வடலுார் : சாலை விபத்தில் படுகாயமடைந்த இளைஞர் சிகிச்சை பலனின்றி இறந்தார்.

குறிஞ்சிப்பாடி அடுத்த, ஆடூர் அகரம், நடுத்தெருவை சேர்ந்தவர், தினகரன் மகன் தாய்மொழியன், 21; டிப்ளமோ படித்தவர். கடந்த, 12ம் தேதி, தனது உறவினரை அழைப்பதற்காக இருசக்கர வாகனத்தில் வடலுார் நோக்கி சென்றார்.அப்போது கரூரில் இருந்து கடலுார் நோக்கி வந்த, மாருதி ஸ்விப்ட் கார் (டி.என்-47, டி.2121) பைக் மீது மோதியது. காயமடைந்த தாய்மொழியன் புதுச்சேரி, ஜிப்மரில் அனுமதிக்கப்பட்டு, நேற்று சிகிச்சை பலனின்றி இறந்தார். விபத்து குறித்து வடலுார் போலீசார் வழக்குப் பதிந்து விசாரிக்கின்றனர்.