மேட்டூர்: நீர்திறப்பு குறைந்ததால், மேட்டூர் அணை நீர்மட்டம், 94.09 அடியாக உயர்ந்தது. மேட்டூர் அணையின் மொத்த நீர்மட்டம், 120 அடி. காவிரி நீர்பிடிப்பு பகுதியில், பரவலாக மழை பெய்ததால், நேற்று முன்தினம் வினாடிக்கு, 5,705 கனஅடியாக இருந்த அணை நீர்வரத்து, நேற்று, 6,497 கனஅடியாக அதிகரித்தது. வினாடிக்கு, 6,000 கனஅடியாக இருந்த, மேட்டூர் அணை டெல்டா நீர்திறப்பு, நேற்று முன்தினம் மாலை, 6:00 மணிக்கு வினாடிக்கு, 3,000 கனஅடியாக குறைக்கப்பட்டது. திறப்பை விட, வரத்து கூடுதலாக இருந்ததால், நேற்று முன்தினம், 93.91 அடியாக இருந்த அணை நீர்மட்டம், நேற்று, 94.09 அடியாக உயர்ந்தது.