வெள்ள அபாயம் தவிர்க்க சென்னையை காப்பாற்றுங்கள்: | Dinamalar

அரசியல் செய்தி

தமிழ்நாடு

வெள்ள அபாயம் தவிர்க்க சென்னையை காப்பாற்றுங்கள்:

Updated : அக் 31, 2020 | Added : அக் 29, 2020 | கருத்துகள் (15)
Share
சென்னை : 'வெள்ள அபாயம் தவிர்க்க, பேரிடர் மீட்பு படையை அழைத்து, போர்க்கால நடவடிக்கைகளை மேற்கொண்டு, சென்னையை காப்பாற்ற வேண்டும்' என, தி.மு.க., தலைவர் ஸ்டாலின் கூறியுள்ளார்.அவரது அறிக்கை:வடகிழக்கு பருவ மழை துவங்குவது, முன்கூட்டியே முதல்வருக்கும், உள்ளாட்சி துறை அமைச்சர் எஸ்.பி.வேலுமணிக்கும் தெரியும். அவர்கள் காட்டிய அலட்சியத்தால், ஒரு நாள் மழையை கூட தாங்க முடியாமல்,
சென்னையை காப்பாற்றுங்கள்:

சென்னை : 'வெள்ள அபாயம் தவிர்க்க, பேரிடர் மீட்பு படையை அழைத்து, போர்க்கால நடவடிக்கைகளை மேற்கொண்டு, சென்னையை காப்பாற்ற வேண்டும்' என, தி.மு.க., தலைவர் ஸ்டாலின் கூறியுள்ளார்.
அவரது அறிக்கை:வடகிழக்கு பருவ மழை துவங்குவது, முன்கூட்டியே முதல்வருக்கும், உள்ளாட்சி துறை அமைச்சர் எஸ்.பி.வேலுமணிக்கும் தெரியும். அவர்கள் காட்டிய அலட்சியத்தால், ஒரு நாள் மழையை கூட தாங்க முடியாமல், சென்னையின் முக்கிய சாலைகள் வெள்ளக்காடாக காட்சியளிக்கின்றன.சென்னை மீண்டும், '2015 டிசம்பர்' வெள்ள அபாயத்தை சந்திக்கப் போகிறதோ என்ற அச்சம், மக்கள் அனைவருக்கும் ஏற்பட்டுள்ளது.

கன மழையால் பாதிக்கப்பட்டுள்ள மக்களுக்கு கடும் கோபத்தை ஏற்படுத்தியிருக்கிறது. மழைநீர் வடிவதற்கான அவசர கால நடவடிக்கைகளை மேற்கொள்ள வேண்டும். தாழ்வான பகுதிகளில் வாழும் மக்களுக்கு போதிய பாதுகாப்பு ஏற்பாடுகள், ஏழை எளியோருக்கு உணவு உள்ளிட்டவற்றுக்கு நடவடிக்கை எடுக்க வேண்டும்.அரசால் முடியவில்லை என்றால், தயவு செய்து, பேரிடர் மீட்புப் படையை அழைத்து, சென்னை மாநகரை காப்பாற்ற, போர்க்கால நடவடிக்கைகளை எடுக்க வேண்டும். தி.மு.க., - எம்.பி.,க்கள், எம்.எல்.ஏ.,க்கள், சிரமப்படும் மக்களுக்கு, ஆங்காங்கே தேவையான அளவு உதவ முன்வர வேண்டும்.இவ்வாறு, அவர் கூறினார்.


தேர்தல் பொதுக்கூட்டங்கள் தி.மு.க., தலைமை அறிவிப்பு

பல்வேறு மாவட்டங்களில், 'வீடியோ கான்பரன்ஸ்' வாயிலாக நடந்த, முப்பெரும் விழாக்களில், ஸ்டாலின் பங்கேற்றார். அதைத் தொடர்ந்து, 'தமிழகம் மீட்போம்' என்ற தலைப்பில், வரும் சட்டசபை தேர்தலுக்கான சிறப்பு பொதுக்கூட்டங்கள் நடைபெறும் என, அறிவித்துள்ளார்.அதன் விபரம்:நவம்பர் 1 -- ஈரோடுநவ., 2 - புதுக்கோட்டை - கருணாநிதி சிலை திறப்பு விழாநவ., 3 - - விருதுநகர்நவ., 5 - துாத்துக்குடிநவ., 7 -- வேலுார்நவ., 8 - - நீலகிரிநவ., 9 - -மதுரைநவ., 10 -- விழுப்புரம்


நிர்வாகிகள் நியமனம்!

தர்மபுரி கிழக்கு மாவட்ட பொறுப்பாளராக, பெ.சுப்பிரமணியும், பொறுப்புக் குழு உறுப்பினர்களாக, ஒன்பது பேரும் நியமிக்கப்பட்டு உள்ளனர். இந்த மாவட்டத்திற்கு, தர்மபுரி, பாப்பிரெட்டிபட்டி, அரூர் ஆகிய சட்டசபை தொகுதிகள் ஒதுக்கப்பட்டுள்ளன.தர்மபுரி மேற்கு மாவட்ட பொறுப்பாளராக, இன்பசேகரன்; பொறுப்பு குழு உறுப்பினர்களாக, ஏழு பேர் நியமிக்கப்பட்டுள்ளனர். இந்த மாவட்டத்திற்கு, பாலக்கோடு, பென்னாகரம் ஆகிய தொகுதிகள் ஒதுக்கப்பட்டுள்ளன. இதற்கான அறிவிப்பை, தி.மு.க., பொதுச் செயலர் துரைமுருகன் பிறப்பித்துள்ளார்.

Advertisement




We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X