அரசியல் செய்தி

தமிழ்நாடு

அதிமுக.,வின் முதல்வர் வேட்பாளர் பழனிசாமி: அதிகாரப்பூர்வ அறிவிப்பு

Updated : அக் 08, 2020 | Added : அக் 07, 2020 | கருத்துகள் (88+ 21)
Share
Advertisement
சென்னை: அதிமுக.,வின் முதல்வர் வேட்பாளராக பழனிசாமியை தேர்ந்தெடுத்து அக்கட்சி அதிகாரப்பூர்வமாக அறிவித்துள்ளது.அ.தி.மு.க.,வில், முதல்வர் வேட்பாளர் தொடர்பாக, முதல்வர் பழனிசாமி மற்றும் துணை முதல்வர் பன்னீர்செல்வம் இடையே போட்டி எழுந்துள்ளது. முதல்வர் வேட்பாளர் யார் என்பது, இன்று (அக்.,07) அறிவிக்கப்படும் என, அக்கட்சி தரப்பில் கூறப்பட்டுள்ளது. இதற்காக முதல்வர் மற்றும் துணை
AIADMK, பழனிசாமி, அதிமுக, முதல்வர்_வேட்பாளர், இபிஎஸ்

சென்னை: அதிமுக.,வின் முதல்வர் வேட்பாளராக பழனிசாமியை தேர்ந்தெடுத்து அக்கட்சி அதிகாரப்பூர்வமாக அறிவித்துள்ளது.

அ.தி.மு.க.,வில், முதல்வர் வேட்பாளர் தொடர்பாக, முதல்வர் பழனிசாமி மற்றும் துணை முதல்வர் பன்னீர்செல்வம் இடையே போட்டி எழுந்துள்ளது. முதல்வர் வேட்பாளர் யார் என்பது, இன்று (அக்.,07) அறிவிக்கப்படும் என, அக்கட்சி தரப்பில் கூறப்பட்டுள்ளது. இதற்காக முதல்வர் மற்றும் துணை முதல்வர் ஆகியோரின் ஆதரவு எம்எல்ஏ.,க்களுடனும் தனித்தனி அணியாக உருவாகி ஆலோசனை நடத்தினர். மேலும், அமைச்சர்களும் இருவருடனும் மாறி மாறி ஆலோசனை நடத்தியதால் அரசியலில் பரபரப்பு ஏற்பட்டது.


சால்வை அணிவித்து வாழ்த்து கூறினார். 11 பேர் கொண்ட வழிகாட்டுதல் குழுவை முதல்வர் அறிவித்தார். குழுவில் அமைச்சர்கள் திண்டுக்கல் சீனிவாசன், தங்கமணி , எஸ்பி வேலுமணி , ஜெயக்குமார், சி.வி சண்முகம், காமராஜ், ஜேசிடி பிரபாகரன், மனோஜ் பாண்டியன் , முன்னாள் எம் பி கோபால கிருஷ்ணன் , முன்னாள் அமைச்சர் மோகன் , சோழவந்தான் எம்எல்ஏ மாணிக்கம் ஆகியோர் இடம்பெற்றுள்ளனர்.

வழிகாட்டுதல் குழு தலைவர் பன்னீர்செல்வம்


இந்நிலையில், சென்னை ராயப்பேட்டையில் உள்ள அதிமுக தலைமை அலுவலகத்தில், அதிமுக.,வின் 11 பேர் கொண்ட வழிகாட்டுதல் குழுவை இணை ஒருங்கிணைப்பாளர் பழனிசாமி அறிவித்தார்.

வழிகாட்டுதல் குழுவில் அமைச்சர்கள் திண்டுக்கல் சீனிவாசன், தங்கமணி, எஸ்பி வேலுமணி, ஜெயக்குமார், சி.வி.சண்முகம், ஆர்.காமராஜ், மற்றும் ஜேசிடி.பிரபாகரன், மனோஜ் பாண்டியன், முன்னாள் எம்பி., கோபால கிருஷ்ணன், மாணிக்கம் (சோழவந்தான் எம்எல்ஏ), முன்னாள் அமைச்சர் மோகன் ஆகியோர் இடம்பெற்றுள்ளதாக பழனிசாமி அறிவித்தார். இந்தக்குழுவின் தலைவராக பன்னீர்செல்வம் இருப்பார்.


முதல்வர் வேட்பாளர்


latest tamil news



பின்னர் பேசிய பன்னீர்செல்வம், முதல்வர் வேட்பாளர் குறித்த அறிவிப்பை வெளியிட்டார். அதில், பழனிசாமி தான் வரக்கூடிய தமிழக சட்டசபைக்கான அதிமுக.,வின் முதல்வர் வேட்பாளர் என அக்கட்சியின் சார்பாக அதிகாரப்பூர்வமாக அறிவித்துள்ளார். முதல்வர் வேட்பாளர் பழனிசாமிக்கு, பூங்கொத்து கொடுத்தும், சால்வை அணிவித்தும் பன்னீர்செல்வம் வாழ்த்து தெரிவித்தார். முதல்வர் வேட்பாளர் விவகாரத்தில் ஆதாயம் தேட முயன்ற எதிர்க்கட்சிகளின் சதியை முறியடித்து விட்டதாக பன்னீர்செல்வம் கூறினார்.

இதனையடுத்து அதிமுக தொண்டர்கள் பட்டாசு வெடித்து, இனிப்பு வழங்கி மகிழ்ச்சியை வெளிப்படுத்தினர்.

இதனை தொடர்ந்து, பழனிசாமி, பன்னீர்செல்வம் மற்றும் நிர்வாகிகள் அனைவரும் ஜெயலலிதா நினைவிடம் சென்று, மலர் வைத்து மரியாதை செலுத்தினர்.

வழிகாட்டுதல் குழு தொடர்பாக அமைச்சர் ஜெயக்குமார் கூறுகையில், பாகுபாடின்றி ஒத்த கருத்துடன் வழிகாட்டுதல் குழு அமைக்கப்பட்டுள்ளது. அ.தி.மு.க., விவகாரத்தில் குளிர்காயலாம் என்ற எதிர்க்கட்சிகளின் நினைப்பில் மண் விழுந்துள்ளது எனக்கூறினார்.


நன்றி தெரிவித்தார்

முதல்வர் வேட்பாளராக அறிவிக்கப்பட்டதை தொடர்ந்து முதல்வர் பழனிசாமி, இன்று மாலை து.முதல்வர் பன்னீர்செல்வத்தை அவரது வீட்டில் சந்திதித்து வாழ்த்து தெரிவித்தார். பழனிசாமியை, பூங்கொத்து கொடுத்து பன்னீர்செல்வம் வரவேற்றார். தொடர்ந்து எம்.பி.ரவீந்தரநாத், பழனிசாமியிடம் ஆசிபெற்றார்.

Advertisement




வாசகர் கருத்து (88+ 21)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Arachi - Chennai,இந்தியா
08-அக்-202019:43:20 IST Report Abuse
Arachi யாருவேண்டுமானாலும் அதிமுகாவில் முதலமைச்சராகலாம் என்று எடப்பாடி பொதுக்குழுவில் கூறியது பொய்த்துவிட்டது. இலவு காத்த கிளி கதையாகிவிட்டது ஓபிஸ் கதை,
Rate this:
Cancel
Cheran Perumal - Radhapuram,இந்தியா
08-அக்-202008:09:41 IST Report Abuse
Cheran Perumal கூட்டணியே வைக்குமளவுக்கு ஸ்டாலினுடன் இவருக்கு நல்ல நெருக்கம் உள்ளது.
Rate this:
Cancel
ரவிச்சந்திரன் முத்துவேல் (தோழர் சே பீனிக்ஸ்) இந்த தேர்தலில் அ.தி.மு.க., வெற்றி பெறாவிட்டால், பழியை எடப்பாடி திரு.பழனிச்சாமியால் தான் என்றும், தன்னை முதலமைச்சர் வேட்பாளராக தேர்வு செய்து இருந்தால் ஆட்சியை தக்க வைத்து இருக்கலாம் என்று தப்பித்து கொள்ள ஓ.பி.எஸ் க்கு ஒரு நல்ல வாய்ப்பு
Rate this:
Matt P - nashville,tn ,யூ.எஸ்.ஏ
13-அக்-202005:48:53 IST Report Abuse
Matt Pமுதல்வர் அமைச்சர் பதவிக்கு ஒரு விலை இருந்தால், எந்த பழியும் யாரையும் சேராது. கம்மூணு இருப்பாங்க....
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X