பொது செய்தி

தமிழ்நாடு

கல்வியாண்டை ஜூலை வரை நீட்டிக்க அரசு திட்டம்?

Updated : நவ 17, 2020 | Added : நவ 15, 2020 | கருத்துகள் (1)
Share
Advertisement
சென்னை:கொரோனா பிரச்னையால், பள்ளிகள் திறப்பு தள்ளிப் போகும் நிலையில், கல்வி ஆண்டுக்கான காலத்தை, ஜூலை வரை நீட்டிக்க, பள்ளி கல்வித் துறை முடிவு செய்துள்ளது. மார்ச்சில் ஊரடங்கு அறிவிக்கப்பட்டதன் காரணமாக, பள்ளி, கல்லுாரிகள் மூடப்பட்டன. தற்போது, நோய் பரவல் பல மடங்கு குறைந்து விட்ட நிலையில், பொது மக்களின் இயல்பு வாழ்க்கை திரும்பி வருகிறது. ஆனால், பள்ளி, கல்லுாரிகளை திறப்பது
கொரோனா, பிரச்னை, பள்ளிகள், கல்வியாண்டு,  பள்ளிகல்வித்துறை,

சென்னை:கொரோனா பிரச்னையால், பள்ளிகள் திறப்பு தள்ளிப் போகும் நிலையில், கல்வி ஆண்டுக்கான காலத்தை, ஜூலை வரை நீட்டிக்க, பள்ளி கல்வித் துறை முடிவு செய்துள்ளது.

மார்ச்சில் ஊரடங்கு அறிவிக்கப்பட்டதன் காரணமாக, பள்ளி, கல்லுாரிகள் மூடப்பட்டன. தற்போது, நோய் பரவல் பல மடங்கு குறைந்து விட்ட நிலையில், பொது மக்களின் இயல்பு வாழ்க்கை திரும்பி வருகிறது. ஆனால், பள்ளி, கல்லுாரிகளை திறப்பது மட்டும் தள்ளி போடப்பட்டுள்ளது. இதன் காரணமாக, மாணவர்களுக்கு, 'ஆன்லைன்' வழி வகுப்புகள் நடத்தப்படுகின்றன. வழக்கமான கல்வி ஆண்டில் பின்பற்றப்படும் அட்டவணைப்படி, பாடங்களை நடத்த முடியவில்லை. கல்வி ஆண்டு கணக்கில், ஜூன் முதல் ஏப்ரல் வரையிலான காலத்தில், திட்டமிட்டபடி பாடங்களையும், தேர்வுகளையும் முடிக்க முடியாத சூழல் உள்ளது.

எனவே, கல்வி ஆண்டை கூடுதலாக, மூன்று மாதங்கள் நீட்டிக்க, பள்ளி கல்வித் துறை முடிவு செய்துள்ளது. அதாவது, ஏப்ரலில் தேர்வு நடத்தி முடிப்பதற்கு பதில், ஜூலை வரை கல்வி ஆண்டை நீடிக்கலாம் என, ஆலோசனை நடத்தப்பட்டுள்ளது.அதேநேரம், உயர் கல்வி மாணவர் சேர்க்கையையும் கருத்தில் வைத்து, மத்திய கல்வி அமைச்சகத்திடம் விளக்கம் பெற்ற பின், கல்வி ஆண்டு நீட்டிப்பு குறித்த முடிவு வெளியிடப்படும் என, பள்ளி கல்வி வட்டாரங்கள் தெரிவித்துள்ளன.

Advertisement




வாசகர் கருத்து (1)

  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Lawrence - TRICHY,இந்தியா
16-நவ-202018:43:16 IST Report Abuse
Lawrence 2020-21 ஆம் கல்வி ஆண்டிற்கான பொதுத் தேர்வு தொடர்பான சில ஆலோசனைகள்: 10,11,12 ஆம் வகுப்புகளுக்கு, ஒவ்வொரு பாடத்திற்கும்,10 மாதிரி வினாத்தாள் தொகுப்பு வழங்கி, இவற்றிலிருந்து 75 % வினாக்கள் கேட்கலாம். மீதமுள்ள 25% வினாக்கள் பாடப்புத்தகத்தில் உள்ள பாடத்தின் இறுதியில் உள்ள பயிற்சி வினாக்களிலிருந்து கேட்கலாம். பாடத்திற்குள்ளிலிருந்தும், மறைமுக வினாக்கள் கேட்கக் கூடாது. NEET, JEE தேர்வுகளின் அடிப்படையில் அரசு பொதுத் தேர்வு வினாத்தாள் அமையக் கூடாது. ஏனெனில், NEET, JEE தேர்வுகளில் 12 ஆம் வகுப்பு முடித்த பின், ஒரு வருடம் அல்லது இரண்டு வருடம் தனியார் பயிற்சி மையங்களில் பயிற்சி பெறுபவர்களே, 90% MBBS, IIT, NIT க்களில் சேர்கிறார்கள். கடந்த ஆண்டு (2019-20) CBSE வினாத்தாள் எளிமை. ஆனால் தமிழக பாடத்திட்டத்தில் பொதுத் தேர்வு வினாக்கள் கடினமாக கேட்கப் பட்டன. இதனால் தமிழக பாடத்திட்டத்தில் பயின்றவர்களை விட, CBSE பாடத்திட்டத்தில் பயின்றவர்கள் அதிக அளவு மதிப்பெண்கள் பெற்றார்கள். இதனால், தமிழக பாடத்திட்டத்தில் பயின்றவர்களுக்கு தரமான பொறியியல் கல்லூரிகளில் சேரும் வாய்ப்பு குறைந்து போனது. இந்த ஆண்டு CBSE பாடத்திட்ட குறைப்பு பற்றி, கல்வி ஆண்டு தொடக்கத்திலேயே முறையான அறிவிப்பு கொடுத்தது. CBSE பள்ளிகளில் இணைய வழியிலான கல்வியும் சிறப்பாக உள்ளது. கிட்டத்தட்ட பாடங்கள் நடத்தி முடிக்கப் பட்டு விட்டது. ஆகவே தமிழக அரசு பாடத்திட்ட குறைப்பு பற்றியும், பொதுத் தேர்வு அட்டவணையையும், மாணவர்கள் மன அழுத்தத்தை குறைக்கும் வகையில், மாதிரி வினாத்தாள் தொகுப்பையும் உடனடியாக வெளியிட வேண்டும். தமிழகத்தில் உள்ள பொறியியல் கல்லூரிகளிலும், மருத்துவக் கல்லூரிகளிலும், 75 % இடங்கள், தமிழ்நாட்டு பாடத்திட்டத்தில் பயின்றவர்களுக்கு வழங்கும் வகையில், சட்டம் இயற்ற வேண்டும்.
Rate this:
Cancel

உங்கள் கருத்தைப் பதிவு செய்ய

(Press Ctrl+g   to toggle between English and Tamil)
Login :
New to Dinamalar ?
கருத்து விதிமுறை

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X