பொது செய்தி

தமிழ்நாடு

வாயும் வயிறும் சுத்தமாக இருந்தால்

Added : செப் 14, 2020
Share
Advertisement

''பற்களை சரியாக துலக்கவில்லை என்றால், வாய் துர்நாற்றம் வரும். சாப்பிட்ட பின் வாய் கொப்பளிப்பதால் மட்டும் வாய் சுத்தமாகாது. பிரஷ் பண்ணினால்தான் சுத்தமாகும்,'' என்கிறார் பல் மருத்துவர் அன்னபூரணி பாலாஜி.பல் கூச்சம் எதனால் வருகிறது?பல் சொத்தையாகி எனாமல் தேய்ந்து போவது ஒரு காரணம். தேய்ந்த பிரஷ்ஷால் அதிக நேரம் பல் தேய்ப்பதால் எனாமல் தேய்ந்தாலும், வயது அதிகம் ஆகும் போது பல் தேய்மானம் காரணமாகவும் பல் கூச்சம் வரும்.மிருதுவான பிரஷ் பயன்படுத்த வேண்டும்.
தேய்ந்து விட்டால் உடனே மாற்ற வேண்டும். பல் தேய்க்கும் போது மேலும் கீழுமாக மட்டுமே, தேய்க்க வேண்டும்.பற்களை பாதுகாக்க என்ன பேஸ்ட் பயன்படுத்தலாம்?பெரியவர்கள் எந்த பேஸ்ட் வேண்டுமானாலும் பயன்படுத்தலாம். குழந்தைகளுக்கு புளூரைடு அதிகம் உள்ள பேஸ்ட்தான் நல்லது. அப்போதுதான் பல்லில் சொத்தை ஏற்படாது. பற்கள் வளர்ச்சியில் பாதிப்பு வராது. குழந்தைகளுக்கென தனியாக புளூரைடு பேஸ்ட் கிடைக்கிறது.வாய் துர்நாற்றம் ஏன் வருகிறது, அதை தடுப்பது எப்படி?பல்லை சரியாக தேய்க்கவில்லை என்றால் வாய் துர்நாற்றம் வரும். சாப்பிட்ட பின் வாய் கொப்பளிப்பதால் மட்டும் சுத்தமாகாது. பிரஷ் பண்ணினால்தான் சுத்தமாகும். காலை, இரவு படுக்க போகும் முன், பல் தேய்ப்பது அவசியம். தவறினால், அது கால்சியமாக உருவாகி பற்களில் மஞ்சள் கறை படியும். வயிற்றில் புண், நாள் பட்ட சளி இருந்தாலும் வாய் துர்நாற்றம் வரும். ஆறு மாதங்களுக்கு ஒரு முறை, பல் டாக்டரை பார்த்து, செக்கப் செய்து கொள்வது அவசியம்.ஈறு வீக்கம் ஏன் வருகிறது, அதனால் சிலருக்கு காய்ச்சலும் வருகிறதே?பல் சரியாக சுத்தம் செய்யாததால், பற்களின் இடையில் மஞ்சள் கறை படிந்து தொற்று ஏற்படும் போது, ஈறுகளில் வீக்கம் ஏற்படுகிறது.
ரத்தக்கசிவும் ஏற்படும்.வெற்றிலை பாக்கு, புகையிலை பயன்படுத்துதல் உள்ளிட்ட காரணங்களால், பற்களை இழக்க நேரிடும். இதனால் ஏற்படும் கிருமி தொற்று, ரத்தத்தில் கலக்கும் போது காய்ச்சல் வருகிறது.பல் சொத்தையாவதை தடுப்பது எப்படி?பற்களின் அமைப்பு மேடு பள்ளமாகதான் இருக்கும். அப்போது தான் சாப்பிடும் உணவு பொருட்கள் மெல்லும் போது அரைபடும். அப்போது அந்த பள்ளங்களில் உணவுகள் படிந்து இருக்கும். சாக்லெட் போன்ற இனிப்புகள் சாப்பிடும் போது, பற்களின் இடையில் ஒட்டிக்கொள்ளும். அதை சரியாக பிரஷ் செய்யாமல் விடுவதால் கிருமிகள் உருவாகின்றன. குழந்தைகளில் பற்கள் விரைவில் சொத்தையாக இதுவே காரணம்.

Advertisement


வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X