பொது செய்தி

இந்தியா

தெலுங்கானாவின் முதலீடுகளை அதிகமாக ஈர்க்கும் ஐதராபாத் பார்மா சிட்டி

Updated : செப் 27, 2020 | Added : செப் 27, 2020
Share
Advertisement
ஐதராபாத் : தெலுங்கானாவின் ஐதராபாத்தில் உள்ள மருந்து நிறுவனங்களால் அதிக முதலீடுகள் ஈர்க்கப்படுவதாக மாநில அரசு தெரிவித்துள்ளது. கொரோனா வைரசின் தாக்கம் இந்தியாவில் அதிகரித்து வருகிறது. தெலுங்கானாவில் கொரோனா பாதிப்புகளை கட்டுக்குள் வைக்க அம்மாநில அரசு பல்வேறு முயற்சிகளை மேற்கொண்டு வருகிறது. குறிப்பாக தெலுங்கானா மாநிலத்தின் ஐதராபாத்தில் தடுப்பூசிக்கான

ஐதராபாத் : தெலுங்கானாவின் ஐதராபாத்தில் உள்ள மருந்து நிறுவனங்களால் அதிக முதலீடுகள் ஈர்க்கப்படுவதாக மாநில அரசு தெரிவித்துள்ளது.



latest tamil news



கொரோனா வைரசின் தாக்கம் இந்தியாவில் அதிகரித்து வருகிறது. தெலுங்கானாவில் கொரோனா பாதிப்புகளை கட்டுக்குள் வைக்க அம்மாநில அரசு பல்வேறு முயற்சிகளை மேற்கொண்டு வருகிறது. குறிப்பாக தெலுங்கானா மாநிலத்தின் ஐதராபாத்தில் தடுப்பூசிக்கான பரிசோதனைகள் சிறப்பாக நடந்து வருகின்றன. பல்வேறு துறைகளில் முன்னனியாக திகழும் தெலுங்கானா தடுப்பூசி உற்பத்தியிலும் முன்னணியில் உள்ளது. ஐதராபாத் உலகத்தரம் வாய்ந்த மருந்து சுற்றுச்சூழல் அமைப்பைக் கொண்டுள்ளது. இது அறிவியல் நிறுவனங்களுக்கான ஒருங்கிணைந்த உள்கட்டமைப்பு வசதிகள் மற்றும் புகழ்பெற்ற கல்வி மற்றும் உயிரியல் ஆராய்ச்சி நிறுவனங்களின் திறமையான திறமைகளைக் கொண்டுள்ளது.

கிரீன்பீல்ட் மற்றும் பிரவுன்பீல்ட் விரிவாக்கத்திற்காக ஐதராபாத்தில் முதலீடு செய்யத் திட்டமிடும் நிறுவனங்களுக்கு, வரவிருக்கும் ஐதராபாத் பார்மா சிட்டி ( Hyderabad Pharma City ) மேலும் ஊக்கமளிக்கும். கிரானுல்ஸ் இந்தியா, லாரஸ் லேப்ஸ், எம்.எஸ்.என் ஆய்வகங்கள், சின்கீன், நோவார்டிஸ் மற்றும் சாண்டோஸ் உளளிட்ட பல மருந்து நிறுவனங்கள் கடந்த சில ஆண்டுகளில் ஐதராபாத்தில் கணிசமாக முன்னேற்றத்தை அடைந்துள்ளன. அதுமட்டுமின்றி, பல நடுத்தர நிறுவனங்கள் மற்றும் தொடக்க நிறுவனங்களும் விரிவாக்கத்தை கண்டுள்ளன. தெலுங்கானாவில் மருந்து நிறுவனங்களால் புதிய முதலீடுகள் ஐதராபாத்தில் ஈர்க்கப் படுகின்றன. ரியல் எஸ்டேட் துறையிலும் குறிப்பிடத்தக்க வளர்ச்சியை எட்டியுள்ளது.


latest tamil news



அன்னிய நேரடி முதலீடு: -
கடந்த சில ஆண்டுகளில் ஐதராபாத் மருந்துத் துறையில் அந்நிய நேரடி முதலீட்டை ஈர்த்துள்ளன. தொழில்துறை மற்றும் உள்நாட்டு வர்த்தகத்தை மேம்படுத்துவதற்கான அறிக்கை படி, இந்திய மருந்தகம் 2019 - 2020 நிதியாண்டில் ரூ. 3,649.8 கோடி (517.79 மில்லியன் டாலர்) 98.1 சதவீதம் அதிகரித்துள்ளது. சந்தையின் வளர்ந்து வரும் ஈர்ப்பு மற்றும் தேவை காரணமாக அடுத்த 2 முதல் 3 ஆண்டுகளில் தற்போதைய மட்டங்களிலிருந்து அன்னிய நேரடி முதலீடு அதிகரிக்கும். 2019-2020 நிதி ஆண்டில், இந்தியாவில் சிறந்த 35 பட்டியலிடப்பட்ட பார்மா நிறுவனங்களின் ரியல் எஸ்டேட் முதலீடுகள் சுமார் 520 கோடி ரூபாயாக உள்ளன, இது 2018-19 நிதியாண்டில் 15 சதவீதம் அதிகரித்துள்ளது.

2020 - 2021 நிதியாண்டில் ரியல் எஸ்டேட் மற்றும் தனியார் ஈக்விட்டி பண்டுகளில் இருந்து சொத்துக்கள், சொத்து கையகப்படுத்துதல், கூட்டு முயற்சி கூட்டாண்மை, கடன் நிதி மற்றும் மேம்பாட்டு மேலாண்மை ஆகியவற்றில் முதலீடுகள் அதிகரிக்கும். முதலீடுகள் 25 முதல் 30 சதவீதம் வரை உயரக்கூடும் என நிபுணர்கள் கூறுகின்றனர்.

Advertisement




வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X