போலீஸ்துறையை நவீன மயமாக்க நடவடிக்கை:அமித் ஷா

Updated : அக் 23, 2020 | Added : அக் 22, 2020 | கருத்துகள் (7)
Share
Advertisement
புதுடில்லி : ''போலீஸ்துறையை நவீனப்படுத்த மத்திய அரசு நடவடிக்கை எடுத்துள்ளது'' என மத்திய உள்துறை அமைச்சர் அமித் ஷா கூறினார்.நாட்டைப் பாதுகாப்பதற்காக வீரதீரச் செயல்களில் ஈடுபட்டு உயிர்த் தியாகம் செய்த போலீசாரின் நினைவைப் போற்றும் வகையில் ஆண்டுதோறும் அக்டோபர் 21ம் தேதி காவலர் வீரவணக்க நாளாக கடைப்பிடிக்கப்படுகிறது.இதையொட்டி டில்லி சாணக்கியபுரியில் உள்ள தேசிய
போலீஸ்துறையை நவீனமயமாக்க  மத்திய அரசு நடவடிக்கை: அமித் ஷா

புதுடில்லி : ''போலீஸ்துறையை நவீனப்படுத்த மத்திய அரசு நடவடிக்கை எடுத்துள்ளது'' என மத்திய உள்துறை அமைச்சர் அமித் ஷா கூறினார்.

நாட்டைப் பாதுகாப்பதற்காக வீரதீரச் செயல்களில் ஈடுபட்டு உயிர்த் தியாகம் செய்த போலீசாரின் நினைவைப் போற்றும் வகையில் ஆண்டுதோறும் அக்டோபர் 21ம் தேதி காவலர் வீரவணக்க நாளாக கடைப்பிடிக்கப்படுகிறது.இதையொட்டி டில்லி சாணக்கியபுரியில் உள்ள தேசிய போலீசார் நினைவிடத்தில் மலர்வளையம் வைத்து மத்திய உள்துறை அமைச்சர் அமித் ஷா அஞ்சலி செலுத்தினர். அப்போது அவர் கூறியதாவது:லடாக் எல்லையில் 1959ம் ஆண்டு இதேநாளில் சீன ராணுவத்தினரின் அத்துமீறலால் மத்திய ரிசர்வ் போலீஸ் படையை சேர்ந்த 10 வீரர்கள் உயிர் தியாகம் செய்தனர்.இதையடுத்து தான் அக். 21ல் போலீசார் வீர வணக்க நாள் கடைப்பிடிக்கப்பட்டு வருகிறது.


போலீசாரின் பணி இப்போது கடும் சவால்கள் நிறைந்ததாக உள்ளது. பயங்கரவாதம், கள்ள ரூபாய் நோட்டுகள்,போதைப் பொருள் கடத்தல், சைபர் குற்றங்கள், ஆயுதங்கள் கடத்தல், மனிதர்கள் கடத்தல் என பல பிரச்னைகளை போலீசார் எதிர்கொள்ள வேண்டியுள்ளது.
இந்த குற்றங்களை வெற்றிகரமாக முறியடிக்க போலீஸ் துறையை நவீனப்படுத்த வேண்டியது அவசியம். அதற்கான நடவடிக்கைகைள மத்திய அரசு எடுத்து வருகிறது.எல்லை பாதுகாப்பிலும் நவீன தொழில்நுட்பங்களை பயன்படுத்த நடவடிக்கை எடுக்கப்பட்டுள்ளது.

எல்லையில் மட்டுமின்றி உள்நாட்டிலும் போலீசாரின் விழிப்புடன் செயல்பட்டு மக்களின் பாதுகாப்பை உறுதி செய்து வருகின்றனர்.நாட்டை பாதுகாக்கும் பணியில் இதுவரை 35 ஆயிரத்து 398 போலீசார் உயிர் தியாகம் செய்துள்ளனர். கடந்த ஒரு ஆண்டில்264 போலீசார் உயிர் தியாகம் செய்துள்ளனர்.கொரோனா பரவலில் தன்னலம் பார்க்காமல் பாதுகாப்பு பணியில் ஈடுபட்ட 343 போலீசார் வைரஸ் தொற்றுக்கு பலியானது பெரும் வேதனை. போலீசார் சிறப்பாக பணியாற்றுவதால் தான் மக்கள் நிம்மதியாக துாங்குகின்றனர்.இவ்வாறு அமித் ஷா பேசினார்.



Advertisement




வாசகர் கருத்து (7)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
K.n. Dhasarathan - chennai,இந்தியா
22-அக்-202021:14:16 IST Report Abuse
K.n. Dhasarathan போலீஸ் துறைக்கு இப்போது தேவை " நியாயப்படுத்துதல் " நவீனப்படுத்துதல் இல்லை, நேர்மையாகவும் , நியாயமாகவும் நடக்க பயிற்சி கொடுங்கள், பாதி தலை வலி குறையும்.
Rate this:
Cancel
babu -  ( Posted via: Dinamalar Android App )
22-அக்-202018:55:48 IST Report Abuse
babu முதல்ல எல்லா ஸ்டேசன்லயும் CCtv மாட்டி remote reording option செயல்படுத்துங்க. Recording room ஆ வேற துறை(நீதித்துறை) கட்டுப்பாட்டுல கொடுங்க. ஜனநாயக நாட்டில் வேலிகளிடமிருந்து காப்பாற்றிக்கொள்வது தான் பெரிய பாடாக இருக்கிறது.
Rate this:
Cancel
நீலகண்டன் - Chennai,இந்தியா
22-அக்-202012:31:00 IST Report Abuse
நீலகண்டன் காவலர் சீர்திருத்தம் கண்டிப்பாக தேவை.. பொதுமக்கள் இன்றுவரை தனியாக காவல் நிலையம் சென்று வர தயக்கம் காட்டுகின்றனர். அதே போல் சில காவலர்கள் பொதுமக்கள் இடத்தில மரியாதையோடு நடப்பதில்லை.. விஐபி என்றால் ஒரு வணக்கம் சாதாரண மனிதன் என்றால் ஒரு நடத்தை என இவர்கள் நடந்து கொள்ளும் விதத்தை கண்கூடாக காணலாம். காவல் பணியானது மிகவும் கடுமையானது வேலை பளுவும் அதிகம் அதையும் கவனத்தில் கொண்டு காவலர் சீர்திருத்தம் வந்தால் நல்லது
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X