சென்னை: தமிழகத்தில் தற்போது நடக்கும் இருண்ட ஆட்சி நீடிக்கவே மத்திய பா.ஜ., அரசு விரும்புவதாக தி.மு.க., தலைவர் ஸ்டாலின் கூறியுள்ளார்.

புதுக்கோட்டையில் தி.மு.க., நிர்வாகியின் இல்ல திருமண விழாவை வீடியோ கான்பரன்சிங் முறையில் நடத்தி வைத்து ஸ்டாலின் பேசியதாவது: தமிழகத்தில் இந்த இருண்ட ஆட்சி நீடிக்கவே மத்திய பா.ஜ., அரசு விரும்புகிறது. இந்த நிலை இன்னும் 6 மாதங்கள் தான். அதன் பின் காட்சி மாறும். ஜார்ஜ் கோட்டையில் ஆட்சி மாறும். ஜனநாயகத்தின் எஜமானர்களான மக்கள் திடமான தீர்ப்பை தி.மு.க.,விற்கு தர தயாராக உள்ளனர். தி.மு.க.,வை யாராலும் ஆட்டவோ, அசைக்கவோ, தொட்டு பார்க்கவோ முடியாது. இவ்வாறு அவர் பேசினார்.