜம். ஆனால், அதை ஒப்புக் கொள்ள வேண்டும். இந்த வழக்கில், தான் செய்த தவறை ஒப்புக் கொள்ள, பிரசாந்த் பூஷன் மறுக்கிறார். மன்னிப்பு கேட்பதால், என்ன குறைந்து விட போகிறது; மன்னிப்பு என்பது மோசமான வார்த்தையா; மன்னிப்பு கேட்க மாட்டேன் என சொல்பவரிடம், இனி இதுபோன்று செய்யக் கூடாது என, கண்டிப்பதில் அர்த்தமில்லை. வரும், 2ம் தேதியுடன், நான் ஓய்வுபெறப் போகிறேன். இந்த நேரத்தில், இதுபோன்ற வழக்குகளை விசாரிப்பது வருத்தமாக உள்ளது. இவ்வாறு கூறினார்.


latest tamil news



இந்நிலையில், இந்த வழக்கில், மூத்த வழக்கறிஞர் பிரசாந்த் பூஷனுக்கு ஒரு ரூபாய் அபராதம் விதித்து தீர்ப்பு அளித்து உச்சநீதிமன்றம் தீர்ப்பு வழங்கியுள்ளது. இந்த அபராதத்தை செப்.,15க்குள் கட்ட வேண்டும். தவறினால் 3 மாதம் சிறை மற்றும் 3 ஆண்டு வழக்கறிஞராக பணியாற்ற தடை விதிக்கப்படும் என தீர்ப்பு வழங்கப்பட்டுள்ளது.

Advertisement




வாசகர் கருத்து (60)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
B.KESAVAN - chennai,இந்தியா
02-செப்-202000:55:47 IST Report Abuse
B.KESAVAN சட்டத்திற்குமுன் அனைவரும் சமம் என்பது எழுத்தளவிற்கு தான், எப்போதும் எள்ளிநகையாடப்படுகிறது காரணம் நீதித்துறையின் நிர்வாகத்திறன் மற்றும் சிலரின் நீதியற்றதன்மையே. வழக்கு ஒரு தனிமனிதனையோ அல்லது ஒரு துறை சார்ந்தோ அவமதிப்பிற்க்கானது, இதனால் எவருடைய வாழ்வாதாரமோ அடிப்படை செயல்களோ முடங்கிவிடப்போவதில்லை ,ஆனால் இது உடனே தீர்க்கப்படுகிறது. ஆனால் அதிகமாக சாதாரண மக்களின் வாழ்வாதார வழக்குகள், பாகப்பிரிவினை,ஒய்வு ஊதிய வழக்குகள் உடனுக்குடன் முடிக்காமல்,சம்பந்தப்பட்டவர்கள் எல்லாவற்றையும் இழந்து உயிரையும் இழந்தபிறகுதான்முடித்துவைக்கப்படுகிறது. நீதிமன்றங்கள் வழக்கின் முக்கியதுவத்தை உணர்ந்து செயல்படவேண்டும்.
Rate this:
Cancel
Malick Raja - jeddah,சவுதி அரேபியா
01-செப்-202017:50:59 IST Report Abuse
Malick Raja நீதிமன்றம் தடுமாற்றத்தில் இருப்பது உண்மை ..இவ்வழக்கில் குற்றம் சாட்டப்பட்டுள்ளவர் போட்டோவை போஸ்ட் செய்துள்ளார் .. ஆக உண்மை தான் அது..எதேச்சதிகார போக்காக இருப்பது வருத்தமளிப்பதாக இருக்கிறது .. நீதிபதிகளும் நேர்மையை நிலைநாட்ட கடமை பட்டிருக்கிறார்கள் என்பதையும் மறுக்கவே முடியாது
Rate this:
Cancel
S.P. Barucha - Pune,இந்தியா
01-செப்-202015:50:56 IST Report Abuse
S.P. Barucha நீதியின் கோயில்தான் நீதிமன்றம், குற்றத்திற்கு ஏற்ப தண்டனை வழங்க வேண்டும். இதென்ன ஒரு ரூபா, மூன்று மாதம், மூன்று ஆண்டு தடை, இதெல்லாம் தண்டனை மாதிரி தெரியவில்லை எதோ பழி வாங்குவது போல் உள்ளது அதற்கு உச்ச நீதிமன்றம் இடம் கிடையாது.உச்ச நீதிமன்றம் தான் இந்திய அரசியல் சாசனத்தின் பாதுகாவலன் என்பதை நீதிபதிகள் கவனத்தில் வைத்து கொண்டு செயல் படவேண்டும். உச்ச நீதிமன்ற நீதிபதிகள் நீதிமன்றத்தின் மாண்பை பாதுகாக்கும் வகையில் நடந்து கொள்ள வேண்டும்.ஊழல் புகார் சொன்னால் சம்பந்த பட்ட நீதிபதிகள் மீது வழக்கு பதிவு செய்து தீவிர விசாரணை நடத்திய பிறகுதான் தண்டனை என புகார் கொடுத்தவர் மீதும், புகாருக்கு உள்ளவர்கள் மீதும் நடவடிக்கை எடுக்க வேண்டும். முன்னாள் நீதிபதி கர்ணன் உச்ச நீதிமன்ற நீதிபதிகள் மீது அவ்வளவு கேவலமாக புகார் கூறினார், ஏன் அவர் பதவியில் இருந்தபோது தண்டனை வழங்க உச்ச நீதிமன்றத்திற்கு அதிகாரம் இல்லை? இப்பொழுது மட்டும் எங்கிருந்து வந்தது அதிகாரம்,.தனி மனிதன் என்றால் ஒரு சட்டம் நீதிபதி என்றால் ஒரு சட்டமா? அப்புறம் எப்படி சட்டத்திற்கு முன்னாள் எல்லாம் சமம் என சொல்ல முடியும். உச்ச நீதிமன்ற நீதிபதிகள் ஊழல் செயலில் ஈடுபட்டால் அவர் மீது யார் புகார் அளிப்பது? புகார் அளிப்பவர்க்கு என்ன சட்ட பாதுகாப்பு உள்ளது? இதற்கு தீர்வும் உச்ச நீதிமன்றம் தான் காணவேண்டும்.அரசியல் சாசன அமர்வை அமைத்து கண்டிப்பாக நீதிபதிகள் மீதான இந்த ஊழல் புகாரை விசாரிக்க வேண்டும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X