ஆசைக்காக அரசியலுக்கு வரக்கூடாது: ஸ்ருதி ஹாசன் பளிச்

Updated : அக் 11, 2020 | Added : அக் 11, 2020 | கருத்துகள் (3)
Share
Advertisement
கமல் என்ற மூன்று எழுத்து முத்து சினிமாவுக்கு தந்த அழகான சொத்து... நடிப்பு, நடனம், பாட்டு என தந்தை பத்தடி பாய்ந்தால் பதினெட்டு அடி பாய்ந்து கலக்கும் நவரச நாயகி... தமிழ், தெலுங்கு, ஹிந்தி என பல மொழி திரைகளில் ரசிகர்களின் விழிகளை கவர்ந்திழுக்கும் ஸ்ருதிஹாசன் மனம் திறக்கிறார்... உங்கள் திருமணத்தை எப்போது எதிர்பார்க்கலாம் ?தயவு செய்து இப்போதைக்கு
ஆசை, அரசியல், சினிமா,ஸ்ருதி ஹாசன் ஸ்ருதிஹாசன், கமல், கமல்ஹாசன், நடிகை ஸ்ருதிஹாசன், நடிகைஸ்ருதி,

கமல் என்ற மூன்று எழுத்து முத்து சினிமாவுக்கு தந்த அழகான சொத்து... நடிப்பு, நடனம், பாட்டு என தந்தை பத்தடி பாய்ந்தால் பதினெட்டு அடி பாய்ந்து கலக்கும் நவரச நாயகி... தமிழ், தெலுங்கு, ஹிந்தி என பல மொழி திரைகளில் ரசிகர்களின் விழிகளை கவர்ந்திழுக்கும் ஸ்ருதிஹாசன் மனம் திறக்கிறார்...


உங்கள் திருமணத்தை எப்போது எதிர்பார்க்கலாம் ?

தயவு செய்து இப்போதைக்கு எதிர்பார்க்காதீர்கள். எனக்கு அதில் தற்போது ஆர்வம் இல்லை. அதை பற்றி நான் யோசிக்கவே இல்லை. திருமணம் என்னோட பிளானில் இப்போது இல்லை


சினிமாவில் நடித்துவிட்டு வெப்சீரிஸில் நடிப்பது ?

அக்கா சுஹாசினி போனில் கதை சொன்ன பிறகு வெப் சீரிஸ் ஒன்றில் கெஸ்ட் ரோலில் நடித்தேன். ஐதராபாத்தில் காட்சிகளை படமாக்கி அனுப்பினேன். ஓ.டி.டி., மதிப்பு கொரோனா சூழலில் தான் தெரியுது. ஆனால், ‛அவெஞ்சர்ஸ்' மாதிரி சவுண்ட் எபக்ட்டுடன் பார்த்தால் தான் செமயா இருக்கும்.


அப்பா, அம்மாவிடம் இருந்து கற்றுக்கொண்டது

இரண்டு பேரோட நேர்மையும், கடின உழைப்புக்கும் அளவேயில்லை. அப்படி தான் நானும் இருக்கணும்னு நினைக்கிறேன்.


அப்பாவின் அரசியல் நடவடிக்கையை நீங்கள்...


அரசியலில் எனக்கு அனுபவம் இல்லை... ஆசைக்காக இயக்குனர், அரசியல்வாதியாக ஆக கூடாதுனு ரொம்ப தெளிவாக இருக்கேன். இது இரண்டும் அடுத்தவர்களை பெரிய அளவுக்கு பாதிக்கும்னு நினைக்கிறேன்.


பிரசாரம் செய்வதற்கு அப்பாவிற்கு உதவியாக....?


அவரது படம் பிரிமியர், இசைவெளியீட்டிற்கு போகாத நான் எப்படி அவர் பிரசாரத்திற்கு மட்டும் போவேன். அரசியலில் அப்பாவை சப்போர்ட் பண்றதெல்லாம் வீட்டோடு சரி


‛லாபம்' படத்தில் என்ன மாதிரியான கேரக்டர்?


பாப் பாடகி கேரக்டரில் தைரியமான பெண்ணாக நடிக்கிறேன். சமூக வலைதளங்களில் எனக்கான ரசிகர்கள் கூட்டம், என்னை சுற்றி பல விஷயங்கள் நடப்பது என ஒரு பவர்புல் கேரக்டரை, இயக்குனர் ஜனநாதன் கொடுத்திருக்கிறார்.


‛லாபத்தில்' விஜய் சேதுபதியுடன் நடிப்பு அனுபவம் ?

அவரோடு நடிக்கிறது நல்ல அனுபவங்களை கொடுத்திருக்கு. சேதுவுடன் நானும் இந்த மாதிரியான சமூகத்திற்கு தேவையான கதையில் பயணிப்பது மகிழ்ச்சியாக இருக்கிறது.


‛அவள் அப்படி தான்' படத்தில் நீங்க நடிக்க போறீங்களா?

அப்படி ஒரு பேச்சு நடந்துட்டு இருக்கு... எனுக்கு பிடித்த உணர்வுப்பூர்வ படங்களில் இதுவும் ஒன்னு. அது எப்படி எப்போது என்று என்னால் இப்போ சொல்ல முடியலை.


கொரோனா சூழலில் படப்பிடிப்பு நடத்துவது எப்படி இருக்கு ?


ரொம்ப பயமா இருக்கு... கொரோனாவை பொறுத்தவரை ஜாதி, மதம், மொழி பார்த்து வராது. எளிதில் பரவும் நோய் என்பதால் முன்னெச்சரிக்கையாக இருக்க வேண்டி இருக்கு


ஏன் தமிழில் இப்போ தொடர்ந்து படங்கள் பண்றது இல்லை


சில படங்கள் மக்கள் ரசிக்கல. நானும் ரசிக்கல என்று சொல்லலாம். பண்ணது பண்ணியாச்சி. இனி கொஞ்சம் பிடிக்கிற மாதிரி படம் பண்ணலாமேனு தான் வெயிட் பண்றேன்.


தியேட்டரில் 50 சதவீதம் அனுமதி போன்ற கட்டுப்பாடுகள் பற்றி


எப்படி எஞ்களுக்கு லாம் கிடைக்கும்... தியேட்டர்காரர்களுக்கு, வட்டிக்கு கடன் வாங்கி படம் எடுக்கும் தயரிப்பாளர்களுக்கு கஷ்டம். கொரோனா சினிமா தொழிலை மட்டுமல்ல எல்லா தொழிலையும் பாதிச்சிருக்கு


இதுவரைக்கும் உங்களுக்கு கிடைத்த சினிமா அனுபவம்


ஆரம்பத்துல எனக்கு சினிமா என்னன்னு புரிந்து கொள்ள கொஞ்ச நாளாச்சு. ஆனால், இன்றைய சினிமாவில் புதிதாக வர்றவங்க திறமைசாலியா இருக்காங்க. யார் கிட்ட எப்படி பேசணும் எப்படி நடந்துக்கணும் தெரிஞ்சு வைச்சிருக்காங்க.
-கவி

Advertisement




வாசகர் கருத்து (3)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Biil Brace - kandala,ஆப்கானிஸ்தான்
16-அக்-202013:54:11 IST Report Abuse
Biil Brace ... என்ற மூன்று எழுத்துக்கும் அவர் தான் அதிபர்
Rate this:
Cancel
J.V. Iyer - Singapore,சிங்கப்பூர்
14-அக்-202004:12:32 IST Report Abuse
J.V. Iyer அரசியலுக்கு வந்தது தப்பான முடிவு. அதிலும் தவறான கொள்கைகள். நல்ல திட்டங்களுக்கு எதிர்ப்பு என்று நடிப்பில் பெற்ற நல்ல பெயரை கமல் கெடுத்துக் கொண்டுவிட்டார். இவருக்கு அறிவு என்பது சினிமா அறிவு தான். இப்போது ஆற்றில் ஒரு கால், சேற்றில் ஒரு கால் என்று இரண்டிலும் இல்லை. பாவம். நல்ல நடிகர்.
Rate this:
Cancel
11-அக்-202016:31:41 IST Report Abuse
  karthik உங்கப்பனுக்கு ஆசை இல்லையா?
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X