பொள்ளாச்சி:பொள்ளாச்சி நியூஸ்கீம் ரோடு - பல்லடம் ரோடு சந்திப்பு பகுதியில் ரோடு மோசமாக உள்ளதால் வாகன ஓட்டுனர்கள் விபத்துக்குள்ளாகின்றனர்.பொள்ளாச்சி பஸ் ஸ்டாண்டில் இருந்து, பழநி, திருப்பூர் உள்ளிட்ட பகுதிகளுக்கு செல்லும் பஸ்கள், நியூஸ்கீம் ரோடு வழியாக பல்லடம் ரோடு, உடுமலை ரோடு சென்றடைகின்றன.வாகன ஓட்டுனர்கள் வசதிக்காக, தற்போது இந்த சந்திப்பு பகுதி விரிவுபடுத்தப்பட்டு, ரவுண்டானா அமைக்கப்பட்டது. இந்நிலையில், பொள்ளாச்சி நியூஸ்கீம் ரோடு - பல்லடம் ரோடு சந்திப்பு பகுதியில் ரோடு மோசமாக உள்ளது.ஆங்காங்கே குண்டும், குழியுமாக மாறியுள்ளதால் வாகன ஓட்டுனர்கள் சிரமப்படுகின்றனர். ரோடு சந்திப்பு பகுதி மோசமாக உள்ளதால் அவ்வப்போது வாகனங்கள் விபத்துக்குள்ளாகின்றன. விபத்துகளை கட்டுப்படுத்த, ரோட்டை சீரமைக்க அதிகாரிகள் உரிய நடவடிக்கை எடுக்க வேண்டும்.