கூடலுார்:கூடலுாரில், தொடர்ச்சியாக இரண்டு நாட்களாக பகலில் மின் சப்ளை துண்டிக்கப்பட்டதால் மக்கள் அதிருப்தி அடைந்தனர்.கூடலுார் பகுதியில் நேற்று முன்தினம், காலை முதல், மின் சப்ளை துண்டிக்கப்பட்டது. மாலை, 5:00 மணிக்கு மின்சப்ளை வழங்கப்பட்டது. தொடர்ந்து நேற்று காலையில் மின் சப்ளை துண்டிக்கப்பட்டது, தொடர்ச்சியாக, இரண்டு நாட்கள் பகல் நேரங்களில் மின் சப்ளை துண்டிக்கப்பட்டதால், தீபாவளி நேரத்தில் வியாபாரிகள், பொதுமக்கள் அதிருப்தி அடைந்தனர்.மின்துறை அதிகாரிகள் கூறுகையில்,'சிங்கார -கூடலுார் உயர் மின் வழி பாதையில், மின்கம்பி சேதமடைந்ததால், அதனை சீரமைக்கும் பணிக்காக பகலில் மட்டும் மின் சப்ளை துண்டிக்கப்பட்டது. அவை சரி செய்யப்பட்டு தடையின்றி மின்சாரம் வழங்க நடவடிக்கை எடுக்கப்பட்டுள்ளது,' என்றனர்.