பொது செய்தி

தமிழ்நாடு

12 ராசிகளுக்கான இந்த வார பலனும் பரிகாரமும்!

Added : அக் 18, 2020 | கருத்துகள் (1)
Share
Advertisement
திங்கள் முதல் ஞாயிறு வரை (19.10.2020 - 25.10.2020) இந்த வாரம் எந்த ராசிக்கு என்ன பலன். உங்கள் ராசிக்கான பலனும் இந்த வாரம் செய்ய வேண்டிய பரிகாரமும் காணுங்கள்.மேஷம்சந்திரன், சுக்கிரன், குரு சாதக நிலையில் உள்ளனர். முருகன் வழிபாடு நம்பிக்கை வளர்க்கும்.அசுவினி: குடும்பத்தில் மகிழ்ச்சி பொங்கும். பணவரவு அதிகரிக்கும். நம்பிக்கையுடன் உங்கள் பணிகளில் ஈடுபடுவீர்கள். நண்பர்களிடம்
வாரபலன், பரிகாரம், மேஷம், ரிஷபம், மிதுனம்,  கடகம், சிம்மம்,  கன்னி,துலாம்,விருச்சிகம்,தனுசு,மகரம், கும்பம், மீனம்

திங்கள் முதல் ஞாயிறு வரை (19.10.2020 - 25.10.2020) இந்த வாரம் எந்த ராசிக்கு என்ன பலன். உங்கள் ராசிக்கான பலனும் இந்த வாரம் செய்ய வேண்டிய பரிகாரமும் காணுங்கள்.


மேஷம்



சந்திரன், சுக்கிரன், குரு சாதக நிலையில் உள்ளனர். முருகன் வழிபாடு நம்பிக்கை வளர்க்கும்.

அசுவினி: குடும்பத்தில் மகிழ்ச்சி பொங்கும். பணவரவு அதிகரிக்கும். நம்பிக்கையுடன் உங்கள் பணிகளில் ஈடுபடுவீர்கள். நண்பர்களிடம் கேட்ட உதவி கிடைக்கும்.

பரணி: உற்றார், உறவினர்களுக்கு தேவையான உதவிகளை செய்வீர்கள். வியாபாரிகளுக்கு நிலுவைத் தொகைகள் வசூலாகும். எதிரிகளின் பலம் குறையும். வீடு, வாகனம் வாங்கும் யோகம் உண்டாகும்.

கார்த்திகை 1: குடும்பத்தில் திருமணம் போன்ற சுபநிகழ்ச்சிகள் நடக்கும். குழந்தை பாக்கியம் இல்லாதவர்களுக்கு சுபச்செய்தி உண்டு. தொழிலில் புதிய முதலீடுகளை செய்வீர்கள்.

சந்திராஷ்டமம் : 19.10.2020 அதிகாலை 5:28 - 21.10.2020 காலை 8:33 மணி


ரிஷபம்



latest tamil news




புதன், குரு, சுக்கிரன் நன்மை தரும் அமைப்பில் உள்ளனர். லலிதாம்பிகை வழிபாடு சகல நன்மை தரும்.

கார்த்திகை 2,3,4: புண்ணியச் செயல்களில் ஈடுபடுவீர்கள். மனஅழுத்தம் மறையும். சிந்தனையில் தெளிவு உண்டாகும். உடன்பிறந்தோர், நண்பர்களால் நன்மை அடைவீர்கள். புதிய சொத்துகள் வாங்குவீர்கள்.

ரோகிணி: தோற்றத்தில் பொலிவு உண்டாகும். புத்திசாலிகளின் நட்பைப் பெற்று பலனடைவீர்கள். மன உறுதி உண்டாகும். கவலைகள் மறைந்து மகிழ்ச்சி பிறக்கும்.

மிருகசீரிடம் 1,2: ஏற்றுமதி, இறக்குமதி வியாபாரங்கள் சூடுபிடிக்கும். பயணங்கள் மேற்கொள்வீர்கள். சேமிப்பில் முன்னேற்றம் காண்பீர்கள். வெளிவட்டாரத்தில் செல்வாக்கு உயரும்.

சந்திராஷ்டமம் : 21.10.2020 காலை 8:34 - 23.10.2020 பகல் 1:13 மணி


மிதுனம்



செவ்வாய், குரு, புதன் தாராள நன்மைகளை வழங்குவர். அனுமன் வழிபாடு வெற்றி தரும்.

மிருகசீரிடம் 3,4: பெற்றோர், நண்பர்கள் வழியில் ஏற்பட்ட மன வருத்தங்கள் நீங்கும். குறைந்த அளவு முதலீட்டில் அதிக லாபத்தை அள்ளுவீர்கள். எண்ணங்களுக்கு தகுந்த செயல் வடிவம் கொடுப்பீர்கள்.

திருவாதிரை: உடல் உபாதைகள் இந்த வாரம் தீரும். வீண் வழக்குகளிலிருந்து விடுபடுவீர்கள். அலைச்சல் தந்த செயல்கள் நல்லபடியாக முடியும்.

புனர்பூசம் 1,2,3: நீண்ட நாள் பிரச்னை இந்த வாரம் முடிவுக்கு வரும். உயர்ந்தவர்களின் நட்பைப் பெறுவீர்கள். விரும்பிய வீட்டிற்கு குடி பெயர்வீர்கள். செல்வாக்கு அதிகரிக்கும்.

சந்திராஷ்டமம் : 23.10.2020 பகல் 1:14 மணி - 25.10.2020 நாள் முழுவதும்


கடகம்



சுக்கிரன், செவ்வாய், குரு அதிர்ஷ்டகர பலன்களை தருவர். குரு வழிபாடு சுபவாழ்வு தரும்.

புனர்பூசம் 4: கடனாக கொடுத்திருந்த பணம் கைக்கு வந்துசேரும். வேலைகளை குறித்த காலத்திற்குள் முடிப்பீர்கள். பெண்கள் பாராட்டு பெறுவர். உங்கள் மீது வீண்பழி ஏற்படாதவாறு காக்கப்படுவீர்கள்.

பூசம்: களவுபோன பொருட்கள் திரும்ப கிடைக்கும். உறுதியின்றிச் செய்த வேலைகளில் பிடிப்பு ஏற்படும். பணியாளர்கள் நிலுவைப் பணிகளை முடிப்பீர்கள்.

ஆயில்யம்: பயந்த விஷயம் வெற்றிகரமாக முடியும். வருமானம் சீராக இருக்கும். விரும்பிய இடமாற்றம் கிடைக்கும். மேலதிகாரி ஆதரவாக செயல்படுவார். சகபணியாளரிடம் கவனமாகப் பழகுவது நல்லது.


சிம்மம்



குரு, புதன், ராகு அபரிமித நற்பலன்களை வழங்குவர். சனீஸ்வரர் வழிபாடு சங்கடம் தீர்க்கும்.

மகம்: பதவி உயர்வு உங்களைத் தேடி வரும். பொறுமையுடன் செயல்பட்டு உங்களுக்கு எதிரான சூழ்ச்சிகளை முறியடிப்பீர்கள். நீண்ட நாள் பிரச்னை ஒன்றிற்கு தீர்வு கிடைக்கும்.

பூரம்: சகஊழியர்களுடன் நல்ல நட்பு தொடர்வதால் மன அமைதி உண்டு. புதிய சந்தோஷங்களை நாடிச் செல்வீர்கள். கொடுக்கல், வாங்கல் விவகாரங்களில் சிரமங்கள் உண்டாகாது.

உத்திரம் 1: சமூகத்தில் உங்ளது அந்தஸ்து உயரும். உங்களின் முயற்சிகள் வெற்றிப் பாதையை நோக்கி அழைத்துச் செல்லும். கலைத்துறையினர் படிப்படியான வளர்ச்சியைக் காண்பீர்கள். வருமானம் நன்றாக இருக்கும்.


கன்னி



குரு, கேது, சந்திரன் நலமளிப்பர். மீனாட்சி வழிபாடு சுபிட்சம் தரும்.

உத்திரம் 2,3,4: உறவினர்களுக்காக செலவு செய்வீர்கள். சக கலைஞர்களால் நன்மை அடைவீர்கள். புதிய வாகனம் வாங்கும் வாய்ப்பு கிடைக்கும். குடும்பத்தில் அமைதி நிலவும். மகிழ்ச்சியான செய்திகள்
வந்து சேரும்.

அஸ்தம்: பிறரிடம் அனுசரித்து நடந்து கொள்வீர்கள். கணவரின் உறவினர்களோடு வீண் வாக்குவாதங்களில் ஈடுபட வேண்டாம். இளைஞர்களுக்கு நினைவாற்றலும், அறிவாற்றலும் பெருகும்.

சித்திரை 1,2: வாகனம் ஓட்டும்போது கவனம் தேவை. எதிர்கால திட்டங்களை நிறைவேற்றுவீர்கள். பெற்றோர் ஆதரவுடன் சிறு சாதனைகளை செய்வீர்கள். அக்கம் பக்கத்தினரை அனுசரிப்பதால் நிம்மதி
பெருகும்.


துலாம்



சுக்கிரனும், சந்திரனும் நற்பலன்களை அருள்வர். சிவன் வழிபாடு சிரமத்தை போக்கும்.

சித்திரை 3,4: சந்தோஷம் கூடும். நிலையான வருமானத்திற்கு வழியமைத்து கொள்வீர்கள். குடும்பத்தலைவர்கள் எடுத்த முயற்சிகள் கைகூடும். இடம், வீடு வாங்கும் யோகமுண்டு. திட்டமிட்டவை
கைக்கூடும்

சுவாதி: நட்பு வட்டம் விரிவடையும். பொருளாதார நிலை உயரும். வளர்ச்சிப் பாதையை நோக்கிச் செல்வீர்கள். குடும்பத்தினருடன் சுபநிகழ்ச்சியில் பங்கேற்பீர்கள். பெண்கள் அத்தியாவசிய பொருட்கள்
வாங்குவர்.

விசாகம் 1,2,3: முன்னேற்றப் பாதையில் அடியெடுத்து வைப்பீர்கள். உடல்நலம் மேம்படும். உத்தியோக மாற்றத்திற்கான அறிகுறிகள் தென்படும். கடன் பிரச்னை கட்டுப்பாட்டிற்குள் வரும்.


விருச்சிகம்



குரு, புதன், சந்திரன் சாதகமாக அமர்ந்துள்ளனர். விநாயகர் வழிபாடு வினை தீர்க்கும்.

விசாகம் 4: பயணங்கள் சிறப்பாக அமையும். தொழில் தொடங்கும் முயற்சி வெற்றி அடையும். பிள்ளைகளால் மகிழ்ச்சி குறையும். சகஊழியர்கள் உங்களுக்கு முக்கியத்துவம் தருவர். பூர்வ சொத்தினால்
செலவு ஏற்படும்.

அனுஷம்: யோசித்து செயல்பட வேண்டிய தருணம். பொறுப்புகள் அதிகரிக்கும். வாகனப் பழுது செலவினால் கையிருப்பு குறையலாம். உங்களது கம்பீரமான போக்கால் பிரச்னைகளை சமாளிப்பீர்கள்.

கேட்டை: கண்டிப்பான போக்கினால் உங்கள்மீது பயம்கூடும். நேரத்தின் அருமையை உணர்ந்து செயல்படுவீர்கள். மனைவி நலனில் அக்கறை எடுத்துக் கொள்வீர்கள். நண்பர்கள் நல்ல செய்தியை
கொண்டு வருவர்.


தனுசு



சுக்கிரன், புதன், சந்திரன் நற்பலன் தருவர். துர்கை வழிபாடு தைரியம் வளர்க்கும்.

மூலம்: எதிலும் சிக்கனமாக இருப்பீர்கள். உடன்பிறந்தவர்கள் வழியில் மகிழ்ச்சி தரும் செய்தி வரும். வியாபாரிகளுக்கு முந்தைய சேமிப்பு இப்போது கைகொடுக்கும். தெய்வ வழிபாடு மனஅமைதி தரும்.

பூராடம்: எதிர்பார்த்த உதவி கிடைக்கும். பொருளாதார நலன் கருதி எடுத்த முயற்சி வெற்றி பெறும். மேலதிகாரிகளின் பாராட்டுகளை பெறுவீர்கள். பிறரை நம்பி வாக்குறுதி, முன் ஜாமீன் கொடுக்க வேண்டாம்.

உத்திராடம் 1: உடல்நலம் சீராகி ஆனந்தப்படுத்தும். குடும்பத்திற்கு தேவையான பொருட்களை வாங்க அலைச்சல்களை சந்திப்பீர்கள். தொழில் வளர்ச்சி சீராக இருக்கும்.


மகரம்



சுக்கிரன், புதன், சந்திரன் அனுகூல பலன்களை அருள்வர். பெருமாள் வழிபாடு நல்வாழ்வு தரும்.

உத்திராடம் 2,3,4: நெருங்கியவர்களுக்கு உதவி செய்து பாராட்டு பெறுவீர்கள். குடும்பத்தினருடன் சிறு கருத்து வேறுபாடு வரக்கூடும். அமைதியாக இருப்பது நல்லது. திட்டமிட்டவை கைக்கூடும்.

திருவோணம்: பணியில் கவனமுடன் செயல்படுவது நல்லது. உயரதிகாரிகளிடம் பேசும்போது நிதானம் தேவை. வேலை தேடுபவர்கள் கிடைக்கும் வாய்ப்பைப் பயன்படுத்திக் கொள்ளவும்.

அவிட்டம் 1,2: வெளிநாடு செல்லும் முயற்சி சிறு தடைகளுக்கு பிறகே நிறைவேறும். உங்களது பெயர், புகழை நிலைநிறுத்திக் கொள்வீர்கள். எதிர்பாராத நன்மைகள் வந்தடையும். பெரியோரின் ஆசி கிடைக்கும்.


கும்பம்



குரு, சனி, சந்திரன் நன்மைகளை வழங்குவர். ராமர் வழிபாடு நிம்மதி அளிக்கும்.

அவிட்டம் 3,4: வீட்டிற்கு தேவையான பொருட்கள் வாங்குவீர்கள். செலவு அதிகரிக்கும். கணவன், மனைவி இடையே இருந்த மனவருத்தம் நீங்கும். பிள்ளைகளை அதிகம் கட்டுப்படுத்த வேண்டாம்.

சதயம்: மேற்கொள்ளும் பணிகளில் எதிர்நீச்சல் போட்டே முன்னேற வேண்டியிருக்கும். பெண்களுக்கு உடல்நிலையில் சிறுசிறு பாதிப்புகள் தோன்றலாம். வியாபாரத்தில் புதிய வாடிக்கையாளர்கள் அறிமுகமாவர்.

பூரட்டாதி 1,2,3: பொருளாதார நிலை ஓரளவு சீராக இருக்கும். கலைஞர்கள் கிடைக்கும் வாய்ப்பு நழுவாமல் பாதுகாத்துக் கொள்வது நல்லது. பெண்கள் குடும்ப நலனில் அக்கறை கொள்வார்கள்.


மீனம்



சுக்கிரன், சந்திரன், புதன் உதவி செய்யும் அமைப்பில் உள்ளனர். சாஸ்தா வழிபாடு துன்பம் போக்கும்.

பூரட்டாதி 4: செலவுகளை குறைத்துக் கொள்ளுங்கள். பொதுவாழ்வில் பொறுப்புகள் வந்து சேரலாம். நம்பியவர்களே ஏமாற்றமளிக்கக்கூடும். மனதிற்கு பிடித்தவர்களை சந்திக்க முடியாமல் போகலாம்.

உத்திரட்டாதி: பயணம் சிறிதளவே பலன் தரும். சமீபத்திய அனுபவங்களால் சொத்து சம்பந்தமான முதலீடுகளில் ஆர்வம் குறையும். தொழிலில் இருந்த மெத்தனப் போக்கு நீங்கி வேகம் பிடிக்கும். செல்வநிலை உயரும்.

ரேவதி: எதிலும் முழு ஈடுபாட்டுடன் செயல்பட்டால் வெற்றி அடையலாம். விளையாட்டு போட்டிகளில் கவனமுடன் செயல்படுவது நல்லது. தேவையற்ற நண்பர்களின் சேர்க்கையால் சிரமங்கள் வர வாய்ப்புள்ளது.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
selva - Chennai,இந்தியா
18-அக்-202011:09:21 IST Report Abuse
selva இதெல்லாம் ஒரு ...
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X