அக்., 1ல் தியேட்டர்கள் திறப்பு: மம்தா அதிரடி| Dinamalar

பொது செய்தி

இந்தியா

அக்., 1ல் தியேட்டர்கள் திறப்பு: மம்தா அதிரடி

Updated : செப் 27, 2020 | Added : செப் 27, 2020 | கருத்துகள் (6)
Share
கோல்கட்டா: மேற்கு வங்கத்தில் வரும் அக்., 1ம் தேதி முதல் திரையரங்குகள் திறக்க முதல்வர் மம்தா பானர்ஜி அனுமதி அளித்துள்ளார். கொரோனா அச்சுறுத்தலால், கடந்த 5 மாதங்களுக்கும் மேலாகத் திரையரங்குகள் மூடப்பட்டுள்ளன. இதனால், விநியோகஸ்தர்கள், திரையரங்கு உரிமையாளர்கள் எனப் பலருக்கும் கடும் பொருளாதார இழப்பு ஏற்பட்டுள்ளது. பல படங்கள் 'ஓடிடி' வெளியீட்டுக்குத்

கோல்கட்டா: மேற்கு வங்கத்தில் வரும் அக்., 1ம் தேதி முதல் திரையரங்குகள் திறக்க முதல்வர் மம்தா பானர்ஜி அனுமதி அளித்துள்ளார்.



latest tamil news




கொரோனா அச்சுறுத்தலால், கடந்த 5 மாதங்களுக்கும் மேலாகத் திரையரங்குகள் மூடப்பட்டுள்ளன. இதனால், விநியோகஸ்தர்கள், திரையரங்கு உரிமையாளர்கள் எனப் பலருக்கும் கடும் பொருளாதார இழப்பு ஏற்பட்டுள்ளது. பல படங்கள் 'ஓடிடி' வெளியீட்டுக்குத் திட்டமிடப்பட்டு வருகின்றன. இதனால் தயாரிப்பாளர்கள் மற்றும் திரையரங்க உரிமையாளர்கள் இடையே மோதல் போக்கு உருவாகியுள்ளது.


latest tamil news



திரையரங்குகளை விரைந்து திறக்குமாறு இந்திய மல்டிப்ளக்ஸ் கூட்டமைப்பு உள்ளிட்ட பல்வேறு அமைப்புகளும் தொடர்ந்து கோரிக்கை வைத்து வந்தன. இந்நிலையில் மேற்கு வங்கத்தில் வரும் அக்., 1ம் தேதி முதல் திரையரங்குகள், மேடை நாடக அரங்குகள் உள்ளிட்டவற்றைத் திறக்க அம்மாநில முதல்வர் மம்தா பானர்ஜி அனுமதி அளித்துள்ளார்.



இதுகுறித்து அவர் தனது டுவிட்டர் பக்கத்தில், 'இயல்பு நிலைக்குத் திரும்பும் நோக்கில், வரும் அக்., 1ம் தேதி முதல் திரையரங்குகள், நாடகங்கள், இசை, நடனம், மேஜிக் நிகழ்ச்சிகள் உள்ளிட்டவற்றை, 50 அல்லது அதற்கும் குறைவான பார்வையாளர்களுடன் நடத்த அனுமதி வழங்கப்படுகிறது. இவற்றில் சமூக இடைவெளி, முகக்கவசம் அணிவது உள்ளிட்ட முன்னெச்சரிக்கை நடவடிக்கைகள் கண்டிப்பாகப் பின்பற்றப்பட வேண்டும்' எனத் தெரிவித்துள்ளார்.
இந்த அறிவிப்புக்கு மேற்கு வங்கத்தை சேர்ந்த திரையரங்க உரிமையாளர்கள், தயாரிப்பாளர்கள் உள்ளிட்ட பலரும் நன்றி தெரிவித்துள்ளனர்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X