சினிமா காதலி சரண்யா

Added : அக் 18, 2020
Share
Advertisement
கருப்பென்ற நிறமே நீ வாங்கி வந்த வரம்... அரிதாரமில்லா அழகே உனக்குள் நிரந்தரம்... சென்னை சினிமாவை திரும்பி பார்க்க வைத்த திருச்சி தென்றல், உன்னை எப்போதும் தாலாட்டும் வெள்ளி திரை ஊஞ்சல், திறமையை தேடுவோர் கண்களுக்கு மட்டுமே தெரியும் ஏஞ்சல்... என, சினிமாவை ஒரு தலையாக காதலிக்கும் நடிகை சரண்யா மனம் திறக்கிறார்...தமிழ் சினிமாவில் நடிகையாக முகவரிதிருச்சி கே.கள்ளிக்குடி
சினிமா, காதலி, சரண்யா

கருப்பென்ற நிறமே நீ வாங்கி வந்த வரம்... அரிதாரமில்லா அழகே உனக்குள் நிரந்தரம்... சென்னை சினிமாவை திரும்பி பார்க்க வைத்த திருச்சி தென்றல், உன்னை எப்போதும் தாலாட்டும் வெள்ளி திரை ஊஞ்சல், திறமையை தேடுவோர் கண்களுக்கு மட்டுமே தெரியும் ஏஞ்சல்... என, சினிமாவை ஒரு தலையாக காதலிக்கும் நடிகை சரண்யா மனம் திறக்கிறார்...



தமிழ் சினிமாவில் நடிகையாக முகவரி



திருச்சி கே.கள்ளிக்குடி சொந்த ஊர். சென்னையில் வேலை பார்த்த போது நண்பர்கள் 'நீ நல்லா பேசுறியே தொகுப்பாளராகலாம்'னு உற்சாகம் கொடுத்தனர். அந்த கனவில் 'டிவி' சேனலில் தொகுப்பாளரானேன்.


சினிமாவில் வாய்ப்பு தேடியது



தொகுப்பாளராக இருந்த டிவி சேனல் எடிட்டர் குறும்படத்தில் நடிக்க வைத்தார். அவர் 'நீ சினிமாவிலும் நடிக்கலாம்னு சொன்னாரு. அருண்மொழி மற்றும் ஆறு பேரிடம் நடிப்பு பயிற்சி பெற்றேன். மேடை நாடகங்கள் நடித்த பின் சினிமா வாய்ப்பு தேடினேன்.


இதுவரை நீங்கள் நடித்த படங்கள்



காதலும் கடந்து போகும், றெக்க, மேயாத மான், செம, வட சென்னை, ராட்சஷன், சைக்கோ, 96, வர்மா படங்களில் சின்ன கேரக்டர்களில் தலை காட்டியிருக்கேன்.


அதிக காட்சிகளில் நடித்த படங்கள்



இரண்டாம் உலக போரின் கடைசி குண்டு, சீறு, ஆட்டோ சங்கர் வெப் சீரியஸ், நான் நடித்த பல குறும்படங்கள் நல்ல பெயர், விருதுகள் வாங்கி கொடுத்தது.


ரிலீஸ்க்கு காத்திருக்கும் படங்கள்



ஜெயில், ஏழை, தங்க தலைவன் விரைவில் ரிலீஸ். 'ஜாம்பி', 'நான் அவன் இல்லை' ஜான் கிளாடி இயக்கும் 'பைரி' (ஒரு வகை புறா) படம், சிதம்பரம் மணிவண்ணன் இயக்கத்தில் 'வல்லமை தாராயோ' வெப்சீரிஸில் நடிக்கிறேன்.


பெரிய ஹீரோ, ஹீரோயின்களுடன் நடித்துள்ளீர்களா



இரண்டு பெரிய ஹீரோ, இயக்குனர்கள் படங்களில் நடிச்சிருக்கேன். இறுதி கட்ட வேலைகள் நடப்பதால் அவர்கள் பெயர் சஸ்பென்ஸ்...


நடிப்பு வாய்ப்புகள் தேட உற்சாகம் தருவது யார்



தந்தை ரவிச்சந்திரன், துவண்டு போகும் போதெல்லாம் காட்பாதராக கண்முன் வந்து போகும் ஒரு மனிதரின் முகம் வாய்ப்புகளை தேடி ஓட வைக்கிறது. 'சினிமாவிற்கு நான் அளவில்லாமல் தரும் காதலை அது ஒரு நாள் திருப்பி தரும். அதுவரை சினிமாவை ஒரு தலையாக காதலித்து கொண்டே இருப்பேன்.

ஸ்ரீனி

Advertisement




வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X