உலக நாடுகளின் எரிசக்தி தேவையை இந்தியா பூர்த்தி செய்யும் | Dinamalar

உலக நாடுகளின் எரிசக்தி தேவையை இந்தியா பூர்த்தி செய்யும்

Updated : அக் 28, 2020 | Added : அக் 26, 2020 | கருத்துகள் (19)
Share
புதுடில்லி:''உலக நாடுகளின் எரிசக்தி தேவையை, நாம் நிறைவு செய்யும் நிலை விரைவில் உருவாகும்,'' என, பிரதமர் நரேந்திர மோடி கூறினார்.நம் நாட்டின் எரிசக்தி துறையில் ஏற்பட்டுள்ள முன்னேற்றங்கள் குறித்து, நேற்று நடந்த நிகழ்ச்சியில், பிரதமர் நரேந்திர மோடி கூறியதாவது:கொரோனா பாதிப்பால், உலக நாடுகளின் எரிசக்தி தேவை, மூன்றில் ஒரு பங்காக குறைந்துள்ளது. மேலும் சில ஆண்டுகளுக்கு
உலக நாடு, எரிசக்தி, இந்தியா, பிரதமர் மோடி

புதுடில்லி:''உலக நாடுகளின் எரிசக்தி தேவையை, நாம் நிறைவு செய்யும் நிலை விரைவில் உருவாகும்,'' என, பிரதமர் நரேந்திர மோடி கூறினார்.

நம் நாட்டின் எரிசக்தி துறையில் ஏற்பட்டுள்ள முன்னேற்றங்கள் குறித்து, நேற்று நடந்த நிகழ்ச்சியில், பிரதமர் நரேந்திர மோடி கூறியதாவது:கொரோனா பாதிப்பால், உலக நாடுகளின் எரிசக்தி தேவை, மூன்றில் ஒரு பங்காக குறைந்துள்ளது.

மேலும் சில ஆண்டுகளுக்கு இதே நிலை நீடிக்கும் என, கருதுவதால் இத்துறையில் முதலீடுகள் குறைந்துள்ளன.நம் நாட்டில் எரிசக்தி நுகர்வு இருமடங்காக உயரும் என, கருதுவதால், மாசற்ற மற்றும் புதுப்பிக்கத்தக்க எரிசக்தி உற்பத்தியில் கவனம் செலுத்துகிறோம்.புதுப்பிக்கத்தக்க எரிசக்தி ஆதாரங்கள் வாயிலாக, 2022ம் ஆண்டில், 175 ஜிகாவாட் மின் உற்பத்தியை எட்டும் இலக்கிற்கான பணிகளை, நாம் நிறைவு செய்துள்ளோம். இதனால், குறைந்தபட்ட கார்பன் கழிவை வெளியேற்றும் நாடாக, நாம் உருவெடுப்போம்.

மத்திய அரசின் சார்பில், கடந்த ஐந்து ஆண்டுகளில் எரிசக்தி துறையில் மேற்கொண்ட சீர்திருத்த நடவடிக்கைகளால், உலகின் எரிசக்தி தேவையை நிறைவு செய்யும் இடத்திற்கு, நாம் பயணித்து வருகிறோம். இவ்வாறு, அவர் கூறினார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X