புதுச்சேரி : இந்திய வனப்பணி அதிகாரி தினேஷ் கண்ணன், அறிவியல் தொழில்நுட்ப சுற்றுச்சூழல் துறை இயக்குனராக நியமிக்கப்பட்டுள்ளார்.

புதுச்சேரி அறிவியல் தொழில்நுட்பம் மற்றும் சுற்றுச்சூழல் துறை செயலராகவும், இயக்குனராக பணியாற்றி வருவர் சுமிதா. கூட்டுறவு பதிவாளர் பதவியையும் கூடுதலாக கவனித்து வருகிறார்.இந்நிலையில் அறிவியல் தொழில்நுட்பம மற்றும் சுற்றுச்சூழல் துறை இயக்குனர் பதவியில் இருந்து சுமிதா விடுவிக்கப்பட்டுள்ளார்.அவருக்கு பதிலாக இந்திய வனப்பணி அதிகாரி தினேஷ் கண்ணன், அறிவியல் தொழில்நுட்பம் மற்றும் சுற்றுச்சூழல் துறை இயக்குனராக நியமிக்கப்பட்டுள்ளார்.

மேலும், கூடுதலாக பி.ஆர்.டி.சி., மேலாண் இயக்குனர் பொறுப்பும் வழங்கப்பட்டது.அதே வேளையில், அறிவியல் தொழில்நுட்பம் மற்றும் சுற்றுச்சூழல் துறை செயலராகவும், கூட்டுறவு பதிவாளராகவும் சுமிதா தொடர்கிறார். இதற்கான உத்தரவை கவர்னரின் ஒப்புதலின்படி தலைமை செயலர் அஸ்வனிகுமார் பிறப்பித்துள்ளார்.