விழுப்புரம்; விழுப்புரம் மாவட்ட இந்திய யூனியன் முஸ்லிம் லீக் சார்பில், நபியின் உதயதின விழா, அப்துல் காதரின் 50 ஆண்டுகால சமுதாய சேவைக்கு பாராட்டு மற்றும் பரிசளிப்பு ஆகிய முப்பெரும் விழா நடந்தது.விழுப்புரத்தில் நடந்த விழாவிற்கு, மாவட்ட தலைவர் முகமது இப்ராகீம் தலைமை தாங்கினார். மாவட்ட செயலாளர் அமீர் அப்பாஸ், ஐக்கிய ஜமாத் மாவட்ட இளைஞரணி செயலாளர் அப்துல் ஹக்கீம் வாழ்த்துரை வழங்கினர்.சென்னை அடையார் குரைசானி பள்ளிவாசல் தலைமை இமாம் சதீதுத்தீன் பாஜில் பாகவி, இந்திய யூனியன் முஸ்லிம் லீக் மாநில பொதுச்செயலாளர் முகமது அபூபக்கர் எம்.எல்.ஏ., ஆகியோர் சிறப்புரையாற்றினர்.இதில், அப்துல் காதரின் சமுதாய சேவையை பாராட்டி, நினைவு பரிசு வழங்கப்பட்டது.